Habari dit bana romaneasca si internationala (05.02.2017)
BUCURESTI — Guvernul ali Romanie u abroga, dumanica dupa–prandzu, tru una andamusi speciala, Ordonanţa di Urgenţă, adoptata marta, prit cari mindui s-adara alaxeari la Codurli penale. Ndaua n’il’I di manifestanta picheteadza sediul a Guvernului, dupa ti, si asarnoaptea, cama di trei suti di n’l’I di romani isira, diznau, pi geadei, tru Capitala, tru provintie si tru diaspora, tra si spuna opozitia andicra di pruviderli a ordonantal’ei, tra cari spun ca exonereadza di raspunderea penala personaji politice di prota-thesi si functionari dit administratia centrala si locala. Premierlu social-democrat Sorin Grindeanu avea dimandata, sambata seara, că va s-ahurheasca consultari cu partidele parlamentare tra s-baga Codurile penale tru simfunie cu apofasili a Curtil’ei Constituţionali. Prezidentul Klaus Iohannis luyursi ca apofasea di abrogare a ordonantal’ei insimneadza una jgl’ioata cata normalitate. Si sediul ali Prezidentil’e easti pichetat di ndaua suti di insi, majoritatea tru ilikie, cari si spun andrupamintul andicra di Guvernu si cafta demisia al Iohannis. Liderlu PSD, Liviu Dragnea, avea cundil’eata, tru una postare pe Facebook, că partidlu a lui nu organizeadză dumanica nitiun mitingu ica manifestaţie publică. (Bogdan Matei)
Bogdan Matei, 05.02.2017, 17:30
BUCURESTI — Guvernul ali Romanie u abroga, dumanica dupa–prandzu, tru una andamusi speciala, Ordonanţa di Urgenţă, adoptata marta, prit cari mindui s-adara alaxeari la Codurli penale. Ndaua n’il’I di manifestanta picheteadza sediul a Guvernului, dupa ti, si asarnoaptea, cama di trei suti di n’l’I di romani isira, diznau, pi geadei, tru Capitala, tru provintie si tru diaspora, tra si spuna opozitia andicra di pruviderli a ordonantal’ei, tra cari spun ca exonereadza di raspunderea penala personaji politice di prota-thesi si functionari dit administratia centrala si locala. Premierlu social-democrat Sorin Grindeanu avea dimandata, sambata seara, că va s-ahurheasca consultari cu partidele parlamentare tra s-baga Codurile penale tru simfunie cu apofasili a Curtil’ei Constituţionali. Prezidentul Klaus Iohannis luyursi ca apofasea di abrogare a ordonantal’ei insimneadza una jgl’ioata cata normalitate. Si sediul ali Prezidentil’e easti pichetat di ndaua suti di insi, majoritatea tru ilikie, cari si spun andrupamintul andicra di Guvernu si cafta demisia al Iohannis. Liderlu PSD, Liviu Dragnea, avea cundil’eata, tru una postare pe Facebook, că partidlu a lui nu organizeadză dumanica nitiun mitingu ica manifestaţie publică. (Bogdan Matei)
Bruxelles – Ministurlu roman di Externe, Teodor Meleşcanu, va s-duca, luni, Bruxelles tra sa zburasca cu partenerl’i europeni ali Românie ti controversata ordonanţa di urgenţă di alaxeari a codurlor penale. El cundil’e că easti multu normal s-aibă ahtari moeabeţ şi va s-cilastaseasca tra s-afla una cearei ti dezamorsarea a aistei situaţii. Ministrul de externe nica spusi că ordonanţa controversată putea s-hiba parastisita ma ghini şi că fura problemi di comunicare ti au nadie tra s-hiba nastricuti. Luni s-tani Bruxelles, Consiliul tra Afaceri Externe, la cari l’ia parti şefan’il’i a diplomaţiilor dit vasiliili membre ali Uniunii Europeana. (Mihai)
BRUXELLES — Prezidentul ali Ripublica Moldova (ex-sovietica, majoritar romanofona), socialistul filorurs Igor Dodon, fati, di luni, una vizită di trei dzale Bruxelles, iu va s-andamuseasca cu oficialităt europene si poati s-aiba ntrivideri si responsabili NATO. Aleptu tru brumar 2016, Dodon feati, meslu ti tricu, prota a lui vizita externa, Moscova, iu declara că ari umuti s-ndrupasca denuntarea a Acordului de asociere cu UE si ndrupasti aprukearea a Chisinaului di Uniunea Eurasiatică. El nica dimanda ca va s-cafta una andamusi cu cumandusearea NATO, tra sa-l’i cafta pricunustearea ti neutralitatea ali Ripublica Moldova. Expertal’i di Chisinău, alepta di corespondental’ii Radio Romania, si spun frixea ca vizita al Dodon, Bruxelles poati s-li faca ma slabi ligaturli ali Ripublica Moldova cu Occidentul. Di altă parti, prezidentul a Parlamentului, Andrian Candu, cundil’e că seflu a statlui ari axizeri limitate tu ti mutreasti politica externa si că actuala majoritate parlamentară lugurseasti di amprotusa bagarea tru lucru a Acordului di asociere cu UE. (Bogdan Matei)
Bucuresti — Comisiile andamusiti de buget-finanţe a Parlamentului di Bucuresti li duc ma largu, aza moeabetli ti proiectul a bugetlui de stat tra 2017. Dezbaterile tru comisii sunt finalizati tru aesta seară, candu va s-hiba adrat raportul final. Proiectul a bugetlui de stat va s-intra deapoa tru dezbateri la plenlu a Legislativlui, iara votlu final tra documentu easte programat tra marţa. Tru numa Cabinetlui PSD-ALDE, ministrul a Finanţelor, Viorel Ştefan, deadi asiguripseri că proiectul tin’iseasti printipalele direcţii apufusiti tru programlu di guvernare, ntra cari n’icsurarea a TVA di la 20% la 19%, ica eliminarea a impozitlui pi venit tra pensiile ma n’it ica isa cu 2000 de lei (echivalentul a circa 400 de euro). Bugetlu easti adrat pi una creaştere economică de 5,2% şi pe un deficit de maxim 3% şi va s-da izini tra tin’isearea a angajamentelor ti s-li lo România prit alocarea a 2% dit PIB ali Apărari. Opoziţia de dreapta lugurseasti că estimările di venituri care sed la thimel’ilu a bugetlui sunt supraestimate. (Mihai)
Autor: Bogdan Matei
Armanipsearea: Tascu Lala
