Habari dit bana romaneasca si internationala – 06.11.2016
BUCURESTI — Procurorl’ discl’isira un dosar penal tra vatamari şi vătămare corporală dit culpă si cilastasescu tra s-afla stipsitl’i cari adrara nai cama greulu accidentu tru singiru ti s-ari fapta varaoara tru România, tu cari fura vatamat patru oamin’I si alta dzat fura pliguit. Di luni, tuti autovehiculele mintiti tru accidentu va s-hiba bagati tu nascanti expertizi tehniti. Dit ateli 44 di insi spitalizat, sambata, dupu carambolu di pi Autostrada A2, Bucuresti-Constanta, masi 24 nica sunt internat, dimanda ministerlu ali Sănătati. (Bogdan Matei)
Bogdan Matei, 06.11.2016, 17:40
BUCURESTI — Procurorl’ discl’isira un dosar penal tra vatamari şi vătămare corporală dit culpă si cilastasescu tra s-afla stipsitl’i cari adrara nai cama greulu accidentu tru singiru ti s-ari fapta varaoara tru România, tu cari fura vatamat patru oamin’I si alta dzat fura pliguit. Di luni, tuti autovehiculele mintiti tru accidentu va s-hiba bagati tu nascanti expertizi tehniti. Dit ateli 44 di insi spitalizat, sambata, dupu carambolu di pi Autostrada A2, Bucuresti-Constanta, masi 24 nica sunt internat, dimanda ministerlu ali Sănătati. (Bogdan Matei)
BUCURESTI — Secretarlu general adjunctu al NATO, Rose Gottemoeller, s-andamuseasti, luni, Bucureşti cu prezidentul ali Romanie, Klaus Iohannis, şi cu miniştrii de Externe, Lazăr Comănescu, şi ali Apărării, Mihnea Motoc. Marţa, nasa va s-aduna cu analţa reprezentanţa dit nouă state aliate dit Europa Centrala şi de Est – Bulgaria, Cehia, Estonia, Ungaria, Lituania, Letonia, Polonia, România, Slovacia -, cari l’ia parti la una andamusi regionala . D-na Gottemoeller easte prota mul’eari agimta pi ipotisea di secretar general adjunctu al NATO. Ma nainti, ea fu responsabil cu Controlu a Armelor şi Securitatea Internaţională tru Departamentul american de Stat. (Bogdan Matei)
RIGA – Un centru tra dialog şi cooperare tru dumenea ali energie va s-hiba discl’isu anlu ti yini, Bucureşti, dimanda Riga, tru Letonia, premierlu Dacian Cioloş, la andamusea a şefilor di guverne dit statili ali Europa Centrala şi di Est şi China. La idyea andamusi, premierlu chinez, Li Keqiang, feati un manucl’iu di pripuniri tra tindearea a cooperaril’ei cu vasiliili dit zonă. România easte interesată s-li creasca ma largu alaxerli comerciale cu China, spusi premierlu Dacian Cioloş, adăvgandalui că Executivlu di Bucureşti aşteaptă ca partea chineză s-da semnu concreti tru atea ti mutreaşti acceslu a produsilor agroalimentare româneşti pi aestă păzari. Easti zborlu maxus ti dezvoltarea şi diversificarea a exportului di carne şi produsi dit carni, tru conditiile tru cari, pi pazarea chineză easti prezentu tora masi un producător român. România easti interesată ş-di dezvoltarea a ligatural’ei cu China tru dumenea a turismului, iara tru kirolu ti yini ari oportunitatea ti organizarea a nascantor curse charter Bucureşti – China, nica spusi Dacian Cioloş.
(Corina Cristea)
MADRID — Madrid, fu lansata etapa pilot a proiectului Digital Diaspora – parteneriat tra adrarea a unal’ei comunicări hairlatica şi transparenta”, tru prezenţa a ministrului delegat tra relaţiile cu român’il’i di iutido, Maria Ligor. Protlu scpo a proiectului easte creaştirea a calitatil’ei şi hairea ti comunicari tru mediul digital anamisa di misiunile diplomatiti şi comunităţli româneşti dit vasiliili nicuchiri. Tru etapa pilot proiectul va s-hiba bagat tru practico la nivelu a 5 misiuni diplomatiti ali Românie şi va s-acata tru isapi sesiuni di ndridzeari ndrupati di experţa tru comunicarea digitală ti ari tru scupo identificarea a problemelor şi oportunităţlor prezenti tru comunicarea dit spaţiul online tru ligatura cu diaspora românească şi va s-ndreaga cearei spetifiti tra ndridzearea, respectiv bagarea tru lucru a aistor. Etapa pilot a proiectului va s-dizvarteasca pana tru sumedru 2017 şi va s-acata tru isapi misiunile diplomatiti ali României dit Spania, Italia, Belgia, Canada si Australia.
(Corina Cristea)
BUCURESTI — Lotlu national di fotbal al României s-andamuseasti, luni, Bucuresti, ta s-ndreaga partida di viniri, di pi terenlu a l’ei isisi, cu selectionata ali Polonie, dit preliminariile a Cupal’ei Mondiala dit 2018, dit Rusia. In primele trei partide dit grupa preliminara E, romanii nregistrara una victorie categorica, 5-0, la Erevan, cu Armenia, si doua remize, 1-1, acasa, cu Muntenegru si 0-0, tru deplasare, cu Kazahstanul. Dauli cu 7 puncti, Muntenegru si Polonia conduc tru clasamentul a grupal’ei, iara Romania easti treia, cu 5 puncte. Adutem aminti ca tru aesti preliminarii Nationala easti cumandusita, tra prima oara tru istorie, di un selectioner xenu, germanlu Cristoph Daum.
(Bogdan Matei)
Armanipsearea: Tascu Lala
