Habari dit bana romaneasca si internationala (12.12.2016)
Bucureşti — Partidulu Soţial Democrat din România amintăă multu ghine aleadzirile parlamentare di aieri, cu un procentu di piste 45%, uidisit a datilor BEC dupa numirarea a piste 99% di voturile exprimate în ţară şi xinătate. Pi loculu doi, cu maşi 20 procente, si-are situată Partidulu Naţional Liberal, urmat di Uniunea Salvaţi România, care, la ndoi meşi di la înhiinţare, agiumse a treia forţă politică parlamentară – cu piste 9% la sută di voturi. Tru noulu Parlamentu, pi nângă ţeale treie partide, va mai intră Partidulu Alianţa Liberalilor si Democraţâlor (di dreapta), înhiinţat di actualul preşedinte a Senatului, Călin Popescu Tăriceanu, cu circa 6 procente, Uniunea Democrată Maghiară din România tot cu 6% şi Partidulu Mişcarea Populară, a fostului preşedinte Traian Băsescu. Ţel’i 464 di v’initori deputaţ şi senator fură votaţ di aproapea 40% di român’i cu drept di vot. După rezultatile a aleadzirilor di aieri, presedintile PNL, Alina Gorghiu, îşi deade demisia.
Daniela Budu, 12.12.2016, 21:58
Bucureşti — Partidulu Soţial Democrat din România amintăă multu ghine aleadzirile parlamentare di aieri, cu un procentu di piste 45%, uidisit a datilor BEC dupa numirarea a piste 99% di voturile exprimate în ţară şi xinătate. Pi loculu doi, cu maşi 20 procente, si-are situată Partidulu Naţional Liberal, urmat di Uniunea Salvaţi România, care, la ndoi meşi di la înhiinţare, agiumse a treia forţă politică parlamentară – cu piste 9% la sută di voturi. Tru noulu Parlamentu, pi nângă ţeale treie partide, va mai intră Partidulu Alianţa Liberalilor si Democraţâlor (di dreapta), înhiinţat di actualul preşedinte a Senatului, Călin Popescu Tăriceanu, cu circa 6 procente, Uniunea Democrată Maghiară din România tot cu 6% şi Partidulu Mişcarea Populară, a fostului preşedinte Traian Băsescu. Ţel’i 464 di v’initori deputaţ şi senator fură votaţ di aproapea 40% di român’i cu drept di vot. După rezultatile a aleadzirilor di aieri, presedintile PNL, Alina Gorghiu, îşi deade demisia.
(Daniela Budu)
Bruxelles – Ministrulu roman di Externe, Lazăr Comănescu, are participată, ază, la Bruxelles, la reuniunea mensuală a Consiliului Afacerilor Externe (CAE). Dispri relatia UE-Africa, principala tema aflata pi aghenda reuniunilei, sefulu a diplomatiilei romană spuse ca identificarea aspectilor di interes comun are ună importanta aparte. Ministril’i european’i di externe mai discutară, intră alte, dispri migratie si situatia din Siria.
(Florentin)
Stockholm – Naţionala feminină di handbal a Româniilei va gioacă, mane, cu reprezentativa Cehil’ei, la Campionatulu European din Suedia. Aieri, in primulu meci din grupa a 2 a principala, romancile surclasară Ungaria, scor 29-21. Grupa easte dominata di Norveghia cu sase puncte, urmata di Romania si Danemarca, catheunâ cu patru puncte. Urmeadza Cehia si Rusia, catheună cu cate daua puncte, in timp ţi Ungaria nu are niţe un punctu. Romania easte condusa di selectionerulu spaniol Ambros Martin, care lu inlocui, mesulu tricut, pi suedezulu Tomas Ryde, cu care avea amintată medalia di brondzu la Mondialul di-tru 2015, din Danemarca.
(Mihai)
