Habari dit bana romaneasca si internationala (15.01.2017)

BUCURESTI — Tru Romania şi tru xinatati s-tanu manifestări cu furn’ia a Dzuual’ei Cultural’ei Naţionale, cari s-yiurtuseasti cafi an tru 15 di yinar, data di amintari a marlui poet, Mihai Eminescu (1850-1889), lugursitu atel dit soni mari reprezentantu a romantismului european. Cu aesta furn’ie, naulu sediu a Muzeului Naţional a Litearatural’ei Române easti discl’is oficial Bucuresti, a deapoa tru aula a Vibliotecal’ei Centrale Universitare va s-tana Gala a tinirlor scriitori. Iniţiatorlu a Dzuual’ei Cultural’ei Naţionale, criticlu literar Eugen Simion va s-hiba ca tru cafi an la sesiunea solemnă a Acadimiil’ei Române. Ca parte a strateghiil’ei a Institutlui Cultural Român di yiurtuseari Centenarlui Lipatti tru 2017, toraseara, Orchestra Naţională Radio va s-ţana un concert aniversar. Tru arada a evenimentului, actorlu Ion Caramitru va s-aleaga dit lirica al Eminescu. Ca tru cathi an, misiunile diplomatiti şi consulare, cata cum şi institutele culturale româneşti dit xinatati suntu nicuchirili a evenimentilor speciale, dedicate ti aesti dzali. Prezidentul Klaus Iohannis tipusi un mesaj pi un singir di socializare, cu ocazia a Dzuual’ei ti Cultura Naţionale, tru cari spuni ca “Tru lume, tin’ia tra Romania s-ntimil’eadza pi apruchearea si tin’isearea internaţională a cultural’ei şi artiştilor a l’ei”. Ziua Culturii Naţionale fu apufusita di Parlamentu, tru 2010, la pripunirea ali Acadimie Romane.

Bogdan Matei, 15.01.2017, 17:34

BUCURESTI — Tru Romania şi tru xinatati s-tanu manifestări cu furn’ia a Dzuual’ei Cultural’ei Naţionale, cari s-yiurtuseasti cafi an tru 15 di yinar, data di amintari a marlui poet, Mihai Eminescu (1850-1889), lugursitu atel dit soni mari reprezentantu a romantismului european. Cu aesta furn’ie, naulu sediu a Muzeului Naţional a Litearatural’ei Române easti discl’is oficial Bucuresti, a deapoa tru aula a Vibliotecal’ei Centrale Universitare va s-tana Gala a tinirlor scriitori. Iniţiatorlu a Dzuual’ei Cultural’ei Naţionale, criticlu literar Eugen Simion va s-hiba ca tru cafi an la sesiunea solemnă a Acadimiil’ei Române. Ca parte a strateghiil’ei a Institutlui Cultural Român di yiurtuseari Centenarlui Lipatti tru 2017, toraseara, Orchestra Naţională Radio va s-ţana un concert aniversar. Tru arada a evenimentului, actorlu Ion Caramitru va s-aleaga dit lirica al Eminescu. Ca tru cathi an, misiunile diplomatiti şi consulare, cata cum şi institutele culturale româneşti dit xinatati suntu nicuchirili a evenimentilor speciale, dedicate ti aesti dzali. Prezidentul Klaus Iohannis tipusi un mesaj pi un singir di socializare, cu ocazia a Dzuual’ei ti Cultura Naţionale, tru cari spuni ca “Tru lume, tin’ia tra Romania s-ntimil’eadza pi apruchearea si tin’isearea internaţională a cultural’ei şi artiştilor a l’ei”. Ziua Culturii Naţionale fu apufusita di Parlamentu, tru 2010, la pripunirea ali Acadimie Romane.

BRUXELLES – Analtul Reprezentantu ali Uniunii Europene tra Afaceri Externe şi Politica di Securitate, Fedirica Mogherini, va lu-asteapta, luni, Bruxelles, naulu ministru român di Externe, Teodor Meleşcanu. Uidisitu cu frandza di internet a Comisiei Europene, andamusea a atilor doi va s-tana tru marja a Consiliului Afaceri Generale şi Relaţii Externe, la cari l’ia parti şefl’ii a diplomaţiilor dit statele membre ale Uniunii Europene. Easti prima andamusi la cari l’ia parti Meleşcanu di la priloarea a naului mandat di ministru di Externe, functie pi cari u avu si anamisa di an’il’i 1992 si 1996 si, respectiv, tra masi daua stamani, tru brmar 2014. El s-deadi demisia atumtea căte s-laba organizare a alidzerlor avea nchdicata n’il’I di cetăţeni români dit xinatati tra s-voteadza.

CANBERRA — Sase agiucatoare di tenis reprezinta Romania la Australian Open, primlu turneu di mare slem a anului, cari debuteadza, luni, Melbourne. Nai cama ghini cotata romanca, Simona Halep, loclu 4 WTA şi cap di serie numirlu 4, va s-agioaca primlu tur cu americanca Shelby Rogers, loclu 57 WTA. Irina-Camelia Begu, loclu 30 WTA şi cap di serie numirlu 27, va s-aiba un meci greu tru turlu inaugural, contra ali Iaroslava Shvedova, dit Kazahstan. Monica Niculescu (loclu 40 WTA), atea dit soni finalistă di Hobart, va s-agioaca tru primlu tur contra a unei agiucătoare dit calificări. Sorana Cîrstea, loclu 78 mondial, va s-agioaca la turnarea diznau la Australian Open contra a rusoaical’ei Irina Kromaceva, a deapoa Patricia Ţig, 106 WTA, va s-debuteadza contra a campioanal’ei olimpica, portoricana Monica Puig. Ana Bogdan, cari apraftasi s-agiunga pi tabloulu principal yinindalui dit calificari, va s-alumta cu arusoaica Elena Vesnina.

PARIS — Miniştril’i di externe şi diplomaţ dit cama di 70 di state zburascu, aza Paris ti situatia dit Orientul di Mesi, tru arada a unei conferinte organizate tra s-lu spuna diznau agiutorlu a unei cearei mutrindalui ateali daua state. Niti Israelu niti reprezentanţali ali Palestina nu l’ia parti la aestă andamusi. Chiro tru cari palestinien’il’i fura simfun’i cu aestă conferinţă, primlu-ministru a Israelui, Benjamin Netanyahu, dimanda ca andamusea di Paris easti, pan tru soni “una conferinţă aranjată”, ndreaptată contra a Israelui. Uidisitu cu Departamentul di Stat ali SUA, secretarlu di stat John Kerry l’ia parti la summit tra s-aiba asiguripsearea că “iti va sa s-faca la aestă conferinţă easti constructiv şi echilibrat”. Israelien’il’i şi palestinien’il’i va s-hiba calisiţ s-veadza concluziile formulate dupu andamusea di Paris.

BUCURESTI – Plenlu comun a Parlamentului bicameral di Bucuresti va s-aiba andamasi, luni după-prandzu, tra s-voteadza constituirea a comisiil’ei cari va s-ancheteadza rectificărli bugetare operate di fostul Guvern tehnocrat tru agustu şi brumar anlu ti tricu. Thimil’iusearea a aistei comisii fu caftată di prezidentul di la Camera a Deputaţlor, liderlu PSD, Liviu Dragnea, a curi partid agiumsi diznau la guvernari, deadun cu ALDE, dupa alidzerli parlamentari dit 11 di andreu. Tru arada di lucru a andamusil’ei comuni a Cameral’ei şi a Senatlui nica easti si constituirea a nailor comisii di control tra activitatea a Serviciului Român de Informaţii si a Serviciului de Informaţii Externe. Gioi, directorlu SRI, Eduard Hellvig, apufusi suspendarea a prim-adjunctului a lui, generalu Florian Coldea, stipsitu di ilegalitat di fostul deputat Sebastian Ghita, cari easti, tru arada a lui, cercetat tru ma multi dosari di coruptie si kiru ama nu-l’I si stie torlu.

BUCURESTI — Tru în Romania, chirolu aesti arati si instabil tru majoritatea a regiunilor. Da neaua tru munta si tru nord-vest, a deapoa tru sud-est, local, s-inregistreaza precipatii mixte. Tempearaturli maxime a dzuual’ei va s-hiba anamisa di minus 4 si plus 5 gradi Celsius. Bucuresti, ti prandzu avea minus 3 gradi C. Uidisitu cu meteorologil’i, di luni noaptea, tru Romania napoi va s-da neaua tru sud, sud-est şi tru munta. Va s-da neaua cabaia şi tru capitală, a deapoa vimtul va s-bata vartos, maxus tru giumitatea di sud a vasiliil’ei.

Armanipsearea: Goga Nacu