Hâbâri dit bana românească şi internaţională
Daniela Budu, 23.02.2019, 17:51
XXX – Prezidentul ali Romanie, Klaus Iohannis, ari consultari, ază, cu omologlu a lui egiptean, Abdil Fattah El-Sisi, tru marja trâ participarea la Summitlu UE – Liga Statilor Arabe, cari va s-tânâ Sharm El-Sheikh, tru Egipt. Ateli doi oficiali va s-faca isapi catastisea di tora a ligaturâlei anamisa di ateali dauâ vâsilii şi posibilităţli concrete tra s-da silâ şi s-ahânduseascâ cooperarea bilaterală, tru tuti domeniile di interes comun, nica si tru domeniul economic. Uidisitu cu un comunicat ali Administratie Prezidintialâ di Bucuresti, consultărli va s-hibâ unâ bunâ ispeti tra sâ zburascâ trâ priorităţli comune dit videala câ tru aestu chiro România u ari Prezidenţilea a Consiliului UE, respectiv di cătrâ Egipt a Prezidentiilei a Uniunilei Africane. La Summitlu dit Egipt, cari va s-ţânâ dumânica si luni, Klaus Iohannis va s-t`nâ un zboru tru cari va u pârâstiseascâ minduita ali Românie tu ţi mutreaşti cooperarea anamisa di vâsiliili ali UE şi ateali dit Liga a Statilor Arabe tra s-aflâ nâscânti cearei comune trâ provocărli actuale, cum şi ateali pi chiro di mesi şi lungu chiro.
Madrid — Premierlu ali Românie, Viorica Dăncilă, avu, sambata, unâ andamusi cu omologlu a lui spaniol, Pedro Sanchez, tru marja ali andamusi ţi u ţâni Partidlu a Socialiştilor Europeni di Madrid. Atel’I doi demnitari hiritisirâ apofasea mutrindalui organizarea a unui forum di afaceri şi investiţii România-Spania şi a unei misiuni economiţi româneşti Madrid, evenimente cari va s-ţânâ tru 13 di marţu. Discuţiile nica acâtarâ tru isapi comunitatea românească dit Spania, ama şi diversificarea a ligâturlor economiţi. Premierlu Viorica Dancilă nâpoi spusi sinferlu trâ darea silâ a investiţiilor spaniole tru România tru domeniul ali infrastructurâ trâ sectoaril auto, alimentar, farmaceutic, agricol şi IT.
Bucuresti — In Romania, chirolu easti multu araţi tru ma marea parti a vâsiliil’ei, cu cingrimi tru nord, ţentru și local tru alanti locâri. Vimtul bati vârtos, ma largu tru regiun’li sud-estiţi, ama și pi chipitili di munti, iu neaua easti tufânitâ. Terlu easti variabil, cu nâscânti niurări tru munti și tru regiunile estiţi și sudiţi, iu local nica da neauâ slab. Temperaturile maxime sunt anamisa di 9 și 2 gradi Celsius. Bucuresti, ti prândzu, avea minus 1 grad C. (…) Autorităţli navale apufusirâ vinieri dicseară, curmarea temporară a manevrilor di navigaţie tru tuti porturli dit judeţlul Constanta (sud-estul ali Romaniei), di furn’ia a vimtului ţi bati vârtos. Pi ma multi câl’iuri dit vâsilie s-urdinâ tru condiţii di iarnă şi s-cilâstâseaşti cu material antidirapant. Avea problemi si tru traficlu feroviar. Vimtul vâtor surpâ, asarnoaptea, maşi Bucuresti, dzâţ di cupaci şi zn’iipsi multu amâxiuri.
Autor: Udâlu a hâbârlor
Armânipsearea: Taşcu Lala
