Habari dit bana romaneasca si internationala 18.11.2016)

BUCURESTI — Moneda nationala romaneasca, leulu, si deprecie, diz nou, ază, în raport cu dolarulu american, marcânda, aşi, ninca un recordu negativ. Banca Naţională a Româniilei anunţăă, după şedinţa di tranzacţionare interbancară, că un dolar american fu cotat la 4,25 lei. Analiştil’i economiţ susţân că evoluţia monedâlei americane pi plan mondial va genereadză inclusiv ună scunchire a importurilor a Româniilei din afoara Uniunilei Europeană, întră care şi carburanţâl’i. Iatu şi restul a cotaţiilor a leului faţă di alte valute anunţate, ază, di BNR: 4,51 lei trâ un euro, 4,21 lei trâ un francu elveţian şi 5,27 lei trâ ună liră sterlină. (Bogdan Matei)

Bogdan Matei, 18.11.2016, 22:30

BUCURESTI — Moneda nationala romaneasca, leulu, si deprecie, diz nou, ază, în raport cu dolarulu american, marcânda, aşi, ninca un recordu negativ. Banca Naţională a Româniilei anunţăă, după şedinţa di tranzacţionare interbancară, că un dolar american fu cotat la 4,25 lei. Analiştil’i economiţ susţân că evoluţia monedâlei americane pi plan mondial va genereadză inclusiv ună scunchire a importurilor a Româniilei din afoara Uniunilei Europeană, întră care şi carburanţâl’i. Iatu şi restul a cotaţiilor a leului faţă di alte valute anunţate, ază, di BNR: 4,51 lei trâ un euro, 4,21 lei trâ un francu elveţian şi 5,27 lei trâ ună liră sterlină. (Bogdan Matei)

Bucureşti — In Romania, fostul secretar di stat Adrian Sanda şi ninca ţinţe persoane fură arestate preventiv trâ 29 di dzâle tru dosarulu a falşilor alumtători cu rol determinantu în victoria Revoluţilei anticomunistă di-tru Andreu 1989. Suspecţâl’i sunt acuzaţ di abuz în serviciu cu consecinţe multu grave şi di trafic di influenţă Uidisit a procurorilor, aţiştia s-aibă intevenită, trâ aestu lucru sume di pâradz, cu scupolu ca unil’i revoluţionari să l’ia titlul di alumtător cu rol determinantu, care lâ da ndreptul la ună indemnizatie pi mes di piste 2000 di lei (circa 450 di euro) şi sa beneficiadză di ună serie di avantaje. Uidisit a Parchetului, ună mare parte di aţel’i 3.500 di revoluţionari cu aţistu titlu, nu îndeplinea condiţiile pruvidzute di leadze. Uidisit a statistiţilor ofiţiale, in revolta anticomunista di-tru andreu ’89, 1.100 di persoane şi-au chirută bana si piste treie m’il’e fură pliguite.

(Aura Spiridon)

HAGA – Preşedintile a Romaniilei, Klaus Iohannis, apruche, azâ, la Kerkrade, în Olanda, distincţia “Martin Buber”, acordată di Fundaţia Euriade – organizaţie niguvernamentală care promovează educaţia tinerilor în spiritulu a valorilor europeane. Premiul easte oferit anual a personalităţâlor care, pri-tru activitatea lor publică şi privată, contribuie la dezvoltarea a unor comunităţ armonioase, bazate pi valori umaniste, pri-tru dialog autentic, dişcl’idire, responsabilitate şi respectu faţă di oamin’i. Ninte di cheremonia di la Kerkrade, şefulu a statului avu ună adunare cu piste 100 di tineri di-tru diferite ţări, care partiicipă la Festivalul Internaţional a Dialogului, în desfăşurare, tru “Euroreghiunea Meuse-Rin ună zona di la graniţile a Belghil’ei, Ghirmaniilei şi Olandâlei. Placheta decernată a preşedintelui Iohannis si acordă tru cathe an, arhiusinda cu 2002. Regina Silvia a Suedil’ei, Mihail Gorbaciov, Gari Kasparov şi Helmut Schmidt suntu ndauă di personalităţâle care au mai loată aestă distincţie. (Aura Spiridon)

CHISINAU – Comisia Electorală Chentrală di la Chisinau are anuntată, tora seara, rezultatile ofiţiale a aleadzirilor prezidenţiale di-tru Republica Moldova (ex-sovietica, majoritar romanofona), amintate di socialistul rusofil Igor Dodon cu 52% di voturi. Membril’i a li comisie respinsiră aţeale piste 170 di contestaţii depuse di adversara a lu Dodon tru turulu doi di scrutin, reformatoarea pro-europeana Maia Sandu, care acuzăă numiroase nereguli şi câftă invalidarea aleadzirilor pi motiv di fraudă. CEC nu lo în consideraţie niţe aţeale piste 3.000 di contestaţii a cetăţen’ilor moldovean’i aflaţ piste graniţe, care au acuzată faptul că lâ si obstrucţionăă ndreptul la vot garantat pri-tru Constituţie. Uidisit a preşedintelui CEC, Alina Rusu, citata di corespondentâl’i Radio Romania, călcările sesizate fură minore şi nu pot să influenteadză rezultatul final a aleadzirilor. Tut ază, Dodon renunţăă la funcţia di preşedinte a Partidului a Socialiştilor şi părăsi aesta formaţiune, a cure conduţire va hibă priluata di şefa a fracţiunilei parlamentară, Zinaida Greceanîi, fostu premier tru chirolu a guvernarilei comunistă. (Bogdan Matei)