Habari dit bana romaneasca si internationala 22.08.2016
BUCURESTI – Premierlu roman, Dacian Cioloş, va s-faca di aza una volta ufitală tu Ripublica Moldova (ex-sovietica, majoritar romanofona). Vizita s-fati tu arada tu cari di putan chiro, Guvernlu roman apruche darea tu 24 di agustu, a protal’ei hopa di 60 di miliun’i di euro di asistenţa financiară ti s-nu s-toarna napoi ti Ripublica Moldova. Ti aesta, Chisinaul si-lo ma multi borgi, apufasearea a unal’ei foaie di parcursu ti agiundzearea la una achicaseari cu FMI, andridzearea a pachetal’ei legislativa ti adrarea cama buna ali emburlachi, fatsearea analiza a slabintalor dit sistemlu bancar şi apufasearea a unal’ei calendari legislativa di andridzeari a aiustor. Bucurestiul cafta adrarea a unui plan ti spuneari şi actualizari ali strategie di reformari a sectorlui ali justiţie şi ali Strategie naţionala antiarusfeti di Ripublica Moldova.
Corina Cristea, 22.08.2016, 20:19
BUCURESTI – Premierlu roman, Dacian Cioloş, va s-faca di aza una volta ufitală tu Ripublica Moldova (ex-sovietica, majoritar romanofona). Vizita s-fati tu arada tu cari di putan chiro, Guvernlu roman apruche darea tu 24 di agustu, a protal’ei hopa di 60 di miliun’i di euro di asistenţa financiară ti s-nu s-toarna napoi ti Ripublica Moldova. Ti aesta, Chisinaul si-lo ma multi borgi, apufasearea a unal’ei foaie di parcursu ti agiundzearea la una achicaseari cu FMI, andridzearea a pachetal’ei legislativa ti adrarea cama buna ali emburlachi, fatsearea analiza a slabintalor dit sistemlu bancar şi apufasearea a unal’ei calendari legislativa di andridzeari a aiustor. Bucurestiul cafta adrarea a unui plan ti spuneari şi actualizari ali strategie di reformari a sectorlui ali justiţie şi ali Strategie naţionala antiarusfeti di Ripublica Moldova.
(Corina Cristea)
ROMA – Cancelarlu ghirman, Angela Merkel şi prezidentul francez, François Hollande, fac moabeti,Italia, cu premierlu Matteo Renzi. Dupu cum da tru steari corespondentul ti Radio Romania, moabetli a mini-summitului suntu ligati di znjia di dupu Brexit, alumta contra a terorismului şi problema ali migraţie. Andamusea s-tani tu conditiili tu cari pisti trei stămân’i, Bratislava, va s-tana un summit europeanu luyursit importantu ti yinitorlu ali Uniuni şi protlu fara Marea Britanie.
(Corina Cristea)
BRASILIA – Agiocurili Olimpiti di Rio s-bitisira cu una isapi nu ahat buna ti Romania, mas 5 medalii. Romania easti asi pi loclu 47 pi arada dupu medaliili amintati, una di malma, ti pareia di feamini di la apala, una di asimi, amintata di Florin Mergea si Horia Tecău la tenis diplo mascur, si trei di bacari, anchirdasiti di halterofilu Gabriel Sîncrăian, pareia di feamini la canotaj 8 si 1 si cecenlu naturalizatu Albert Saritov, la lupti libiri. Agiucurli dit 2020 va s-tana tu capitala nipona Tokyo. Va na turnam dupu habari.
(Corina Cristea)
Bucuresti — Tu Romania, fermierii aflaţ tu greva ali foami nica di gioi dzac ca nu va s-alasa protestul dinaintea a Guvernului până cânda nu va s-l’ia sumvenţiili ti pravdza. Tut paradzil’ii agiungu la 360 di miliun’I di euro. Dupu cum dzac protestatarii, ministerlu ali Agricultura lipsea s-da paradzl’ii pana tu 15 di agustu. Agenţia ti Plăţ şi andrupari ali Agricultură dzati că, până tu giumitatea a meslui agustu, palti ma multu di 61% di sumvenţii, va s-dzaca 193 di miliun’i di euro.
(Daniela Budu)
