Habari dit bana romaneasca si internationala (28.09.2016)
Bucuresti — România li priluă ofiţial, ază, di la baza portugheză Monte Real, primile şase avioane F-16, dintr-un total di 12, pi care li are acumpărată trâ suma di 628 milioane euro. Aparatile di azboir tricură printr-un proces di modernizare, numit în termen’i tehniţ Mid-Life Upgrade, şi va poată să interacţioneadză tru tut aţealişi condiţii cu toate alante avioane multirol p care li au statile membre NATO. În prezentu, spaţiul aerian a li Românie easte apărat di aeronave supersoniţe di tip Mig-21 LancerR, di fabricaţie sovietică, modernizate în colaborare cu ună firmă israeliană arhiusinda cu 1995. Tutunâoară, Forţile Aerieane Române mata au avioane di antrenamentu subsoniţe di fabricaţie românească, pricum şi avioane di transportu di fabricaţie italienească şi americană. Armata Română are, totunâoară, elicoptere Puma şi Alouette, produse în România sum licenţă franceză. În fine, tru dotarea Forţilor Aerieane si aaflă şi aparate di tip AN-30, produse în fosta Uniune Sovietică, ufilisite trâ fotografie aeriană şi cartografiare.
Roxana Vasile, 28.09.2016, 21:26
Bucuresti — România li priluă ofiţial, ază, di la baza portugheză Monte Real, primile şase avioane F-16, dintr-un total di 12, pi care li are acumpărată trâ suma di 628 milioane euro. Aparatile di azboir tricură printr-un proces di modernizare, numit în termen’i tehniţ Mid-Life Upgrade, şi va poată să interacţioneadză tru tut aţealişi condiţii cu toate alante avioane multirol p care li au statile membre NATO. În prezentu, spaţiul aerian a li Românie easte apărat di aeronave supersoniţe di tip Mig-21 LancerR, di fabricaţie sovietică, modernizate în colaborare cu ună firmă israeliană arhiusinda cu 1995. Tutunâoară, Forţile Aerieane Române mata au avioane di antrenamentu subsoniţe di fabricaţie românească, pricum şi avioane di transportu di fabricaţie italienească şi americană. Armata Română are, totunâoară, elicoptere Puma şi Alouette, produse în România sum licenţă franceză. În fine, tru dotarea Forţilor Aerieane si aaflă şi aparate di tip AN-30, produse în fosta Uniune Sovietică, ufilisite trâ fotografie aeriană şi cartografiare.
(Roxana Vasile)
Bucureşti — Copreşedintile PNL, a daua formaţiune ca pondere, ca griutate, în Parlamentul di la Bucureşti, Vasile Blaga, anunţăă, ază, că demisioneadză di-tru aestă funcţie şi că nu va mai coordoneadză niţe campania partidului trâ aleadzirile parlamentare di-tru andreu. Totunâoară, el nu va candideadza la scrutinulu din iarnă. Decizia fu loată după ţi procuroril’i DNA avea anunţată că Vasile Blaga easte cercetat sum control judiciar într-un dosar di corupţie. Faptile să fură comise tru 2009-2012, când Blaga, care eara tru aţel chiro ministru di Interne şi apoia preşedinte a Senatului di la Bucureşti, s-aibă intervenită trâ acordarea unor contracte în mod preferenţial. Trâ aestu trafic di influenţă, el s-aibă loată comisioane di 10%, însumânda şapte sute di m’il’e di euro, din partea fostului primar a câsâbălui Piatra-Neamţ (nord-estu), Gheorghe Ştefan, şi a unui om di afaceri.
(Roxana Vasile)
Bucureşti – Ministerulu român di Externe salutăă, ază, publicarea a rezultatilor a comisilei internaţională destinate a clarificaril’ei a circumstanţilor a câdearilei a azboirului MH17. Uidisit a luştor rezultate, avionulu civil malaezian surpat, tru 2014, în estul separatistu a Ucrainâl’ei, fu agudit di ună rachetă lansată dintr-ună zonă di conflict controlată di rebelil’i proruşi. Demersul a comisil’ei reprezintă un actu riguros şi independentu cu scupolu să clarifică circumstanţile a câdearil’ei şi să producă concluzii care să poată să conducă la înfăptuirea actului di justiţie – scrie în comunicat Ministerulu di Externe di la Bucureşti. Aestu caftă a tutulor statilor care sunt în misură să ndrupască ancheta să coopereze pi dimplin în videarea a identificarilei, stabilirilei şi aduţirilei dinintea a justiţil’ei a ţilor responsabili. Aduţim aminte că, tru alonar 2014, aeronava MH17 aparţinânda a companiilei Malaysia Airlines, câdzu tru estul a Ucrainâlei, în timp ţi fâţea cursa Amsterdam – Kuala Lumpur. La bordu si afla 298 di persoane. Niţiun insu nu arâmase v’iu, nu suprav’iuţui.
(Roxana Vasile)
Tel Aviv — Preşedintile român, Klaus Iohannis, şi preşedintile a Senatului di la Bucureşti, Călin Popescu Tăriceanu, va să participă, vineri, la funeraliile a fostului premier şi preşedinte israelian, Shimon Peres, care dânâsi di-tru bana, ază, la Tel Aviv, la vârsta di 93 di ani. Într-un un mesaj di condoleanţe adresat a omologului a lui israelian, Reuven Rivlin, preşedintile Klaus Iohannis dzâţe că Shimon Peres fu un lider vizionar şi un alumtător nicurmat trâ ună soluţie durabilă în procesulu di Pace di-tru Orientul di Mese. Poporul român – spune preşedintile Iohannis — va să-şi amintească dipriună suţâl’ia sinceră şi profundă a lu Shimon Peres, primulu preşedinte israelian care vizită România, tru 2010. Tru arada lui, şefulu a Guvernului di la Bucureşti, Dacian Cioloş, evocă tru mesajulu di condoleanţe transmis a omologului israelian Benjamin Netanyahu personalitatea emblematică a lu Shimon Peres, promotor a pacil’ei, recunoscut pi plan internaţional inclusiv pri-tru apruchearea Premiului Nobel trâ Pace.
(Roxana Vasile)
Bucureşti – Aţel mai importantul eveniment muzical a toamnâlei, Festivalul RadiRo, continuă la Bucureşti. În programul di ază: Richard Strauss, Gershwin şi Ceaikovski în interpretarea Orchestrâlei Simfonică Radio din Leipzig – ţea mai veacl’ea orchestră radio di-tru Ghirmăniea şi unâ di aţeale mai inovativile din Europa. Organizat di Radio România, Festivalul Internaţional a Orchestrilor Radio, RadiRo, si desfăşoară până sâmbătă 1 octombrie.
(Roxana Vasile)
