Habari dit bana romaneasca si internationala
Roma — Şefan’il’i di stat şi di guvern dit Uniunea Europeană, inclusiv prezidentul român Klaus Iohannis, simnara, ază, Roma, una declaraţie solemnă prit cari şi znuescu angajamentul european, tru contextul şi ali apofasi ti u lo Marea Britanii tra s-iasa dit pareia comunitara. Simnarea a aistei declaraţii s-feati tamam la 60 di ani di la simnarea, tut Roma, a Tratatlui prit cari fu timil’iusită comunitatea economică europeană ti vrea s-alaxeasca, deapoa, tru actuala Uniune. Tru un documentu pi cari oficialii di Bucureşti alu pitricura a statilor membri nintea a summitlui să spuni că România cundil’eadză tra una Uniune ma vartoasă. Aieri, Papa Francisc al’i astipta Vatican tuţ liderl’i prezenţa la summit şi al’i candasi tra sa spuna una ma mari solidaritati europeană, tru condiţiile tru cari, tru minduita al nasu, UE s-ampuliseasti cu un vid di yisteri şi ş-chiru imnaticlu.
Florentin Căpitănescu, 25.03.2017, 18:02
Roma — Şefan’il’i di stat şi di guvern dit Uniunea Europeană, inclusiv prezidentul român Klaus Iohannis, simnara, ază, Roma, una declaraţie solemnă prit cari şi znuescu angajamentul european, tru contextul şi ali apofasi ti u lo Marea Britanii tra s-iasa dit pareia comunitara. Simnarea a aistei declaraţii s-feati tamam la 60 di ani di la simnarea, tut Roma, a Tratatlui prit cari fu timil’iusită comunitatea economică europeană ti vrea s-alaxeasca, deapoa, tru actuala Uniune. Tru un documentu pi cari oficialii di Bucureşti alu pitricura a statilor membri nintea a summitlui să spuni că România cundil’eadză tra una Uniune ma vartoasă. Aieri, Papa Francisc al’i astipta Vatican tuţ liderl’i prezenţa la summit şi al’i candasi tra sa spuna una ma mari solidaritati europeană, tru condiţiile tru cari, tru minduita al nasu, UE s-ampuliseasti cu un vid di yisteri şi ş-chiru imnaticlu.
(Roxana Vasile)
Bucureşti — Aproapea daua n’il’i di poliţişti mutara cap, sambata, Bucureşti, dinintea a Ministerlui di Interni şi a Guvernului, tamama di Dzua a Poliţiil’ei Române. El’i suntu niifharistusiţ di nivelu a tin’iilor di cafi mes comparativ cu alti sectoari bugetari. Tru consecinţă, poliţiştil’i caftă, ntra altili, cristearea a tin’iilor di cafi mes şi una isapi tra sporurli andicra di tin’ia di cafi mes criscută.
(Florentin)
Bucureşti — Embistimen’il’i-ortodocşii, majoritari tru România, şi greco-catolitl’i yiurtusira, ază, Vanghilizmolu – dzua tru cari Sta Maria apruke habarea va lu aminta Hristolu. Tut ază, tru aproapea 300 di localităţ dit vasilie, ama şi tru Ripublica Moldova vitină, majoritar românofonă, s-dizvarteasti a 7-a ediţie a “Marşului tra bană”, prit cari s-cafta danaseari ti arcarea a natlor şi ndruparea a mul’earil’ei şi ali familie. Scupolu ali acţiuni organizata cu agiutorlu ali Patriarhie Române easti tra s-faca timbihi ti numirlu multu mari di nat arcat legal fapti tru spitalili publiti dit România: aproapea 23 di miliun’i tru perioada 1958-2016. Organizatorl’i a “Marşului tra bană” spun, ama, că numirlu alithea a aistor poati s-hiba nica si diplo, ma sa si stiba câti fura fapti tru clinit privati ica paranom tru perioada a fostului regim comunistu.
(Roxana Vasile)
,
Washington — Agiucatoarea româna di tenis Sorana Cîrstea (65 WTA) u andamuseasti, toraseara, daneza Caroline Wozniacki (14 WTA), tru runda a treia a turneului di Miami (Florida), dotat cu premii totali di 6,8 miliun’i di dolari. Tru idyea faza ali competitie, alti daua romanti, Simona Halep (5 WTA) si Patricia Maria Ţig, va s-agioaca, dumanica dupa-prandzu, cu estoniana Anett Kontaveit (112 WTA), vinită dit calificări, si, respectiv, Venus Williamns (12 WTA). Una alta agiucatoari dit Romania, Irina Begu (28 WTA), rata calificarea tru turlu trei, dupa azvindzearea, tru trei seturi, dinintea Laral’ei Arruabarrena (Spania).
(Florentin)
Armanipsearea: Tascu Lala
