Habari dit bana romaneasca si internationala (31.08.2016)
Bucuresti – DZuua a limbâlei română easte marcată, pi 31 augustu, di autorităţ şi instituţii publiţe, di reprezentanţile diplomatiţe şi institute culturale a li Românie, pricum şi di instituţii româneşti di-tru xeane, pri-tru organizarea a unor programe şi evenimente cultural-educative. Concerte di muzică populară românească, reprezentaţii di teatru şi recitaluri di poezie si fac în ţară şi tru xeane, aclo iu există comunităţ mări di român’i: Sârbia, Bulgaria sau Ucraina. Şi în Republica Moldova (ex — sovietica, majoritar romanofona) si sărbătoreşte, ază, DZuua Limbâlei Română, care agiumse limbă di stat tru 2013.
Leyla Cheamil, 31.08.2016, 21:50
Bucuresti – DZuua a limbâlei română easte marcată, pi 31 augustu, di autorităţ şi instituţii publiţe, di reprezentanţile diplomatiţe şi institute culturale a li Românie, pricum şi di instituţii româneşti di-tru xeane, pri-tru organizarea a unor programe şi evenimente cultural-educative. Concerte di muzică populară românească, reprezentaţii di teatru şi recitaluri di poezie si fac în ţară şi tru xeane, aclo iu există comunităţ mări di român’i: Sârbia, Bulgaria sau Ucraina. Şi în Republica Moldova (ex — sovietica, majoritar romanofona) si sărbătoreşte, ază, DZuua Limbâlei Română, care agiumse limbă di stat tru 2013.
(Leyla Cheamil)
Bucuresti – Aleadzirile parlamentare din Romania va să si desfăşoară pi 11 andreu 2016, conform a unei apofase loată in sedinta di m’iercuri a Guvernului. Uidisit cu spusa purtatorului di zbor a Executivului, Liviu Iolu, data di 11 andreu easte vrută di majoritatea a partidilor parlamentare. Membril’i a cabinetului di ministri au adoptată, ninca şi, ună ordonanta di urgenta care da posibilitatea a nhiintarilei di sectii di votare piste graniţe si in locuri tru care si-are constatată, in trecut, ună prezenta semnificativa a aligatorilor. Ordonanta mai da posibilitatea a aligatorilor di-tru xeane sa voteadză la hibăţe sectie, pri-tru inscriire tru liste suplimentare; tutunaoară, cererea di inscriire in Reghistrulu electoral si copiile dupa actile di identitate va poată să hibă pitricute inclusiv pi cale electronica. Guvernul mai are adoptată decizia ca 2 septembrie 2016 sa hibă DZuuă di doliu national, in memoria victimilor a cutremburului din Italia, intră care si aafla si 11 romani.
Valentin Tigau
BUCURESTI — România prinde să contribuie activ la efortul di acţiune a comunitatilei internaţională, a UE şi al NATO, adică a comunitatilei di valori a cui îl’i aparţiâe, aprecie sefulu a statului roman, Klaus Iohannis, la Reuniunea Anuală a Diplomaţiilei, di la Bucuresti. Interesile a Româniilei, ca stat aflat la frontiera externă a liştei comunitate, nă obliigă să actionăm trâ asiguripsirea securitatilei naţională şi a organizaţiilor esenţiale, UE şi NATO, di-tru care faţim parte. Tru tut aţeluşi chiro, stabilitatea şi creaştirea economică a Româniilei, dependenţa energhetică redusă, predictibilitatea a noastră democratică şi tru susţânirea a statului di dreptu, ama şi derularea a acţiunilei di politică externă şi securitate sunt atu-uri multu importante, cama multu în aestă reghiune. Eale prinde să hibă ufilisite cu mintimineaţă şi viziune, ahtare turlie încât România să hibă ma puternică şi mai eficientă, ninca dzâse presedintile Iohannis. Ambasadoril’i şi consulil’i a Româniilei analizeadza, tru aţiste dzâle, la Bucuresti, principalile provocări, pricum relaţiile cu parteneril’ii importanţâ a Romaniilei, evoluţia instituţiilor internaţionale în care România easte parte, securitate sau dezvoltare economică. La reuniune, ahât premierulu Dacian Cioloş, cât şi ministrulu di Externe, Lazăr Comănescu, declarară că, dinintea a crizilor care fuvirsescu Europa, România va să continuă să pledeadză trâ un proces di reflecţie care să nu li adânţească faliile deja existente întră diversele ţări sau grupuri di state membre.
(Corina Cristea)
BUCURESTI – Primulu ministru a Romaniilei, Dacian Ciolos asistăă, aieri, la Amatrice — Italia, la funeraliile naţionale trâ 37 di victimile a cutremburului din peninsulă. Tutunăoară, Dacian Cioloş îl’i vizităă pi sinistraţâl’i român’i care şi-au chirută locuinţile şi dzâse că executivul va să rezolvă, dinclo di agiutorulu finaciar, şi partea birocratică. Aflat tru arada lui în Italia, ministrulu a Lucrului, Dragoş Pîslaru, are precizată că familiile di român’i care arămasiră fără locuinţe după cutremburulu din Italia pot să beneficiadză di agiutoarile financiare bâgate la dispoziţie di autorităţâle di la Bucureşti, după ţi depun declaraţii pi propria răspundere. Cererea tip easte disponibilă la misiunile diplomatiţe şi oficiile consulare a li Românie din Italia sau la aghenţiile judeţeane trâ plăţ şi inspecţie socială din ţară. In memoria victimilor a cutremburului, intră care si aaflă si 11 roman’i, in Romania, 2 agheazmăciune fu decretata dzuuă di doliu national
(Corina Cristea)
