Habari dit bana romaneasca si internationala
BUCURESTI — Guvernili ali României şi Statelor Unite va s-lucreadza deadun, prit nascanti puncte naţionali di ligatura, tra asiguripsearea di informaţii anamisa di autorităţli ti au borgea ti prevenirea, aflarea şi investigarea a infracţiunilor greali, ntra cari si terorismul. Uidisitu cu un proiectu di nom vulusitu di Executivlu di Bucureşti, acordul pruveadi darea di cătra autorităţli române şi americane a datilor di referinţa dit sistemili naţionale di identificari prit amprente şi ADN. Documentul fati parte dit gaeretli polititi si diplomatiti nchisiti di România tra apruchearea tru Programlu Visa Waiver, di liberalizari a vizilor. Di alta parte, România va s-hiba, dit aesta toamnă, prota nicuchira a unal’ei misiuni comerciala americana di mari simasie tru Europa di Sud-Est. Ambasada romana di Washington, aleapta di corespondenta Radio Romania, dimanda că misiunea comercială regională nai cama larguria ndreaptă di Departamentul american a Comerţului, Tradi Winds, va sa s-dizvarteasca tru sumedru, a deapoa România va s-hiba statlu aşi-numasit stur a misiunil’ei. Va s-yina Bucureşti cama di 100 di companii americane dit ma multi domenii, sinfirisiti di oportunităţli economiti dit România şi dit regiune. (Bogdan Matei)
Bogdan Matei, 06.05.2017, 17:23
BUCURESTI — Guvernili ali României şi Statelor Unite va s-lucreadza deadun, prit nascanti puncte naţionali di ligatura, tra asiguripsearea di informaţii anamisa di autorităţli ti au borgea ti prevenirea, aflarea şi investigarea a infracţiunilor greali, ntra cari si terorismul. Uidisitu cu un proiectu di nom vulusitu di Executivlu di Bucureşti, acordul pruveadi darea di cătra autorităţli române şi americane a datilor di referinţa dit sistemili naţionale di identificari prit amprente şi ADN. Documentul fati parte dit gaeretli polititi si diplomatiti nchisiti di România tra apruchearea tru Programlu Visa Waiver, di liberalizari a vizilor. Di alta parte, România va s-hiba, dit aesta toamnă, prota nicuchira a unal’ei misiuni comerciala americana di mari simasie tru Europa di Sud-Est. Ambasada romana di Washington, aleapta di corespondenta Radio Romania, dimanda că misiunea comercială regională nai cama larguria ndreaptă di Departamentul american a Comerţului, Tradi Winds, va sa s-dizvarteasca tru sumedru, a deapoa România va s-hiba statlu aşi-numasit stur a misiunil’ei. Va s-yina Bucureşti cama di 100 di companii americane dit ma multi domenii, sinfirisiti di oportunităţli economiti dit România şi dit regiune. (Bogdan Matei)
BUCURESTI – 12 di cetăţeni irakieni fura aflaţ di poliţiştil’i roman’i di sinur tu kirolu anda avea naeti tra s-intra paranom tru România dit Sarbie. Aesta spusira ca vrea tra s-agiunga tru vasilii dit ascapitata ali Europa. Dit pareia di migranta fac parti trei bărbaţ, tinti mul’eri şi patru cilimean’i, cu ilikia anamisa di 1 şi 17 di an’i. Uidisitu cu un comunicat di la politia romane di sinur, fura habarisiti autorităţli sârbi, tra cercetarea deadun a evenimentului şi bagarea tru practico a acordului di riadmisie. (Bogdan Matei)
BUCURESTI — Ateali 14 di birouri di promovare turistică externă ali României pot tra s-hiba ncl’isi, dupa ti ministerlu di resortu di Bucuresti lansa tru debat public un proiectu di apofasi pi aestă temă. Ma nainti, Curtea di Conturi agiumsi cu isapea pi nascanti greali nireguli tru atea ti mutreasti ufilisearea a fondurlor ahardziti tra aesti instituţii, iara ministrul Mircea Dobre spusi că dauă cirecuri s-cama dit bugetlu a birourlor externe di turismu fura hargiuiti ti tocurli tra sedii. El adavga ca actiunile di promovare turistică a vasiliil’ei pot tra s-hiba huzmitipsiti di misiunile diplomatiti romanesti. (Bogdan Matei)
PARIS — Tru Franta easti, aza, dzuua di mindueari, nintea a doilui tur decisiv, a alidzerlor prezidentiali di dumanica. Dupa una campanie electorala apreasa, candidatlu centristu, pro-europeanlu Emmanuel Macron, easti lugursitu ca alithiul amintator, cu cama di 60% dit naetli di vot, kiro tru cari lidera a extremal’ei dreapta, eurofoba Marine Le Pen, poati s-aduna sum 40 di procente dit sufragii. Easte tra prota oara, dupa dzat di ani, candu niti dreapta conservatoare, niti stanga socialista nu au candidat tru finala a prezidentialelor. Ase cum na dimanda corespondentulu Radio Romania di Paris, scrutinlu, ti presa franceza ilu lugurseasti istoric şi inedit, va s-aduca nu masi un aminator, ca şi multi dileme pi scena politică. Tru cirisar va sa s-tana alidzeri legislative, cari va s-apufuseasca guvernul deadun cu cari va s-cumanduseasca vasilia yinitorlu prezidentu. (Bogdan Matei)
Armanipsearea: Tascu Lala
