HÂBARLI – 2.844 cazuri năi di SARS-CoV-2 tru România
2.844 di cazuri năi di oamińi infectaţ cu SARS-CoV-2 easti isapea tu aesti di tu soni 24 di sâhăţ, dupu ți eara adrati 8.709 di testi pi livelu naţional, dimãndă, luni, Gruplu di Comunicari Strateghică (GCS).
Mariana Chiriță, 27.10.2020, 09:14
2.844 di cazuri năi di oamińi infectaţ cu SARS-CoV-2 easti isapea tu aesti di tu soni 24 di sâhăţ, dupu ți eara adrati 8.709 di testi pi livelu naţional, dimãndă, luni, Gruplu di Comunicari Strateghică (GCS).
Suntu cazuri cari numata adrarã ma ninti unu testu pozitiv, cundilleadză GCS.
Până luni, pi teritoriul a Româniillei eara spusi 212.492 di cazuri di oamińi infectaţ cu năulu coronavirus.
151.811 di oamińi fură declaraț vindicaț.
Uidisitu cu hãbãrisearea a GCS, până tu aestă dzuuă, la nivelu naţional, eara prilucrati 3.064.698 di testi ti infecţia cu SARS-CoV-2. Ditu aestea, 8.709 eara adrati tru aesti ditu soni 24 di sâhăţ – 6.229 tru baza-a difiniţiillei di cazu şi a protocolui medical şi 2.480 la căftari.
Alțâ 79 di oamińi infectaţ cu năulu coronavirus murirâ, aestă turlie, tutu cu tutu, numirlu a morțâloru tru România agiumsi la 6.470.
Easti zborlu ti 45 di bărbaţi şi 34 di mlleri, oamińi internaţ tru spitalele ditu Alba, Arad, Argeş, Bacău, Bihor, Bistriţa-Năsăud, Brăila, Cluj, Constanţa, Dâmboviţa, Dolj, Giurgiu, Gorj, Harghita, Hunemașa, Iaşi, Maramureş, Prahova, Sălaj, Sibiu, Teleorman, Timiş, Tulcea, Vaslui, Vrancea şi Bucureşti.
Ditu aeșțâ, unu mortu eara pi ilikia di 30-39 di ańi,ținți morțâ eara pi ilikia di 40-49 di ańi, şapti morțâ eara pi ilikia di 50-59 di ańi, 21 di morțâ pi ilikia di 60-69 ańi, 24 di morțâ pi ilikia di 70-79 ańi şi 21 di morțâ pi ilikia di 80 di ańi ș-cama.
76 ditu morțâlli nâscânțâ pacienţâ cari avea comorbidităţ, un pacientu nu avu comorbidităţ, a deapoa, doi pacienţâ nu eara spuși cu comorbidităţ pânâ tu aestâ oarâ, hâbâriseaști GCS.
10.726 di oamińi cu COVID-19 suntu internaţ tru unităţli sańitari di profilu.
La ATI suntu internaţ 823 di pacienţ.
Pi teritoriul ali Românie, 25.781 di oamińi confirmaț cu infecţia a năului coronavirus suntu tru izolari acasâ, a deapoa, 9.963 suntu tu izolari instituţionalizată.
54.855 di oamińi suntu tru izolari acasâ, a deapoa 51 tru carantină instituţionalizată.
357 di oamińi nâpoi eara testaț și furâ spuși pozitiv cu COVID-19.
“Ahoryea di cazurli nău spusi/ confirmate, dupu testarea diznău a pacienţâloru cari era ma ninti pozitivi, 357 di oamińi nâpoi furâ spuși/ reconfirmaț pozitiv”, cundilleadzã GCS.
Ampârţarea pi județi a aluștoru cazuri easti aesta:
* Alba – 11
* Arad – 18
* Argeş – 22
* Bacău – 10
* Bihor – 19
* Bistriţa-Năsăud -6
* Botoşańi – 1
* Brăila – 3
* Braşov – 5
* Buzău – 2
* Călăraşi – 3
* Caraş-Severin – 0
* Cluj – 23
* Constanţa – 7
* Covasna – 0
* Dâmboviţa – 5
* Dolj – 10
* Galaţi – 3
* Giurgiu – 9
* Gorj – 13
* Harghita – 13
* Hunemașa – 0
* Ialomiţa – 0
* Iaşi – 8
* Maramureş – 13
* Mehedinţi – 0
* Mureş – 0
* Neamţ – 0
* Olt – 3
* Prahova – 11
* Sălaj – 0
* Satu Mare – 0
* Sibiu – 19
* Suceava – 6
* Teleorman – 3
* Timiş – 1
* Tulcea – 4
* Vâlcea – 6
* Vaslui – 1
* Vrancea – 5
* Bucureşti – 76
* Ilfov – 18
Coeficientul a infectărlor adunati tu aesti 14 di dzâli, raportati la 1.000 di bânâtori, cu isapea faptâ di Direcțiili di Sănătati Publică, la nivelu a Municipiului București și a judeților easti aesta:
Ctrl/Cmd+V
Tru ațea ți mutreaști catastisea-a cetățeańilor româńi ți suntu tu alti stati, 6.851 di cetățeańi româńi furâ spuși câ suntu infectaț cu COVID-19 (coronavirus): 1.934 tru Italia, 1.253 tru Spańia, 124 tru Franța, 3.017 tru Germania, 159 tru Marea Britanie, 36 tru Ungaria, 28 tru Olanda, 2 tru Namibia, 4 tru SUA, 123 tru Austria, 22 tru Belgia, 6 tru Japonia, 2 tru Indonezia, 8 tru Elveția, 3 tru Turcia, 2 tru Islanda, 2 tru Belarus, 93 tru Grecia, 9 tru Cipru, 2 tru India, 2 tru Ucraina, 7 tru Emiratele Arabe Unite și câti unu tru Argentina, Tunisia, Irlanda, Luxemburg, Malta, Brazilia, Bulgaria, Kazakhstan, Suedia, Republica Congo, Qatar, Vatican și Portugalia. Di-tu ahurhita-a epidimiillei di COVID-19 (coronavirus) și până tu aestâ oarâ, 126 di cetățeańi româńi aflaț tru xeani, 31 tru Italia, 19 tru Franța, 43 tru Marea Britańie, 11 tru Spańia, 14 tru Germańia, 2 tru Belgia, unu tru Suedia, unu tru Elveția, unu tru SUA, unutru Brazilia, unu tru Ripublica Congo și unu tru Gârție, muriră.
Ditu cetățeańilli români confirmaț cu năulu coronavirus, 797 furâ spuși câ suntu vindicaț: 677 tru Ghirmânie, 90 tru Gârție, 18 tru Franța, 6 tru Japonia, 2 tru Indonezia, 2 tru Namibia, unu tru Luxemburg și unu tru Tunisia.
GCS nâpoi aduți aminti a cetățeańilor s’acațâ tu isapi maș hâbărli ți suntu cadealihea pritu izvuri ufițiali și s’caftâ urmini și alti hâbări la linia TELVEARDI – 0800.800.358. Numirlu TELVEARDI nu easti un numiru di ananghi/ urgență, ama easti unâ linie tilefună ahârdzitâ orlea-zorlea/ maș ti hâbârisearea-a cetățeańiloru și easti ufilisitâ ti apeilurli naționali, di luni până viniri, tru vahtea di kiro 08.00 – 20.00. Tutunâoarâ, româńilli ți suntu tu xeani potu s’acaftâ hâbări ti priyinearea și combâtearea-a viruslui maxusu la linia ahârdzitâ ti elli, +4021.320.20.20.
Poliţiştilli şi jandarmilli deadirâ, tu aesti di tu soni 24 di sâhăţ, 7.110 di sancţiuni contravenţionali, ți va s’dzâcâ custusescu 1.704.050 di lei, câte câlcarâ ațea ți spuni Nomlu 55/2020 mutrindalui nâscântili apofasi ti priyinearea şi combâterea zńiili ți li aduți pandemia di COVID-19.
Tutunâoarâ, pritu structurli ți suntu pi ipotisi ali Poliţie, eara aflati 11 di infracţiuńi ti ankidicari alumta cu lângorli.
Tru aesti di tu soni 24 di sâhăţ, eara nreghistrati 1.475 di apeluri la numirlu unic di ananghi 112.
Ministerlu ti Lucri di Nâuntru/ Internili dișcllisi, ahurhindalui cu 4 di Alunaru, unâ linie TELVEARDI (0800.800.165) la cari potu s’hibâ spusi călcărlii a normiloru di protecţie sanitară. Apelurli suntu priloati di un dispeceratu tru sistemu integratu şi pitriciti deapoa câtâ structurli teritoriali tra s’veadâ desi suntu dealihea.
Autor: Mariana Chiriță
Aemânipsearea: Tașcu Lala
