Habarli dit bana romaneasca si internationala
St.tr.II inloc.-04/06/2015 16:24:53
Tașcu Lala, 04.06.2015, 19:04
St.tr.II inloc.-04/06/2015 16:24:53
BUCURESTI – Proiectul di Cod Fiscal lipseasti s-hiba revizuit semnificativ, ma s-arâmâna tru forma promovată di guvernul roman — spusi, gioi, expirtul FMI Guillermo Tolosa, la una conferinţă pi teme financiari la Bucureşti. El lugurseasti că masi tăl’iarea a cheltuielilor tra compensarea a misurlor di relaxari fiscală nu va s-hiba duri. Tolosa lugurseasti ca tru 2015 indicatorl’ii economici ţintiţi va s-hiba agiumta, ama va s-iasa tru videala ixichi cabaia mari la venituri tru 2016. La idyea conferinta, premierlu Victor Ponta spus diznau că situaţia economică a Româniil’ei easti tru aestu momentu multu bună, iara creştirea easti sustenabilă, bazată pi exporturi şi producţie industrială. Tru arada a lui, guvernatorul a Bancii Nationale, Mugur Isărescu, spusi că România ari nica lucru ti adrari tra aderarea la zona euro. El lugursi că easti necesară concentrarea pi reformili structurale şi evitarea a alathusilor tru politicile economice, tra atea că aeasti scot tru migdani corecţii duriroase şi pi lungu chiro. Conferinţa, cari s-dizvarteasti tra doilu an arada Bucureşti, aduna cama di 300 di participanţa dit Romania, Croaţia, Serbia, Albania, Muntenegru.
Angrapsearea: Bogdan Matei
Armanipsearea: Tascu Lala
St. tr.II-04.06.2015 15:44:24
BUCURESTI — Seful a diplomatiei di Bucuresti, Bogdan Aurescu, spusi gioi, ca hiindalui ahandos ridicolă informaţia difuzata di un postu di televiziune arusesc, ti dimanda ca România fati isapea ti una intervenţii militara tru regiunea secesionista pro-rusa Transnistria, dit estul ali Ripublica Moldova (ex-sovietica, majoritar romanofona). Aurescu cundil’e, diznau, tra reglementarea irin’eatica a conflictului nistrean si feati timbihi ca prezenţa a ascherilor şi armamentilor xeani pi teritoriul ali Ripublica Moldova, Ucraina ica Georgia, fără s-aiba apruchearea explicit a statlui nicuchir, easti absolut ti nistraxeari si contrară cu principiili di dreptu internaţional. Transnistria isi, di facto, di sum controlu a Chisinaului tru 1992, dupa un conflictu armat ti avu suti di morta si transat unaoara cu interventia a ascherilor aruse di partea a separatistilor. Aesta suntu, nica tru regiune, aca Moscova s-lo borgea tra s-traga napoi nica di la summitul OSCE di Istanbul, dit 1999.
Angrapsearea: Bogdan Matei
Armanipsearea: Tascu Lala
St.tr.I 04/06/2015 10.16.31
Chişinău – NATO ari vrearea ti anavartusearea a parteneriatlui cu Ripublica Moldova (ex-sovietică, majoritar romanofona) şi easti hazri s-agiuta ti znuearea ali strategie di securitate a vasiliil’eii şi reechiparia ali ascheri, declara, n’iercuri, Chişinău, prezidentul a Comitetlui tra parteneriate al NATO, James Appathurai. El nica spusi că Alianţa tin’iseasti neutralitatea şi independenţa ali Republica Moldova şi va u agiuta tra rezolvaria irin’eatica a diferendului transnistrean, dit estul separatistu arusofon şi va s-ndrupasca integritatea teritorială a Ripublical’ei Moldova tru limitili a sinurlor pricunuscute la nivel internaţional. James Appathurai adusi aminti importanţa a cooperaril’ei anamisa di Republica Moldova şi NATO tru contextul di alaxeari situaţia geopolitica tru lume si a zoril’ei militara bagata di Rusia tru ma multe state.
Angrapsearea: Aura Spiridon
Armanipsearea: Tascu Lala
St.tr.II-04/06/2015 15:09:13
BUCURESTI – Ministrul roman ali Apărării, Mircea Duşa, spusi, gioi, ca situaţia di criză dit Ucraina vitina lipseasti s-hiba ndreapta pi calea a dialogului. Dupa discutiile di Bucuresti cu omologlu a lui german, Ursula von dir Leyen, Duşa cundili’e că misurle di reasigurari pi flancul estic al NATO şi UE, apufusiti tu atel dit soni summit ali Alianta, cafta una prezenţa militara permanenta tru regiune. Tru arada a l’ei, d-na von dir Leyen spuisi că Berlin ari atea ti numasi gailipseri majore ligatie di efectili ti li aduti politica a Kremlinului tru Ucraina si cundl’ie importanţa strategică ti u ari regiunea ali Amarea Lae. Ea avu, tut gioi, andamusi cu prezidentul ali Romanie, Klaus Iohannis, şi cu premierlu Victor Ponta.
Angrapsearea: Bogdan Matei
Armanipsearea: Tascu Lala
St.tr.II-inloc.-04/06/2015 15:14:57
BUCURESTI – Deputatlu libearal (in opozitie) Ioan Oltean easti pusputi peinal tra trafic di influenţă — dimandara, gioi, procurorii ali Direcţie Naţionala Anticorupţie dit Romania. Tru idyiul dosar suntu inculpaţ un om di afaceri, cata cum si viteprezidentul a Consiliului Judetean Bihor (vest), Kiss Alexandru (UDMR, tru opozitie), acuzat ti spilari di paradz, loari di arusfeti şi trafic di influenţă. Tut gioi, Solomon Wigler, consilier personal al primarului ali Capitala, Sorin Oprescu (independentu di stanga), fu prezentat tu instanţa cu pripunirea di ncl’ideari preventivă tra trafic di influenţă tru formă continuată. El fu ţanut tru chirolu anda loa arusfeti 25.000 di euro. Uidisit cu DNA, Wigler ari caftata ma multi ori arada suma totală di 230.000 euro, dit cari lo tru aradarichi cama di 200.000. Ti paradzl’I loat, el taxi că va s-faca gaereti tra aprobarea a nascantor planuri urbanistiti zonale ananghisiti ti adararea trei supermarketuri tru Bucureşti.
Angrapsearea: Bogdan Matei
Armanipsearea: Tascu Lala
