Iarna di-tu bitisita a iarnălʹei
După ună iarnă blândă, cu accenti di primveară, bitisita aal scurtu aduti tru România cingrimi, neuri şi tufani. Uidisitu cu Administraţia Naţionala di Meteorologie, di luni până gioi, giumitate dit vasilie easti sum cod portocaliu di cingrimi. Atenţionarea easti valabilă tru est, sud, sud-est, tru Carpaţlʹii Orientali şi Carpaţlʹii di curbură(sud-est). Specialiştii spun că fenomenele meteo nu suntu di arada tra aestă perioadă, iar tempearaturile vas a scada cu cama di 10-15 gradi Celsius faţă di normal. Tempearaturile maxime va s-hiba frecvent anamisa di -12 si -8 gradi, iara ateali minime va s-hiba anamisa di -22 si -12 gradi. Meteorologii avertizeadză că vimtul ti va s-bată vărtosu va u accentueadza senzaţia di arcoari. Aliumtrea, tru Transilvania easti tru vigoari un cod galbin di arcoari.
Leyla Cheamil, 26.02.2018, 12:24
După ună iarnă blândă, cu accenti di primveară, bitisita aal scurtu aduti tru România cingrimi, neuri şi tufani. Uidisitu cu Administraţia Naţionala di Meteorologie, di luni până gioi, giumitate dit vasilie easti sum cod portocaliu di cingrimi. Atenţionarea easti valabilă tru est, sud, sud-est, tru Carpaţlʹii Orientali şi Carpaţlʹii di curbură(sud-est). Specialiştii spun că fenomenele meteo nu suntu di arada tra aestă perioadă, iar tempearaturile vas a scada cu cama di 10-15 gradi Celsius faţă di normal. Tempearaturile maxime va s-hiba frecvent anamisa di -12 si -8 gradi, iara ateali minime va s-hiba anamisa di -22 si -12 gradi. Meteorologii avertizeadză că vimtul ti va s-bată vărtosu va u accentueadza senzaţia di arcoari. Aliumtrea, tru Transilvania easti tru vigoari un cod galbin di arcoari.
S-cundilʹem că, tru România, recordul dateadză dit yinar 1942, când la Bod, tru judeţul Braşov (centru), tempearatura dipusi până la -38.5°C. Pi di altă parte, un cod portocaliu di neuri abundenti, temporar cu tufani, easti tru vigoare di luni, tru ma multi judeţe dit sud şi sud-vest, iu va s-cadă ună diplă cabaia mari di neaua, iara vimtul va s-aiba intensificări cu vitezi tru general di 45…55 km/h, temporar va s-hibă tufani. Neuri importante va s-hibă prezente şi marţă tru zonele mentionate, iara aria a neurlor va s-tindă preayalea- ayalea, dit sud-vest, di va li acaţă majoritatea a zonelor dit văsilie.
Autorităţile locale dit judiţele iu va s-nregistradza tru yinitoarele dzale cingrimi, neuri abundenti şi tufani suntu ndreapti tră prevenirea şi protejarea ali populaţie. Ase, s-apufusi, di itia a atenţionărlor di kiro sertu, ca şcolile şi grădiniţele s-hiba nclʹisie luni si martă Bucureşti şi tru ndaua judeţe dit sud şi sud-est. Tutunaoara, cursurile Şcolii Naţionale di Studii Politice şi Administrative dit Bucureşti fura suspendate luni. Nu va s-dizvărteasca niti cursurile a Universităţii Ştefan cel Mare dit Suceava tru dzalile di luni şi marţa, avânda tru videală avertizările meteorologice şi problemele a sistemlui centralizat di termoficare a căsăbălui. Tu ti mutreasti urdinarea rutieara, aesta s-dizvărteasti tru condiţii di iarnă pi majoritatea a călʹiurlor naţionale.
Alʹiumtrea, compania a călʹiurlor di heru anula dzaţ di trenuri cari lipsea surdină tru sudlu a văsiliilʹei, di furnʹia a condiţiilor meteo nefavorabile. Tutunăoară, reprezentanţii CFR anunţara că, tra evitarea a născăntor situaţii nivruti şi tră elibeararea a liniilor tră intervenţiili cu plugurile di neauă, pi născănti rute s-nʹicureadză numirlu di trenuri. Traficul di călători va s-hibă priloat di alanti garnituri dit graficele di circulaţie, aclo iu ari aestă posibilitate. Tu Gara di Nord dit capitală s-nregistrară amănări şi di sute di minute, em la agiundzeri em la nkiseri. Si porturli maritime fură nclʹisi di furnʹia a vimtului ţi bati cu vărtuşeami.
Armânipsearea: Taşcu Lala
