Inflaţie tru creaştire
Inflaţia creaşti, diznou, tru România, iara deficitlu comercial sahănduseaşti.
Bogdan Matei, 14.03.2023, 19:37
Tru brumaru 2022, rata anuală ali inflaţiei agiumsi tru România la 16,8%. Cifrele năstriţea prognoza de inflaţie tră bitisita a anlui, pi cari u avea dimăndată işiş guvernatorlu a Băncăllei Naţionale, Mugur Isărescu – 16,3%. Eara, tutunăoară, nai ma marea rată ditu aţeali dauă dekenii ditu soni: tru 2002, inflația anuală agiumsi la 22,5%, a deapoa, ditu 2005 până anul tricut, s’armână la ună goală ţifră. Ahurhita di anu dimănda ună lişoară ayăliseari ali inflaţiei, a deapoa, meslu ţi tricu, rata anuală criscu, diznou, comparativ cu yianaru, la 15,52%, di la 15,07%, maxus pi fondul a scunkearillei părmătiili alimentare şi a serviciilor.
Cifrele publicate, luni, di Institutul Naţional de Statistică spunu că produsele di thimelliu avură nai ma importanti scunkeri tru proţlli meşi a anlui, ama specialiştilli spun că aesta nu lipseaşti s’altereadză prognoza BNR că inflaţia va să scadă, dizou, la ună ţifră până la bitisita a anlui 2023.
Tru meslu şcurtu nai ma multu cirscură păhadzlli la părmătiili alimentare, cu aproapea 3,4 procente, şi aţeali a serviciilor, cu aproapea 2,5%, kiro tru cari tarifele a produsilor nealimentare scădzură lişoru, tru medie, cu circa 0,5%. Scunkiri semnificative s-nregistrară meslu tricutu tru cazlu a grupăllei zărzăvăţ şi conserve de zărzăvăţ, cu 6,35%, a cdeapoa yii arada a yimişiloru proaspiti, cu aproape 4,9%, şi serviţiile tră confecţionat şi znuitu strañili şi ncălţăminte, cu pisti 3,5%. Creastiri di păhadz anamisa di 2% şi 3% s-nregistrară şi tră pesculu proaspitu, caşlu, articolele di igienă şi cosmetiţi şi tră categoria alti părmătii nialimentare.
Iftiniri ma yilipsitoari consemnară serviţiili di transport aerian, cu pisti 12%, ntulemnulu şi energhia electrică şi termică, cu scăderi di pisti 1%, tru medie. Prognozele spunea ună continuare a tendinţăllei di ñicurari a creastirilor di păhadz, ama analiştilli independenţă spun că aestu proţes nu easti unu liniar. Tamam idyea situaţie s-vidzu şi tru alte văsilii ditu Uniunea Europeană, inflaţia ditu şcurtu hiinda pisti aţea ditu yinaru.
Proceslu dezinflaţionistu, spunu experţăllii, continuă, ama nu va s’hibă unu linear, cu scăderi constante di la mesu la mesu. Ideea fu spusă, tră Radio România, şi di consilierlu a guvernatorlui Isărescu, longevivul analist financiar Adrian Vasilescu. Tu aestu kiro, tut uidisitu cu datili furnizate de INS, deficitul a ziyăllei comerciale ali Românie tru meslu yinaru 2023 fu di 2,338 miliarde euro, ma mari cu 203,6 miliuñi di euro (+9,5%) andicra di atelu nreghistratu tru meslu yinaru 2022.
Creastirea fu determinată, parţial, di nivelu multu mari ali inflaţie, cari alină valoarea importurilor, ama itia principală ămâne aţea că producţia autohtonă nu poate s’anvălească căftarea internă, niţi barimu tru sectoari cu tradiţie, cum easti industria agroalimentară, industria chimică ică industria auto. Experţălli spun că statlu român lipseaşti s-minduească ntrăoară misuri, atea turlie că situaţia s’nu hibă ma lae.
Autoru: Bogdan Matei
Armânipsearea: Taşcu Lala
