Isapi româneasca la Agiocurli Olimpiti
Tinti medalii, dit aesti una di malama, una di asimi şi trei di brundzu. Loclu 47 tru ieararhia pi medalii a naţiun’ilor. Ma ghini andicra di Vargaria ica Irlanda, ama dupu Uzbekistan ica Slovenia… Ma arǎu andicra di tuti Agiocurli Olimpiti dit aesta 60 di an’I dit soni, cama di tamam dit 1952, di Helsinki, atumtea cându delegaţia românǎ aminta masi 4 medalii, di aesti una di malama.
Florin Orban, 22.08.2016, 12:31
Tinti medalii, dit aesti una di malama, una di asimi şi trei di brundzu. Loclu 47 tru ieararhia pi medalii a naţiun’ilor. Ma ghini andicra di Vargaria ica Irlanda, ama dupu Uzbekistan ica Slovenia… Ma arǎu andicra di tuti Agiocurli Olimpiti dit aesta 60 di an’I dit soni, cama di tamam dit 1952, di Helsinki, atumtea cându delegaţia românǎ aminta masi 4 medalii, di aesti una di malama.
S-adutem aminti performerl’ii di Rio. Pareia femininǎ di spadǎ, adrata dit Ana Maria Popescu, Simona Pop, Simona Gherman şi Loredana Ditu, multipli campioani mondiali şi europeani, adusi tra scrima româneasca protlu titlu olimpic pi echipe.
Aca la individual agiucara sum astiptari, spadasinili u spusira ahtea prit furteata, ca parei ti s-easti… Performanţa easti cu ahât ma impresionantǎ cu cât yini cǎtra bitisita a carieral’ei tra ma tuti echipierili. Ma putan di Simona Pop, amintata tru 1988, tuti alanti trei componenti cama di 30 di ani şi multi medalii tru antriterli di top.
Asimea vini dit tenis, di la preacl’ea masculinǎ Florin Mergea / Horia Tecǎu. Atel’I doi chirura finala cu spaniolii Marc Lopez şi Rafael Nadal, cu 2-6, 6-3, 4-6, ama agiumsira aproapea di victorie. Tru manşa decisivă apraftasira un break la scorlu di 3 la 3, ama spaniolii s-ascumbusira şi amintarâ trei game-uri arada. Tenislu românescu armâne ama cu prota a lui medalie olimpică.
Protlu brundzu agiumsi s-hiba una surprizǎ. La halteri, Gabriel Sâncrǎian muta una fortuma, tut cu tut 390 di kg, după 173 di kg la stilu smulsu şi 217 kg la arcari, di nastricu ma mulţa favoriţ ali categorie di 85 di kiladz. Nica si Denis Ulanov, dit Kazahstan, muta 390 di kg, ama românlu fu avantajat di griutatea a truplui, di angrica cu 600 di grami ma puţan andicra di kazahu.
La canotaj, România agiumsi diznau tru toplu mondial, haristusita a brundzului amintat di echipajlu feminin di 8+1. După ratarea a podiumlui olimpic tu antriterli di Londra, aoa si patru ani, şi rezultati slabe amintati la Mondiale, tru kirolu dit soni, nica s-cu emoţiile la calificarea a Agiocurlor Olimpice, ambarcaţiunea di 8+1 adusi ti România una medalie la cari puţan’i nica avea nadie…
Tricu deapoa una stǎmânǎ pânǎ anda un român alina pi podium. El u-ari numa Albert Saritov şi aminta medalia di brundzu la alumti liberi, categoria 97 di kg. Saritov yini dit Rusia, cama di tamam dit Daghestan, easti di orighine cecenǎ şi aminta cetǎţenia românǎ anlu aestu.
Nai cama slablu lucru s-feati cu pareia di handbal feminin, cari nu apraftasi s- treacǎ di faza a grupilor. Featile ahurhira slabu antritearea, kirura cu Angola şi Brazilia, li-antricura deapoa pareili dit Muntenegru şi Spania, ama Norvegia la curma nadiili.
Niti la gimnasticǎ nu avum medalii. Veteranlu Marian Drǎgulescu s-clasa pi loclu patru tru finala di la ansǎreri, isa cu medaliatlu cu brundzu, japonezlu Kenzo Shirai. Românlu avu una medie di 15,449 puncte, idyea cu japonezlu. Dgheafuraua anamisa di atel’I doi s-feati la nota tra execuţie, care fu ma mari tra gimnastul nipon la dauli ansareri.
Ma s-bitisira agiocurli, vini tora oara tra concluzii. Prota di eale easti cǎ isapea a sportivilor români la Rio easti una yilipseari cabaia fidelǎ a catastisil’ei di tora a sportului românesc. Sumfinanţat, marginalizat tru şcol’iuri, cu baza di selecţie tru niacumtinata scǎdeari, sportul românesc aşteaptǎ una thama tra s-agiunga diznau pi loclu ti lu-avu un kiro tru arena internaţionalǎ. Tora him masi pi loclu 47.
Autor: Florin Orban
Armanipsearea: Tascu Lala
