Klaus Iohannis amintă alidzerli prezidentiali dit Romania
Candidatlu ali Alianta Cristin Liberala (opozitia de chentru-na-ndreapta), Klaus Iohannis aminta alidzerli prezidentiali dit Romania, uidisit cu sondajili ti caftarea a minduital’ei adrati la inshirea di la urni la sahatea 21, elu amintanda procente tu arda 49,5% si 52,16%.
Toma Enache, 17.11.2014, 00:39
Candidatlu ali Alianta Cristin Liberala (opozitia de chentru-na-ndreapta), Klaus Iohannis aminta alidzerli prezidentiali dit Romania, uidisit cu sondajili ti caftarea a minduital’ei adrati la inshirea di la urni la sahatea 21, elu amintanda procente tu arda 49,5% si 52,16%.
Contracandidatlu a lui,premierlu Victor Ponta, reprezentantlu ali aliantsa di na-stanga PSD — UNPR — PC (tsi easti la guvernari)pricunuscu ca li chiru alidzerli si lu ghinui Klaus Iohannis. Uidisit cu spusili BEC, prezentsa la vot pi teritoriul ali Romanie fu di 62,04%. Ti roman’il’i ditu xeani fura andreapti 294 di secţii, iara uidisit cu spusili BEC, pana di sahatea 19, oara ali Romanie, tu diaspora avea votata aproapea 285 di n’il’i di persoani. Autoritatsl’i di Bucuresti loara misuri ti ma buna urdinari a proceslui electoralu, fara ama s-discljida , noi sectii di votari, asi cum avea caftata nascanti sutsati a roman’ilor dit diaspora.
N’il’i di român’i shidzura la coadă ta s-vpteadza tu ma multsa casabadz europen’i, iara nascantsa di el’i nu putura ta sa si spuna optiunea, shi aistu lucru dusi la mintireaji cu fortsili di arada di Paris si Torino tsi ufilisira si gaze lacarmogeni. N’il’i di roman’i manifestara dinintea MAE si a guvernlui di Bucuresti, cum si tu altsa casabadz ca semnu di solidaritate cu roman’il’i dit diaspora tsi nu putura ta s-voteadza.
