Marcel Ciolacu ş-dipusi demisia ditu ipotisea di prezidentu a PSD
Aţelu di ma ninti premieru Marcel Ciolacu ş-dipusi demisia ditu ipotisea di prezidentu a PSD, protlu partidu a suţatãllei ţi easti la guvernari tru România.
Tașcu Lala, 20.05.2025, 20:33
Aţelu di ma ninti premieru Marcel Ciolacu ş-dipusi demisia ditu ipotisea di prezidentu a PSD, protlu partidu a suţatãllei ţi easti la guvernari tru România.
Apofasea fu loată tru cadrul ali andamasi a Consiliului Politic Naţional a partidlui, cari s-andãmusi marţã trã s’facã unã analiză lãrgurie ti catandisea a partidlui după alidzerli prezidenţiali şi s’a nclo.
Dauă varianti suntu acãţati tu isapi, neise s’armãnã la guvernari deadunu cu forţili pro-europene, i şi intrarea tru opoziţie. Unã parti a suţialu-democraţlor lugurseaşti că easti ananghi di unã reconstrucţie a PSD, trã xanaamintarea a electoratlui işiş şi, spunu idyili izvuri politiţi, ndridzearea a yinitoariloru alidzeri. Ti aestu lucru, easti ananghi di unã reformă ahãndoasã şi unã cearei, poati s’hibã intrarea tru opoziţie pritu andruparea a unlui guvernu minoritaru tru parlamentu, cu pãzãrãpseri punctuali trã adoptarea a nãscãntoru proiecti leghislativi.
Aduţemu aminti că, la alidzerli prezidenţiali ditu brumaru 2024, ţi deaoa furã anulati di Curtea Constituţională, Marcel Ciolacu nu putu s’treacã di protlu turu a deapoa la scrutinlu ditu ahurhita aluştui mesu, Crin Antonescu, reprezentantulu ali coaliţie di guvernare PSD-PNL-UDMR, idyea, nu s’calificã tru finala prezidenţială. Dupu aesti eşecuri, Marcel Ciolacu demisionã ditu cumãndusearea-a executivlui.
Autoru: Corina Cristea
Armnipsearea: Taşcu Lala
