Mesajlu di Anlu Nău a prezidentului ali Românie
Prezidentulu ali Românie, Klaus Iohannis, declară, tru un mesaj di Anlu Nău, că alăsăm năpoi un an cu multi cilăstăseri, cu alinări şi dipuneri, cu nădie şi nvirinari. 2021 fu un an durirosu tră văsilia noastră, dipu mulţ români kirură alumta cu viruslu tru dăldzăli ună dupu alantă a pandemiillei. Tru aesti momentie, vă căndăsescu s’minduimu şi la familiile nduriarati cari kirură a loru vruţ oamiñi. Lă pricunoscu pănu di mardzină a yeaţărloru, asistenţăloru medicali, parayeaţărlli, ambulanţierlli, farmaciştilli, voluntarlli şi tuţ aţelli cari eara şi ma largu suntu tru prima linie a lumtăllei contra a pandemiillei. Elli fac tut ţi potu, ignorânda riscurli şi trecu pisti curmarea a loru, tra s’ascapă cu bană oamiñi şi să’lli yitripsească cu unu zboru bun pi aţelli ţisuntu lăndzits, dimăndă Iohannis.
Newsroom, 01.01.2022, 10:00
Prezidentulu ali Românie, Klaus Iohannis, declară, tru un mesaj di Anlu Nău, că alăsăm năpoi un an cu multi cilăstăseri, cu alinări şi dipuneri, cu nădie şi nvirinari. 2021 fu un an durirosu tră văsilia noastră, dipu mulţ români kirură alumta cu viruslu tru dăldzăli ună dupu alantă a pandemiillei. Tru aesti momentie, vă căndăsescu s’minduimu şi la familiile nduriarati cari kirură a loru vruţ oamiñi. Lă pricunoscu pănu di mardzină a yeaţărloru, asistenţăloru medicali, parayeaţărlli, ambulanţierlli, farmaciştilli, voluntarlli şi tuţ aţelli cari eara şi ma largu suntu tru prima linie a lumtăllei contra a pandemiillei. Elli fac tut ţi potu, ignorânda riscurli şi trecu pisti curmarea a loru, tra s’ascapă cu bană oamiñi şi să’lli yitripsească cu unu zboru bun pi aţelli ţisuntu lăndzits, dimăndă Iohannis.
Caplu a statlui pitricu haristuserli a lui ti româñilli ţi feaţiră curbani, ama şi tră responsabilitate şi dukearea ţivică ţi u spusiră tru anlu 2021. Vă haristusescu tră curbăñili ţi li feaţitu, tră responsabilitatea şi dukimia ţivic ţi u spusitu şi tu aestu anu greu. Tut ţi nviţămu tin oi işiş tu kirolu a pandemiillei lipseaşti s’nă inspiră şi s’nă agiută s’năstriţemu ma lişoru iţi cheadiţi tu yonitoru. Noi, ca naţiune, lipseaşti s’işim ma vărtoşi şi ma adunaţ stogu ditu aestă criză sanitară teribilă. Să’lli dişcllidemu a anlui 2022 uşa cu nădie, cu inima dişcllisă şi cu pistipsearea că tuti gaereţli a noastri va s’nsimneadză haraua ta s’nă aflămu, ti dealihea, tru normalitati, adăvgă prezidentulu ali Românie. «Ti mulţălli añi, iuţido s’hiţ! Vă oru unu An Nău cu harauă, cu sănătati şi prucukie!», nica dimăndă Klaus Iohannis a conaţionalilor a lui, tru mesajlu di Anlu Nău.
Autoru: Radio România Internaţional
Armânipsearea: Taşcu Lala
