Mintireasi tru ALDE, partenerlu di guvernari a PSD
Largu tra s-hiba monolitic, marli azvingator a scrutinlui parlamentar, PSD, cari aduna 45% dit sufragii, contorizeadză tut ma multi bot contestatari contra a şeflui omnipotentu şi omniprezentu, Liviu Dragnea. Partener junior la guvernari, după ti aminta aproapea şasi protenti dit voturi, ALDI pari, tru aradal’i, tru praglu a plascanearil’ei. Dumanică, un di atel’i doi coprezidenţa a partidlui, Daniel Constantin, isi dit sala tru cari s-avea dunata cumandusearea liberal-democrată, stipsindalui că andamusea nu easti statutară. Lucrărli dusira ma largu, a deapoa alantu co-prezidentu a formaţiunil’ei, Călin Popescu Tăriceanu, apufusi ca, după sărbătorli ti di Pasti dit apriiur, s-tănă Congresul la cari va s-hiba aleptu un lider unic. Niakicaserli dit ALDE, spuni Constantin, vahi suntu provocate di turlia tru cari s-l’ia apofasili tru partid. El stipsi, maxus, docilitatea cu cari ALDE s-asocie, tru iarnă, a neinspiratal’ei iniţiativa social-democrata tra s-alaxeasca, prit ordonanţă di ananghi, codurli penali. Custuserli di imagini fura cabaia, ti furn’ia ca suti di n’il’i di români işira atumtea pi geadei, stipsindalui Guvernul că va tra s-exonereadza di răspundirea penală marl’i corupţa dit politică.
Bogdan Matei, 20.03.2017, 14:49
Largu tra s-hiba monolitic, marli azvingator a scrutinlui parlamentar, PSD, cari aduna 45% dit sufragii, contorizeadză tut ma multi bot contestatari contra a şeflui omnipotentu şi omniprezentu, Liviu Dragnea. Partener junior la guvernari, după ti aminta aproapea şasi protenti dit voturi, ALDI pari, tru aradal’i, tru praglu a plascanearil’ei. Dumanică, un di atel’i doi coprezidenţa a partidlui, Daniel Constantin, isi dit sala tru cari s-avea dunata cumandusearea liberal-democrată, stipsindalui că andamusea nu easti statutară. Lucrărli dusira ma largu, a deapoa alantu co-prezidentu a formaţiunil’ei, Călin Popescu Tăriceanu, apufusi ca, după sărbătorli ti di Pasti dit apriiur, s-tănă Congresul la cari va s-hiba aleptu un lider unic. Niakicaserli dit ALDE, spuni Constantin, vahi suntu provocate di turlia tru cari s-l’ia apofasili tru partid. El stipsi, maxus, docilitatea cu cari ALDE s-asocie, tru iarnă, a neinspiratal’ei iniţiativa social-democrata tra s-alaxeasca, prit ordonanţă di ananghi, codurli penali. Custuserli di imagini fura cabaia, ti furn’ia ca suti di n’il’i di români işira atumtea pi geadei, stipsindalui Guvernul că va tra s-exonereadza di răspundirea penală marl’i corupţa dit politică.
Ia ti spusi Daniel Constantin :Nu aprukeaiu şi nu va s-aprikiu varnaoara ca altuvara di nafoara a partidlui dit cari fac parti s-l’ia apofasi tru partidlu a nostru, cu acceptul a unlui di coprezidenţa. Placarsiiu şi minduiiu una s-una după ordonanţa 13 s-adrăm aestu mecanism di transparentizare ali apofasi, aestu mecanism prit cari tuţ sotl’i s-l’ia parti la loarea a apofasilor. Ti amartie, nu s-vidzu vrearea şi nu s-apraftasi aestu lucru.” Constantin taxi că nu va s-fuga dit partid, ama cundil’e că va sa zburasca cu premierlu Sorin Grindianu tra ipotisili ti li ari tru Cabinet – vicepremier şi ministru a fisil’ei.
Tru apandisi, prezidentul a Senatlui, Călin Popescu Tăriceanu, mărturisi că tensiunile anamisa di liderl’i ALDI datează di naintea a alidzerlor: Io fui şantajat di domnul Daniel Constantin tru ligătură cu nascanţa sot cari lipsea s-candideadza pi listili di la parlamentari şi cu cari nu earam simfun’i tru ligatura cu participărli, ca a poziţiilor respective. Discuţia fu una multu tranşantă şi spusi că ma s-hiba ca mini s-nu aprokiu atumtea va s-agiundzwem tru un impas şi nu putem s-dipunem listili la alidzerli parlamentari, dimec ALDI s-nu funcţioneadza şi an’i spusi că el nu ari niti una problemă tru aesta noima. Şi atumtea adraiu io una concesie tra s-putem s-lom parti la alidzerii căte altaturlie, cadealihea, ALDE aza nu vrea s-hiba tru Parlamentu.”
Andruparea parlamentară a guvernului di tora va s-hiba zn’iipsita di eventuali dezidenţi dit ALDE — ari nadie prezidentul PSD, Liviu Dragnea. Comentatorl’i spun, ama, că nauntrul a suţatal’ei iasi tru migdani, sum numa provizorie di ”naua stângă”, una treia entitate politică, la cristalizarea a curi lucreadza tru idyiul kiro, Daniel Constantin şi fostul lider PSD Victor Ponta, tut ma critic la adresa a succesorlui a lui Dragnea.
Autor: Bogdan Matei
Armanipsearea: Tascu Lala
