Muzică pi mealu ali Amarea Lae
Pe litoralul românescu ali Amarea Lae, tu bitisita a stamanl’ei ti tricu, s-angrapsi una pirmituseari tra cari organizatorl’ii u vor cu hairi ti mulţa an’i di aoa si nclo: kiro di trei dzali şi trei nopţa, pi plaja di Constanţa, aproapea 150 di n’ml’I di oamin’i cântara şi giucara pi ritmuri di muzică electronică la prota ediţie a festivalui NeverSea. Fu nai cama marli dizvartitu, varaoară, tru România, la amari, ama şi festivalu gol european di pi una plajă. Atel’I ti au miraki tra discurmari cu mulţa decibeli fura simfun’i cu atel’i 150 di artişti internaţionali di top cari concertara la NeverSea. Cu spectacoli şi stenografii fara preacl’e, starurli featira show-uri ti aduteari aminti.
Roxana Vasile, 10.07.2017, 12:33
Pe litoralul românescu ali Amarea Lae, tu bitisita a stamanl’ei ti tricu, s-angrapsi una pirmituseari tra cari organizatorl’ii u vor cu hairi ti mulţa an’i di aoa si nclo: kiro di trei dzali şi trei nopţa, pi plaja di Constanţa, aproapea 150 di n’ml’I di oamin’i cântara şi giucara pi ritmuri di muzică electronică la prota ediţie a festivalui NeverSea. Fu nai cama marli dizvartitu, varaoară, tru România, la amari, ama şi festivalu gol european di pi una plajă. Atel’I ti au miraki tra discurmari cu mulţa decibeli fura simfun’i cu atel’i 150 di artişti internaţionali di top cari concertara la NeverSea. Cu spectacoli şi stenografii fara preacl’e, starurli featira show-uri ti aduteari aminti.
Ateali şapti steni ndreapti pi arina, nu multu largu di daldzali ali Amarea Lae, cata cum şi zonele di discurmari şi di animaţie fura locurli iu tinirl’i tricura pana tu haryie, cafi dzuua a evenimentului: “Super tari, cadealihea!”; “Super, super, havaia, melodiile, tut!”: “Senzaţional! Ti anami! Easti multu museatu! Muzică bună.”: “Easti niheama varietate şi na orientăm, na mutăm dit un loc tru alantu.”
Stenili a nai ma marlui maraton muzical organizat varaoară Constanţa s-discl’isira viniri, ti prandzu. N’il’I di tiniri agiumsira tru casabalu di la mealu ali Amarea Lae nica di tahina, cu biletili ti li avea ancuparata di ma nainti, atera ti scoasi tru migdani intereslu a lor multu mari andicra di festival. Di alta parti, artiştii cari concertara tru prota seară sa spusira impresionaţ di numirlu mari di fani. Sam Feldt, DJ-ul cu nai cama vizualizată piesă a vearal’ei, “Summer On You”, legendarlu Tiesto şi Rita Ora fura masi ndoi di atel’i cari adunara n’il’i di spectatori tru prota noapte di discurmari, zaeafeti.
Tru a daua, evoluara Afrojack, Fatboy Slim sau Years&Years, a deapoa, tru a treia, nai cama aştiptat di public s-alina pe stena printipală fu Jason Dirulo, artistul cu 11 di single-uri di platină cari s-vindura tru cama di 50 di miliun’I di exemplare. La masi 27 di ani, Jason Dirulo easti tru tuti topurile a momentului şi are un succes ti ni[pistipseari cu cafi melodie ti u lanseadză. Pi ninga el, dumanică seara nica concertara Dua Lipa, Nicky Romero ica Benny Benassi.
Cu un zbor, festivalu NeverSea u aradapsi Constanţa pi harta mondială a evenimentilor muzicale di marcă, aşi cum s-feati, nica di aoa si doi ani, cu festivalu Untold, cari feati casabalu Cluj, aflat tru nord-vestul ali Românie, cu anami şi tru xeani. Di alta parti, organizatorl’ii — idyil’I em Constanţa, em Cluj — canda u au tru mana reţeta a succeslui! Anlu aestu, la treia ediţie a Untold, cari va s-dizvarteasca tru perioada 3-6 di agustu, ş-confirmara, prezenţa Armin van Buuren, Dimitri Vegas&Like Mike, Hardwell, Martin Garrix ica Steve Aoki. Untold fu aleptu Best Major Festival tru arada al European Festival Awards 2015.
Autor: Roxana Vasile
Armanipsearea: Tascu Lala
