NATO ndrupaşti România
Aliaţlli ditu NATO va u agiutã România ma s’hibã di s’faţi unã atacã, altã turlie pţãni nãdii, deadi asigruripseari secretarlu gheneralu ali Alianţã, Mark Rutte.
Tașcu Lala, 08.11.2025, 08:15
Secretarlu gheneralu ali Alianţã Nord Atlanticã, Mark Rutte, feaţi prota a lui vizitã tru România di la priloarea ipotisillei. Cu planu icã nu, ea s’feaţi dupu hãbarea a Statelor Unite că va lu ñicureadzã numirlu di militari di la baza Mihail Kogălniceanu, aproapea di Amarea Lae, şi avu rolea ta s’isihãseascã Bucureştiul şi ta s’lu-asiguripseascã că angajamentul aliat pi Flancul ditu apiritã, nai crehtulu dinitea a fuvirserloru ali Rusie, armâni tu lucru pi lungu kiro. Catandisea di securitati fu tu amprotusa tu arada a muabeţloru ţi li avu Rutte cu nai mãrlli ufiţialli di Bucureşti.
Prezidentulu Nicuşor Dan: “Avumu muabeti ti catandisea di securitate tru spaţlu euroatlantic şi lucãrlu deadunu ţi prindi s’lu-avemu tu aestã noimã. Zburãmu cã easti ananghi s’criştemu hãrgili di apărari. Zburãmu ti atea cumu va lu-duţemu ninti agiutorlu ti Ucraina. Zburãmu ti Santinela Apiritãllei/ Pareia Vigllitoari di Askirladz ditu Apiritã, cari easti programlu NATO trã apărarea aeriană a Flancului ditu apiritã, dimecu şi ti România, nu maşi lucãrlu cu drone, ama unu programu di apărari aeriană coerentă pi tutu Flancul ditu apiritã. Şi tru aestã noimã, zburãmu ti capacităţli militari suplimentari cari va s’hibã adusi pi tutu Flanculu ditu apiritã, dimi şi tru România”.
România inveasteaşti tru NATO şi NATO, tu arada a lui, inveasteaşti tru România, spusi secretarlu gheneralu, Mark Rutte. El nãpoi spusi cã alianţa easti ascumbusitã şi va s’veaglle cathi unu ţentimetru a teritoriului a llei ma s’hibã di s’faţi vãrã atacã.
Mark Rutte: “Ma s’hibã di s’faţi vãrã atacã di cariţi s’hibã, cratlu, cã va s’hibã zborlu ti aruşlli I di altu vãrã cari va u agudeascã NATO icã va u agudeascã România, maxutarcu, nu maş Pareia Vigllitoari di Askirladz ditu Apiritã va vã agiutã, nu maş askerili terestri avansate va vă agiutã, neise atumţea tutã Sutata Atlanticã va yinã tu agiutoru cu flota a llei di avioane F-35, cu tutã a llei capacitate navală şi cu tutã a llei capacitate terestră. Aşi lucreadzã NATO şi nu easti maş unã teorie. Avem tuti lucãrli ndreapti tra s’nã siguripsimu cã lu-apãrãmu cathi ţentimetru ditu teritoriul aliatu. Putemu s’aduţemu ma multi capabilităţi aclo iu easti ananghi, ama, pãnu tru soni, cara aestã vãsilie va s’hibã aguditã, suntu alti 31 di naţiuni cari yinu s’agiutã România. Aşi lucreadzã NATO şi minduescu cã aestu lucru nã da puteari s’nu nã azvingã, orlea zorlea ti niazvindzeari şi ti aţea minduescu cã vãrnu nu va mindueascã, vãrãoarã, s’nã agudeascã.
Mesajlu fu dimãndatu di secretarlu gheneralu al NATO şi la andamasili ţi li avu cu prim-ministurlu şi cu cãpiili aţiloru dauã cameri a Parlamentului. Premierlu Ilie Bolojan salutã angajamentul alianţãllei ti anvãrtuşeari catastisea di apărari şi tãllearea curyilui pi Flanculu ditu apiritã pritu iniţiativi cata cumu Pareia Vigllitoari di Askirladz ditu Apiritã, ţi ari scupolu s’creascã gradlu di vigilenţă/ mutrita oclli patru, tru aeastă parti ali Europã, ţi easti dinintea azboiurloru cu drone icã alti turlii di fuvirseri ditu partea ali Rusie. Mark Rutte lo parti şi la Forumlu NATO trã Industria di Apărare, ţi avu tru scupo ta s’aflã cearei salami ti criştearea a axiillei di apărare a Alianţãllei şi trã lãrdzeari producţia militarã.
Autoru: Stefan Stoica
Armãnipsearea: Taşcu Lala
