’’Omlu a Anlui 2015 la Radio România Internaţional’’

Vruţ soţ, RRI u dusi ma largu tradiţionala a lui anchetă di opinie di bitisita di an anamisa di ascultătorl’i si ufilisitorl’i di Internet si singirili suţiali dit lumi.Va pripusim (tu 13 di Brumar 2015 vedz tu Actualitati site www.rri.ro) s-alidzeţ aţea personalitati, dit iţi dumeni, cari andrupa si cilastisi, prit acţiun’i, purtatiţi ica idei tra imnaticlu tra nainti a lumil’ei tru 2015 .Anamisa di politicien’il’i nominalizaţ “Omlu a Anlui 2015 la RRI” easti prezidentul ali Rusie, Vladimir Putin, Vasiloan’a Elisabeta a II-a ali Mari Britanii, prezidentul francez François Hollande, prezidentul ali Românie, Klaus Iohannis, fostul prezidentu georgian, actual guvernator ali reghiuni Odesa dit Ucraina, Mihail Saakaşvili, premierl’i indian si ungar, Narendra Modi si Viktor Orban, Prezidentul a Ligal’ei Naţionala tra democraţie dit Birmania, doamna Aung San Suu Kyi.

Eugen Cojocariu, 02.01.2016, 18:05

Vruţ soţ, RRI u dusi ma largu tradiţionala a lui anchetă di opinie di bitisita di an anamisa di ascultătorl’i si ufilisitorl’i di Internet si singirili suţiali dit lumi.Va pripusim (tu 13 di Brumar 2015 vedz tu Actualitati site www.rri.ro) s-alidzeţ aţea personalitati, dit iţi dumeni, cari andrupa si cilastisi, prit acţiun’i, purtatiţi ica idei tra imnaticlu tra nainti a lumil’ei tru 2015 .Anamisa di politicien’il’i nominalizaţ “Omlu a Anlui 2015 la RRI” easti prezidentul ali Rusie, Vladimir Putin, Vasiloan’a Elisabeta a II-a ali Mari Britanii, prezidentul francez François Hollande, prezidentul ali Românie, Klaus Iohannis, fostul prezidentu georgian, actual guvernator ali reghiuni Odesa dit Ucraina, Mihail Saakaşvili, premierl’i indian si ungar, Narendra Modi si Viktor Orban, Prezidentul a Ligal’ei Naţionala tra democraţie dit Birmania, doamna Aung San Suu Kyi.

Nica fura alepta, ntra altal’i di partea a ascultătorlor si ufilisitorlor di Internet RRI (di ascultatorl’i a aţilor 12 di secţii) Papa Francisc si, ca personaj colectiv, Cvartetlu tra Dialog Naţional Tunisian, laureat Nobel tra Irin’i 2015, cetăţean’il’i a Parislui, ţi tricura di dauă ori prit nascanti atacuri lahtaroasi a islamistilor, voluntarlu ucrainean cari, alidzem s-u veagl’e vasilia cu armata tru mână” ica, alidzem, tuţ aţel’i cari, tru lumea tuta, featira timbihi contra a len turliilor di piricl’iuri, tuţ aţel’i cari avura curayilu să spuna cu boaţi”.

Di nafoara a sferal’ei politica apruchem aesti pripuniri pitricuti ti Secţia Armaneasca RRI:

Ascultatorl’i a emisiun’ilor armanesţa di la RRI Goran Kostov di Skopie si Vlatco Dibrian di Sveti Nicola, Ripublica Macedonia deadira aesti patru pripuniri:

Sportu:

– SIMONA HALEP di ispetea ca agiumsi si alu ţanu loclu doi mondial tu tenis.

Cultura:

– CRISTIAN BANDU si MARIANA BARA ti traduţearea pi limba rumaneasca a unal’ei di carţali di baza ti armanami: “Die Aromunen” di G. Weigand.

Cartea fu ngrapsita pi limba ghirmaneasca ninti di cama di 100 di an’i si prindea di multu chiro s-hiba apridusa ti publiclu rumanescu, lucru ţi ti mari jeali pana tora nu s-feaţi, a ti mari haraua u feaţira tora aesta doi intelectual’i Arman’i.

– HRISTU MULAR cu aţeali 4 carta di muziculoghii scoasi tu migdani tu insita di an. Un dealihea monumentu ti cultura armaneasca ţi axeasti tin’iseari (Goran Kostov).

Dzuua di Aprindu Carciun — 24 di Andreu 2015, Scopia, tu R. Macedonia tu una ducheani ti carţa, s-feaţi promoţii-a paturlor carţa di una Antologhii armaneasca di cantiţ.

Autorlu-a cartil’ei easti Hristu Mular, dit casabalu Crusuva, Ripublica Macedonia cantator si mastur ti ghitara.

Promoţiia s-feati si cu ucazea-a yiurtusearil’ei a 60-lor di-an’i di bana-al Hristu Mular (priloata di Goran Kostov dit habarea a poetlui D. Cuvata).

Or a pareilor di la redactiili pi ma multi limbi di la RRI succţes, biricheti si lucurlu ambar si tu anlu 2016.Cu tin’ii, Goran Kostov (Goran Pusuticlu), Scopia,R. Machidunia

Cu nadie ti musata programa la RRI, secţia armaneasca ama si alanti secţii si tu anlu 2016,

Ti mulţa an’i si museati realizari.

Vlatco Dimov Dibrean, Sveti Nicola, R. Machidunia.

Tut di nafoara a sferal’ei politica fura alepta, ti paradigma, creatorlu Facebook Mark Zuckerberg, marli fotbalistu Lionel Messi ica Ralph Hasenhüttel, antrenorlu a clublui ghirman di fotbal FC Ingolstadt 04, pi cari lu adusi tru Bundesliga.

“Omlu a Anlui 2015 la RRI” easti, ama, pi thimel’ilu a pripunirlor a publiclui RRI, canţelarlu ghirman ANGELA MERKEL.

Boudoukha Mohamed, dit Algeria, u pripusi doamna Merkel “tra minduita a l’ei tru criza a arifugaţlor si vrearea tra s-aproachi suti di n’il’i di arifugaţ dit Orientul Mesi”.

Volodimir Sâtnikov, dit Ucraina, argumenta, ntra altili, alidzearea: “Fui cabaia entipusitu di candasearea a l’ei că Ghirmania va s-hiba irbapi s-aproaki 400.000 di arifugaţ dit Orientu”.

Salim Khan, dit Bangladis, spunea: ”Minduescu că una alidzeari excelentă tra personalitatea a anlui easti canţelarlu ali Ghirmanie, Angela Merkel, una persoană modestă, ama dominantă, tru idyiul

Iara Richard Lemke, dit Canada, argumenta: ”Nominalizarea a mea tra Omlu a Anlui 2015 easti politiciana Angela Merkel, cantelarlu ali Ghirmanie, cari easti tora tru prota linie a political’ei mondiala.”

Autor: Secretar Gheneral di Redacţie RRI – Eugen Cojocariu

Autor secundar si apriduţearea – Reporter Secţia Armaneasca RRI Tascu Lala