Omlu a Anlui 2017 la RRI
Eugen Cojocariu, 17.11.2017, 14:34
Vrut sot, RRI u duti ma largu tradiţionala a lei anchetã di opinie anamisa di ascultãtori şi ufilisitorl’i di Internet şi singirili sutiali şi vă acl’iamă la un nau exerciţiu, avem nadia di mari sinfer.
Vă plăcarsimu s-apufusiţ cari di personalităţli a prezentului alasara toru nai cama multu, tru noima pozitiva, tru lumi tru anlu 2017. Na ndridzem sã-lu alidzem, pi thimel’ilu a opţiun’ilor a voastri angrapsiti, “Omlu a anlui 2017 la Radio România Internaţional”. Cari poati s-hiba aestu/aesta şi, maxus, cate? Va s-hiba un om politic, un lider di opinie, un om di emburlaki, un mari sportiv, un artistu cu anami, un om di ştiinţă ica vara ti nu easti cunuscut tra marli public, ama cu una pirmituseari exemplară? Apandisea easti a voastã, asi cum easti arada!
Aştiptãm pripunirli a dvs., cata cum şi itiili a lor, cât cama ayon’ea, ndreptu pi site, la www.rri.ro, cu pitriţearea a unlui comentariu la articol, prit e-mail la ad4esa arom@rri.ro, pi profilurli a noastre di Facebook, Google+, Twitter şi LinkedIn sum turlia a unlui comentariu, prit fax la 00.4021.319.05.62 ica prit poştă, la adresa Radio România Internaţional, calea General Berthelot nr. 60-64, sectorlu 1, cod 010165 (PO Box 111), Bucureşti, România.
Adutem aminti că “Omlu a Anlui 2016 la RRI” fu aleptu prezidentul american Donald Trump. Va s-dimandam cari easti “Omlu a anlui 2017 la RRI” tru emisiunile di luni, 1 di yinaru 2018.
Armanipsearea: Tascu Lala
