Pesta porţină, tru menga a autorităţlor
Corina Cristea, 30.08.2018, 13:02
Cu aproapea 800 di fucurini di pestă porţină africană confirmate tru un cirec dit judeţe, România cilastaseasti tra s-curma tindearea a nai ma greaual’ei langoari la pravdza di dupa Doilu Polim Mondial. Nai cama serta dit apofasi ţane di eutanasierea a tutaloru porţălor dit zonili tru care fu confirmată prezenţa a virusului, proces aflat tru mplină disvarteari nica si la una fermă dit Brăila (sud-est), prima dit România şi a daua ca mărime dit Europa. S-bagara pritu apofasi filtre rutiere tra s-afla tentativele ti scutearea dit perimetru a pravdzalor landziti ica produse ti s-fac di la aisti si s-lo apofasea tra s-da izini tra chiniyea a porţălor ayri şi a şacalilor dit Delta a Du’ălei, purtători di virus.
Cu tuti aisti meatri, langoarea s-araspandeasti ntraoara, tra atea că nu ari tratament ica vaccin, declara prezidentul ali Autoritati Naţionala Sanitar Veterinara şi tra Siguranţa a Alimentelor, Geronimo Răducu Brănescu. El cundil’e că pesta porţină africană evoluează, tru una turlie ca di arada, cu una morbiditate şi mortalitate di până la 100%. Pesta porţină africană easte activă tora tru Ţările Baltice, Polonia, Cehia, Ungaria, România, Ucraina, Rusia, Republica Moldova şi Italia, iara nascanti vasilii apraftasira s-ncl’ida fucurinili dupu dzat di an’i, cu hargi cabaia mari exighisi Geronimo Răducu Brănescu. Tru Spania, ti exemplu, fu ananghi di 30 di ani şi di hargi babageani. Tru România, tindearea a langoaril’ei dusi la vatamarea pana tora ti cama di una suta di n’il’i di porţă, a deapoa zn’iili suntu multu mari.
Prezidentul Klaus Iohannis, care cafta dispăgubirea cât cama ntraoara a atilor zn’iipsiţ, lo poziţie, lugursindalui că di furn’ia a turliil’ei defectuoasa tru care easte chivernisita aestă situaţie di criză, producătorl’ii autohtoni fura pimta tru praglu a falimentului. Bucureştiul cafta agiutor financiar a Comisiei Europene tra combaterea a efectelor tra pesta porţina africana, iara ministrul Agricultural’ei, Petre Daea, deadi asigurări că a nicuchirlor cu pravdzali tal’eati va la si da paradz.
Consecinţele a pestal’ei porţina africane sunt enorme tra n’itl’imicii fermieri, marii procesatori şi tra tut sectorul agroalimentar românesc pe termen lungu: şomaj, panică, nipistipseari tru procesarea a carnil’ei, deficit comercial ma mare, hargi tra despăgubiri şi repopulare a fermelor. Dit aestă criză cher masi atel’i dit sectorul privat, ama şi statlu care investi cu prioritate sumi mari tru aesta dit soni 10 ani tra s-creasca competitivitatea şi tra s-ppoata s-aiba dari-loari la carnea di porcu pi pazarea europeană, tru condiţiile tru care România avu 14 ani di interdicţie tra exportu.
Autor: Corina Cristea
Armanipsearea: Tascu Lala
