Prezidentul ali Slovacie la Bucureşti
România şi Slovacia suntu exemplari tra UE, dauli stati agiumsira pi una creaştire economică importantă, spusira prezidentul Klaus Iohannis şi omologlu a lui slovac, Andrej Kiska. Atel’I doi şefi di stat zburara, Bucureşti, tra dezvoltarea a relaţiilor bilaterale şi printipalili lucri di sinfer comun. Bunili relaţii bilaterali au la thimel’iu similarităţli istoriti şi culturale, spusi prezidentul Iohannis. Atel’I doi lideri agiumsira pi isapea că easti ananghi di una abordari strategică a Parteneriatului Estic, iara tru particular, tru ti mutreasti Ripublica Moldova (ex-sovietică, majoritar românofonă), cundil’eara ananghea tra s-ndrupasca ma largu procesili democratiti şi reformele, aatea turlie câ Chişinăul s-poată s-faca jgl’ioati nainti pi calea europeana.
Daniela Budu, 11.10.2016, 13:14
România şi Slovacia suntu exemplari tra UE, dauli stati agiumsira pi una creaştire economică importantă, spusira prezidentul Klaus Iohannis şi omologlu a lui slovac, Andrej Kiska. Atel’I doi şefi di stat zburara, Bucureşti, tra dezvoltarea a relaţiilor bilaterale şi printipalili lucri di sinfer comun. Bunili relaţii bilaterali au la thimel’iu similarităţli istoriti şi culturale, spusi prezidentul Iohannis. Atel’I doi lideri agiumsira pi isapea că easti ananghi di una abordari strategică a Parteneriatului Estic, iara tru particular, tru ti mutreasti Ripublica Moldova (ex-sovietică, majoritar românofonă), cundil’eara ananghea tra s-ndrupasca ma largu procesili democratiti şi reformele, aatea turlie câ Chişinăul s-poată s-faca jgl’ioati nainti pi calea europeana.
Di altă parti, Andrej Kiska declara că subiectul a cotilor mutrindalui migranţal’ii easti una temă politică moartă, chiro tru cari omologlu a lui român cundil’e că UE lipseasti s-cafta cearei comune, nu cari s-ampartă. Slovacia dipusi, tru andreu 2015, plândziri la Curtea Europeană di Justiţie contra ali apofasi ti u lo UE ti redistribuirea a atilor 120.000 di insi ti caftara apanghiu tru statele membre. Klaus Iohannis şi omologlu a lui slovac zburara tutunaoara, ti coopeararea politică şi economică anamisa di ateali dauă vasilii, ama şi tra alumta contra ali arusfeti. Prezidentul slovac apruke ti bun alumta antiarusfeti dit România, iara Klaus Iohannis u spusi vrearea a Bucureştiului tra s-aproachi dit experienţa a lui şi tra s-agiuta partenerl’ii slovaci s-ndreagă organismi hairlatiti ti alumta contra ali arusfeti.
S-lu avdzam Klaus Iohannis: Tra noi, curmarea ali arufeti easti di mari simasie cate nu masi ca fuvirsescu anvartusearea ali democraţie, corupţia ayaliseasti criştearea economică, corupţia l’I-aspari investitorl’i. Minduescu ca him pi calea atea bună, ama nica avem lucru ti calcari. Tru arada a lui, Andrej Kiska cundil’e că România şi Slovacia suntu un exemplu tra vasiliili europene, tru condiţiile tru cari nreghistrara creaştiri economică.
Aesta arada s-lu avdzamu Andrej Kiska: România na spuni, ama, că criştearea economică poate s-hiba ligata şi cu alumta contra ali arusfeti. Şi nu zburascu di România masi dit comata di tin’iseari. Cundil’eai ma multi ori aest lucru, cundil’eai şi acasă, şi aoa, ari multi lucri cari putem s-li nvitam di partea ali Românie. România ari nadiili a l’ei isisi tra s-agiunga membru Schengen şi ari agiutorlu a nostru pan di mardzina şi va s-fatem tut ti ari cabile tra s-agiutam, s-ndrupam România.
Şeful statului slovac s-andamusi şi cu premierul Dacian Cioloş cu cari feati moeabeti tra dezvoltarea a zonelor rurale, polititli di incluziune socială şi andruparea a mobilitatil’ei profesionala. Tu agenda a vizital’ei a prezidentului slovac avea si andamusi cu reprezentanţal’i a minoritatil’ei a slovacilor şi a cehilor, paradigma yilipsitoari ti bună integrari tru societatea românească.
Autor: Daniela Budu
Armanipsearea: Tascu Lala
