Priorităţli a naului comisar european Corina Creţu
Tra eurodeputata social-democrată Corina Creţu, pripunirea ali Românie tra funcţia di comisar european, armasi masi una goala jgl’ioata, şi ea, masi procedural, cătra priloarea, ufitială, a portofoliului. Avansată de Guvernul di Bucureşti, controlat di formaţiunea politică dit cari yini, confirmată, deapoa, după un interviu, di caplu a Comisiil’ei Europena, Jean Claude Juncker, candidatura a l’ei tra portofoliul a political’ei regionala armasi ncicioare şi dupa audierea dit comisia di specialitate a Parlamentului European, bitisita cu un aviz favorabil. Virtual titulară a unlui portofoliu cari tru bugetlu di tora ali Uniuni, ti anvaleasti perioada 2014–2020, va s-chiverniseasca fonduri di 350 di miliarde di euro s-cama, Corina Creţu ş-feati cunuscuti priorităţle, ntra cari s-yilipsescu, cadealithea, criştearea economică şi discl’idearea a locurlor di lucru.
Florentin Căpitănescu, 02.10.2014, 12:33
Tra eurodeputata social-democrată Corina Creţu, pripunirea ali Românie tra funcţia di comisar european, armasi masi una goala jgl’ioata, şi ea, masi procedural, cătra priloarea, ufitială, a portofoliului. Avansată de Guvernul di Bucureşti, controlat di formaţiunea politică dit cari yini, confirmată, deapoa, după un interviu, di caplu a Comisiil’ei Europena, Jean Claude Juncker, candidatura a l’ei tra portofoliul a political’ei regionala armasi ncicioare şi dupa audierea dit comisia di specialitate a Parlamentului European, bitisita cu un aviz favorabil. Virtual titulară a unlui portofoliu cari tru bugetlu di tora ali Uniuni, ti anvaleasti perioada 2014–2020, va s-chiverniseasca fonduri di 350 di miliarde di euro s-cama, Corina Creţu ş-feati cunuscuti priorităţle, ntra cari s-yilipsescu, cadealithea, criştearea economică şi discl’idearea a locurlor di lucru.
Ia ti spuni Corina Creţu, tru un interviu ti lu deadi a corespondental’ei Radio România la Bruxelles:
”Politica regională, cu un cirec dit bugetlu a Uniunil’ei Europene, lipseastti s-aiba una contribuţie importantă la aestu plan. Io minduescu că avem un regulamentu nau, cari easti multu importantu şi cari va s-da izini s-avem ngatan dumenii di crişteari economică şi cari discl’idi locuri di lucru. Zburascu ti cercetari-inovari, andruparea a ntreprinderlor n’it ş-di mesi, a deapoa tru ti mutreasti ateali vasilii (nica si Romania, n.red) cari nu amintara 50% dit atea ti avea ti amintari tru perioada 2007-2013, minduescu că va s-adram una parei di lucru. Aesta tra s-la agiutam, dimec s-ufiliseasca cât cama ghini perioada cari armasi ti hargiueari a paradzlor până tru bitisita a anlui 2015”.
Di altă parti, nica spusi nasa, politica regională easti un ditru nai cama importanti halat a solidaritatil’ei nauntrul a Uniunil’ei Europena. Corina Creţu:
”Minduescu că easti un printipiu multu importantu cari şeadi si la thimel’ilu a politicalei di coeziune. Em vasiliili ma dezvoltati em ateali ma puţan dezvoltate pot s-ducheasca ca ma s-investeasca tru regiuni, investindalui tru economia reală, investindalui tru oamin’i şi ma s-la agiuta tra s-baga tru lucru a lor isis potenţial, potenţialu maxim, dimec, s-cl’eama ca investim tru tuta UE”.
S-ma multu, ea taxi şi toleranţă zero andicra di furlachea a fondurlor europene. Borgea ti si-u lo nasa angreaca cabaia, tru condiţiile tru cari Corina Creţu reprezintă una vasilie tru cari furlachea a paradzlor comunitari nu fu şi nu easti asociată cu aretcul. Ca una yilipseari, tru un clasament adrat tora ma ninti di Comisia Europena, România easti pi loclu doi, după Italia, la numirlu a cazurlor di furlachi şi pi treilu loc, după Italia şi Polonia, tru ti mutreasti paradzl’i ti nchisira alta cali.
Armanipsearea: Tascu Lala
