Ascultaţ RRI!

Ascultă Radio România Internațional Live

Protlu mãnuclliu di apofasi fiscali

Premierlu Ilie Bolojan pãrãstisi protlu mãnuclliu di misuri fiscali pi cari executivlu va ta s’li apufuseascã.

, 03.07.2025, 20:01

Maş ascumta acãţati tu isapi tru kirolu a tutãloru turliiloru di alidzeri ditu 2024 și di anlu aestu, deapoa niheama cama cu boaţi dimãndati unã ş-unã dupu bitisearea a scrutinlui prezidențialu ditu meslu mai, misurli di sirţãlle a curi româñilli va s’lipseascã s’lã ţãnã keptulu nica di la 1 di agustu furã, neise, scoasi tu videalã, ñiercuri, tru conferință di presă, di premierlu liberalu Ilie Bolojan.

 

Furñia aluştoru apofasi cabaia nipopulari – unã xiki cabaia mari și piriclliulu ca, di itia aliştei, România s’hibã retrogradată di aghențiili di rating tru categoria ʹjunkʹ, dimecu nu ari cali dişcllisã ti investiții. Dimecu, trã economii la bugetu, va s’aibã dauă coti di TVA, criscuti dauli, di 11 şi di 21%. Taxă di 11% va s’hibã trã yitrii şi alimenti, serviţii publiţi di apă şi canalizari, apă trã adãpari, cărţã, leamni di focu şi energhie termică. HoReCa va s’armânã şi ea tut la 11%, nai ma pţãnu până tru sumedru. Ti alanti produsi, TVA va s’hibã di 21%.

 

Va s’creascã accizili cu 10% la alcool, combustibilu şi ţigări, cu spunearea maxutarcu că trã motorina/ nafta ufilisitã tru vãsilie di companiile di transport-persoane va s’aibã unã schemă financiară di compensari a creastirillei.

 

Tiñiili di cafi mesu şi pensiili ditu sistemlu publicu armânu plafonati nica şi tru anlu ţi yini. Seniorlli ţi au pensii cama di 3.000 di lei (s’clleamã aproapea 600 di euro) va s’aibã contributlu cu 10% la asigurărli di sănătati, la cari s’adavgã – spusi premierlu Ilie Bolojan – eliminarea a nãscãntoru excepții, aţea turlie cã numirlu a contribuabililor ditu sistemu s’crească di la 6 miliuñi ş-cama, câtu easti tora, la cama di 8 miliuñi.

 

Norma-a cadriloru didactiţi ditu nviţãmintulu preuniversitaru şi universitaru va s’creascã, aţea turlie cã statlu s’facă economii ditu pãradzlli ahãrdziţ ti atelli cari eara păltiț cu oara.

Va s’hibã alãxitã, tutunãoarã, turlia tru cari va s’hibã dati bursili şcolare.

Cama deapoa, di la 1 di yinaru anlu ţi yini, s-ari tu videalã criştearea a impozitlui pi dividendi di la 10 la 16% icã taxarea suplimentară a profiturloru a bănţãloru, cari au unu di nai ma buni randamenti a capitalurloru ditu aestă parte ali Europã.

 

Va s’hibã suprataxate și tuti amintatiţli ditu agiocurli cu tihea. Și aesta nu easti tutã! Premierlu Ilie Bolojan dimãndã că, până tu bitisita aluştui mesu nica va s’hibã apufusiti şi alti misuri ligati, neise, di ñicurarea a hãrgiloru şi reorganizări tru instituţiili și companiili di stat.

Tru aestu kiro, guvernulu di coaliție PNL-PSD-UDMR-USR spuni vrearea cã protili misuri fiscali dimãndati s’hibã apufusiti ntrãoarã, pritu giueapea ţi va u da tru Parlamentu.

 

Sindicatili li cutugursescu sertu și fac timbihi că eali va s’ducã la inflație și va sã scadã putearea di ancupărari. Iarapoi a Avocatlui a Popului ãlli si cãftã s’facã cãftari la Curtea Constituţională tru ligătură cu unã ordonanţă di urgenţă cari pruveadi tăllearea a nãscãntoru sporuri tru administraţia publică și, dimi, ñicurarea a tiñiiloru di cafi mesu.

 

Pi ningã tuti aestea, tru aproapea tută vãsilia s-dusi ninti dalga a protestilor ditu ma multi dumenii a sectorlui public. Şi sindicatili ditu educaţie dimãndarã cã va s’iasã pi geadei cu mutarea capu stămâna ţi yini, kiro tru cari studenţãlli u feaţirã nica di stãmãna ţi tricu. Ari cãbilea s’nkiseascã şi grevili.

 

Autoru: Roxana Vasile

Armãnipsearea: Taşcu Lala

Vicepremierul Dragoș Anastasiu (Foto: gov.ro)
Actualitati Tuesday, 29 July 2025

Demisia a vițepremierlui Dragoş Anastasiu

Dupâ unu mesu ș-ândauâ dzâli di anda vini la puteari, chivernisea di coaliţie di Bucureşti, cumândâsitâ di liderlu liberal Ilie Bolojan,...

Demisia a vițepremierlui Dragoş Anastasiu
Foto: facebook.com/igsu.situatiideurgenta
Actualitati Saturday, 19 July 2025

Fãrtuñi cu victimi tru România

Tru România, s’facu, tru aestu kiro, fenomeni meteo extremi catacum fãrtuni i cãñină, iarapoi meteorologilli apufusirã, tru dzãlili ditu...

Fãrtuñi cu victimi tru România
Ministrul Investiţiilor şi Proiectelor Europene (MIPE), Dragoş Pîslaru
Actualitati Wednesday, 16 July 2025

Câţ pãradz potu s’hibã aduşi pritu PNRR?

Proiecti tru valoare di aproapia 6,3 miliardi di euro numata potu s’hibã adrati până tru agustu 2026, aşi cã aestea va s’hibã scoasi ditu...

Câţ pãradz potu s’hibã aduşi pritu PNRR?
Іліє Боложан
Actualitati Wednesday, 16 July 2025

Protlu mãnuclliu fiscal treaţi di Parlamentu

Adunatu tru sesiune extraordinară, Parlamentul ali Românie nu apruke, luni, moţiunea di cenzură dipusă di opoziția populistă și...

Protlu mãnuclliu fiscal treaţi di Parlamentu
Actualitati Friday, 11 July 2025

Moody’s trã xikea bugetarã ditu România

Misurli fiscali ţi li lo tora ma ninti Guvernulu ali Românie suntu „unã jgllioatã di simasie” trã unã ma bunã ziyã bugetarã, dimãndã...

Moody’s trã xikea bugetarã ditu România
Actualitati Friday, 04 July 2025

Reacţii la misurli fiscali dimãndati di guvernu

Un mixu di creaștiri di taxi și di ñicurari hãrgili, bãgati tu practico nai ma pţãnu pânu di bitisita-a anlui yinitoru, suntu tu planlu cu...

Reacţii la misurli fiscali dimãndati di guvernu
Actualitati Monday, 30 June 2025

Bitisearea a FITS 2025

Ediţia 2025 a Festivallui Internaţionalu di Teatru di Sibiu, unâ ditu nai ma mărli andamusi artistiți pi planu mondialu, s-bitisi dumânicâ,...

Bitisearea a FITS 2025
Actualitati Friday, 27 June 2025

Consiliul Ivopreanu di Bruxelles

Șcurtu kiro dupâ ți lo parti la Summit-ul NATO di Haga, prezidentul ali Românie, Nicuşor Dan, s-dusi deadunu cu alanțâ lideri ditu Uniunea...

Consiliul Ivopreanu di Bruxelles

Parteneri

Muzeul Național al Țăranului Român Muzeul Național al Țăranului Român
Liga Studentilor Romani din Strainatate - LSRS Liga Studentilor Romani din Strainatate - LSRS
Modernism | The Leading Romanian Art Magazine Online Modernism | The Leading Romanian Art Magazine Online
Institului European din România Institului European din România
Institutul Francez din România – Bucureşti Institutul Francez din România – Bucureşti
Muzeul Național de Artă al României Muzeul Național de Artă al României
Le petit Journal Le petit Journal
Radio Prague International Radio Prague International
Muzeul Național de Istorie a României Muzeul Național de Istorie a României
ARCUB ARCUB
Radio Canada International Radio Canada International
Muzeul Național al Satului „Dimitrie Gusti” Muzeul Național al Satului „Dimitrie Gusti”
SWI swissinfo.ch SWI swissinfo.ch
UBB Radio ONLINE UBB Radio ONLINE
Strona główna - English Section - polskieradio.pl Strona główna - English Section - polskieradio.pl
creart - Centrul de Creație Artă și Tradiție al Municipiului Bucuresti creart - Centrul de Creație Artă și Tradiție al Municipiului Bucuresti
italradio italradio
Institutul Confucius Institutul Confucius
BUCPRESS - știri din Cernăuți BUCPRESS - știri din Cernăuți

Suţati tu cari easti membru ili tu sutsâl'ie cu RRI

Euranet Plus Euranet Plus
AIB | the trade association for international broadcasters AIB | the trade association for international broadcasters
Digital Radio Mondiale Digital Radio Mondiale
News and current affairs from Germany and around the world News and current affairs from Germany and around the world
Comunità radiotelevisiva italofona Comunità radiotelevisiva italofona

Serviţii di difuzari si redifuzari

RADIOCOM RADIOCOM
Zeno Media - The Everything Audio Company Zeno Media - The Everything Audio Company