Ripublica Moldova, cata iu ?
Nu manifestaţii pi geadei ti harauua a atilor cari lu-avea votată pi azvingator, ca protesti a societatil’ei tivila andicra di slaba organizare a scrutinlui nsuţara, dumanică noaptea, habarea că pro-aruslu Igor Dodon aminta alidzerli prezidenţiali dit Ripublica Moldova. După ti, aoa si dauă stămân’i, tru protlu tur di scrutin, el avea amintata, 47% dit sufragii, cu aproapea dzati procente ma mult andicra di reformatoarea pro-europeană Maia Sandu, Dodon era, cum ti s-hiba, cotat ca favorit tru tuti sondajele mutrindalui naeţli di vot tru finală. Ecartul anamisa di atel’i doi candidaţ s-n’icsura cabaia tru turlu doi, 52% tra Dodon şi 47 tra Sandu, ama nu fu duri tra s-alaxeasca amin deznodământul. Tru contrastu cu declaraţiile pi mutata dit campania electorală, naulu şef a statlui feati una acl’imari tra achicaseari.
Bogdan Matei, 14.11.2016, 12:14
Nu manifestaţii pi geadei ti harauua a atilor cari lu-avea votată pi azvingator, ca protesti a societatil’ei tivila andicra di slaba organizare a scrutinlui nsuţara, dumanică noaptea, habarea că pro-aruslu Igor Dodon aminta alidzerli prezidenţiali dit Ripublica Moldova. După ti, aoa si dauă stămân’i, tru protlu tur di scrutin, el avea amintata, 47% dit sufragii, cu aproapea dzati procente ma mult andicra di reformatoarea pro-europeană Maia Sandu, Dodon era, cum ti s-hiba, cotat ca favorit tru tuti sondajele mutrindalui naeţli di vot tru finală. Ecartul anamisa di atel’i doi candidaţ s-n’icsura cabaia tru turlu doi, 52% tra Dodon şi 47 tra Sandu, ama nu fu duri tra s-alaxeasca amin deznodământul. Tru contrastu cu declaraţiile pi mutata dit campania electorală, naulu şef a statlui feati una acl’imari tra achicaseari.
Ia ti spusi Igor Dodon: Va taxescu tin’isiţ concetăţen’i, că va s-escu prezidentul a tutulor, şi al atilor cari s-lugursescu di nandreapta, şi di nastânga, şi a atilor cari s-lugursescu şi vor tra s-hiba tru UE, şi atilor cari vor s-hiba deadun cu Rusia. Voi s-fac acl’imari a oponentaloru a mel’i politit. Doamna Sandu, voi s-va hiritisescu tra un rezultat multu bun, ama tora, va placarsescu multu di multu, haidiţ s-li isihisim spiritili.”
Cl’imarea al Dodon yini după ti dzat di tiniri avea mutata cap dinintea a scamnului ali Comisie Electorala Centrala di Chişinău, niifharistusiţ că multi secţii dit ripublică, ama şi ditu xeani, di Bucureşti până Dublin, armasisră fără buletini di vot. Pi singirili di socializare urdină, apeluri la organizarea, tru tentrul ali capitala, a nascantor protesti-maraton.
Tru numa a tabural’ei pro-europeana, Maia Sandu declara: Va s-avem ngatan până tru cap şi vă taxescu că va s-limbidzam deadun cafi călcari, cafi caz tru cari oamin’il’i nu putura s-voteadza.” Candidata azvimtă cafta, di alta parti, demisiile urgente a ministurlui di Externe şi a prezidentului ali Comisie Electorala Centrala, lugursiţ protl’i ti au cabati tra dezastrul organizatoric. Tuta lumea, easti, ama, simfuna că niti protestile, niti demisiile nu mata pot s-alaxeasca ici tiva. Tra victoria a candidatal’ei a lor, suporterl’i a doamnal’ei Sandu lipsea tra s-candasească ma mulţa oamin’i s-iasă la vot.
Ama, pasivitatea a alegătorlor sancţioneadză şapti an’i di guvernare declarata pro-occidentală, arămată di nihairlaticu şi arusfeti, cari agiumsira pi kipita cu chirearea a unui miliardu di dolari dit sistemlu bancar ali ripublica şi cu condamnarea la hapsani a fostului premier şi sef di partid a Maiil’ei Sandu, Vlad Filat. Presa arusă, aleaptă di agenţiile di presă, s-hiritiseasti că Moscova tamam amintâ un aliat la Chişinău. Analiştil’i cundil’eadza, ama, că Dodon nu va s-aiba parti di un mandat arihati. Uidisitu cu tuti clasamentili di specialitate, Ripublica Moldova easti nai ma oarfanlu stat european. Şi unu tru cari, aşi cum spun şi rezultatili a votlui di dumanică, giumitatea pro-occidentală a societatil’ei îl’i easti ahandos ncuntrata a naului prezidentu.
Autor: Bogdan Matei
Armanipsearea: Tascu Lala
