Romania 43

Nicoleta Stoica — V-aduc aminti doamni s-domn’i cate cathi dzuua di n’ercuri RRI ari programata tu emisiun’ili a l’ei rubrica Romania 43.

Nicoleta Stoica, 11.10.2018, 15:10

Nicoleta Stoica — V-aduc aminti doamni s-domn’i cate cathi dzuua di n’ercuri RRI ari programata tu emisiun’ili a l’ei rubrica Romania 43.

Rubrica tru arada a curi dumnil’ili a voastri roman’i di tu xinatati putet s-nvitat cari suntu proiectili ica initiativili leghislativi a parlamentarlor dit comisiiili tra roman’il’i di iutido dit Camera a Deputatlor si Senatlu ali Romanie. Proiecti ti au scupolu s-agiuta roman’il’i di nafoara a sinurlor.

Deadun cu noi lu avem aza oaspitu domnul senator Viorel Badea, senator a Comisiil’ei ti comunitatli tra roman’l’I di nafoara a sinurlor dit Senatlu ali Romanie. Haristusim domnule senator Viorel Badea ti furn’ia ca hit deadun cu RRI !

Viorel Badea — Si io va haristusescu tra caliseari.

Nicoleta Stoica — Him domnule senator tu mplina sesiuni parlamentara di toamna si voi nainti di tuti s-na zburat niheama ti proiectili importanti a comisiil’ei dit prota giumitati a anlui cari nica asteapta ta s-hiba bagati tu lucru, cundil’indalui tra ascultatori ca nu di multu chiro earat tru harea di prezidentu ali aistei comisie.

Viorel Badea — Prota s-prota, comisia a roman’ilor di iutido easti adrata dit reprezentantal’i a ma multor partidi polititi dit Prlamentul ali Romanie. Ngheneral proiectili di nom cari li acatam tu moeabeti tra debat tru comisie suntu a initiatorlor dit ma multi partidi polititi nai cama importanti suntu proiectili di nom mutrindalui votlu prit corspondenta, cristearea a numirlui di parlamentari tra diaspora tru noima ti adutearea diznou aistu numiru di parlamentari la pruviderli legale asi cum stit si voi numirlu di parlamentari tra diaspora easti cu multu ma scadzut si nu reprezinta cadealihea cetatean’li a nostra di tu xinatati si dau un exemplu un pralamentar dit vasilie easti arondat la una suta di n’il’ie di cetatean’I a deapoa un senator dit diaspora easti arondat la aproximativ daua miliun’I di cetatean’i.

Tutunaoara fura proiecti di nom cari spun ti ndreptul la lucru a cetatean’ilor roman’i tru xinatati si turlia tru cari putem s-na mintim tra s-adutem la normalitati a ndrepturlor la lucru a cetatean’ilor roman’i dit diaspora si tutunaoara proiecti di nom tu ligatura cu roman’il’i dit Sarbie ica dit Ripublica Moldova.

Nicoleta Stoica — Cari dit arada a aistor ti dumnil’ea a voastra li adusitu aminti, s-afla loclu s-tru agenda a sesiunil’ei parlamentari di toamna si cari easti nica si tru toplu a ananghiserloru ?

Viorel Badea — Ti noi cama importanti suntu proiectili di nom ti spuni ti alidzerli electorali a roman’ilor dit diaspora si ti numirlu di parlamentari tra diaspora. Lipseasti s-cilastasim tra s-aiba cabilea ca roman’il’I dit diaspora s-hiba mintit plenar tra loarea a apofasilor polititi dit vasilie si deapoa s-aiba si cabilea tra s-aiba una reprezentari justa pi nivelu a Parlamentului ali Romanie.

Nicoleta Stoica — Tu ti catastisi suntu tru aestu kiro, aesti proiecti leghislativi ?

Viorel Badea — Suntu tru catastisea di avizari, mari parti dit eali.

Nicoleta Stoica — Si ma s-adutem zborlu ti suplimientarea a numirlui di parlamentari tra diaspora putem sa zburam ti suplimentarea a aistui numiru ?

Viorel Badea — Putem sa zburam ti suplimentarea a aistui numiru tu condiitili…nu va la spun suplimentari, ghini ma, va la spun normali. Cadealihea, eali va s-hiba una realitati candu va s-putem sa-l’i canadsimu tut parlamentarl’i cari ti s-hiba partia politica s-voteadza tra adoptarea a unlui ahtari proiectu di nom leghislativ.

Nicoleta Stoica — Candu va s-putem s-nvitam domnule senator desi easti votat ica nu aistu proiectu di nom leghislativu ?

Viorel Badea — Io dzacu ca iuva tru ahurhita a sesiunil’ei yinitoari ti furn’ia ca procedurli parlamentari suntu multu greali.

Nicoleta Stoica — Aesta va s-dzaca ca putem sa zburam ti alidzerli dit 2019 ti un numiru corectu.

Viorel Badea — Asi avem naetea, cate ti 4 miliun’I di roman’i ti suntu nafoara ali Romanie suntu masi 6 parlamentari a deapoa ti un numir di 400 000 di cetaten’i roman’i dit vasilie avem tut un numir di 6 parlamentari lucru ti easti pan di mardzina injustu.

Nicoleta Stoica — Zburam ti votlu a roman’ilor di tu xinatati. Aoa ti amendamenti lipseasti sa s-faca la nomlu leghislativu?

Viorel Badea — Io minduescu ca practic lipseasti s-adram atea turlie tra s-dam cobilea a roman’ilor s-voteadza, cari ti s-hiba loclu iu suntu. Noi vinimu ca partidu politicu cu una formula cari s-u bagam tu debatlu a comisiilor parlamentari ti nai cama multu un mes di dzali, formula prit cari minduim s-adutem cabila ca cetaten’i roman’i dit diaspora s-poata s-voteadza cu una aplicatie pi telefonlu mobil.

Nicoleta Stoica — Un proiectu cadealihea multu mintimenu sa-n’i dat izini sa spun…

Viorel Badea — Asi cum s-adram tranzactia bancara tut ase putem s-adram si cu votarea..

Nicoleta Stoica — Si zburam tra initiativili a dumniil’ei a voastri personali cari avet naeti s-li dupunet tu aesta sesiuni parlamentara.

Viorel Badea — Initiativa ti spuni ti nomlu a roman’ilor dit diaspora suntu di mari simasie si tut ase minduescu s-dipun un proiectu di nom mutrindalui amintarea diznau ali cetatenie ti cetaten’il’i roman’i a curi la si lo paranom cetatenia di catra regimlu comunistu. America maxus.

Nicoleta Stoica — Io va haristusescu nica na oara ti tuti infomatiili ti na li adusitu domnule senator si cu izinea a dumnil’ei a voastri la taxescu a ascultatorlor ca va s-yinit diznau pi frecventili a postului RRI atumtea candu va s-putem sa zburam ti proiectili concreti ti li nchisitu.

Viorel Badea. Cu haraua, masi ghineata !

RRI – Sectia aromana 10.10.2018

Reporter – Tascu Lala