România agiută Sârbia tră astindzearea focurlor di păduri
Nauă pompieri români anchisiră misiuni tru Sârbie, tra s’agiută ti astindzearea focurlor di păduri cari pundixescu nordulu a văsiliil’ei.
Tașcu Lala, 22.08.2026, 14:41
Nauă pompieri militari români nchisiră, sâmbătă, tru Sârbie, tra s-l’ia parti, chiro di dzaţi dzăli, tru ună misiuni internaţională di agiutoru tră astindzearea focurlor di păduri şi vegetaţie cari zn’iipsescu ma multi locuri. El’i va s’dizvărtească huzmeţ speţifiţi tră apridunarea şi curmarea a fucuriniloru, deadunu cu pareiili di intervenţie ditu Sârbie.
România ascumbusi un modulu speţializatu tră astindzearea focurlor di păduri, adratu ditu 69 di inşi şi 15-ţi hălăţ tehniţi, ditu arada IGSU şi a unităţloru subordonati.
Di itia a căftaril’ei di asistență internațională pitricută di autoritățli sârbi pritu Mecanismulu di Protecție Civilă ali Uniuni Europeană „elicopterlu Black Hawk S-70M rescEU, ascumbusitu di România tră andruparea operațiun’ilor di astindzeai a focurlor di păduri ditu Ripublica Sârbia, ahurhi anchisearea cătă locurli di intervenție”.
Tră intervenţia tru Rezervaţia Naturală Diliblato Sands, ună reghiuni greu ti imnari, iu fleamili aputrusiră cama di 3.500 di ictări, fu ananghi ti ascumbuseari niscănti mehanii speţializati di intervenţie.
Pompierl’ii români va s’cilăstăsească tru „locațiile apufusiti di autoritățli sârbi și va s’yină tu agiutorlu a forțiloru locali, tră apridunarea și astindzearea focurloru, mansusu tru locurli iu easti zori ti intrari. Pritu ascumbusearea a componentăl’ei aerieană și aţil’ei terestră, România cilăstăseaşti s-da apandisi tu planu europeanu dinitea a mărloru focuri şi năpoi lu spusni angajamentulu tra s’andrupască statili zn’iipsisti di catandisea di ananghi”, uidisitu cu IGSU..
Autor: Mariana Chiriţă
Armânipsearea: Taşcu Lala
