ROMANIA EUROPEANA – Dosari europeani ti agricultură şi piscicultură
Monica Chiorpec, 17.01.2019, 15:35
Aţeali 29 di dosare pe agricultură fură priloati di la prezident’lea austriacă a Consiliului, tu inşita a anlui 2018. Aşi cum s-aştipta, dosarili suntu adaptate cu Politica Agricolă Comună post 2020, atea ţi nsmineadză că proiectili mutridalui agricultura şi piscicultura suntu tru len turlii di catastisi di lucru.
Tru an’ili dit soni, Politica Agricolă Comună a Uniunil’ei Europeană evoluă ase cât s-tănă cheptu andicra di tuti provocărli a piaţăl’ei, ama şi tră s-haristuseascâ ananghiserli european’ilor, avândalui tu videală situaţia economică actuală. Nica di la 1 di cirişar 2018, Comisia Europeană ş-prezenta cadrul legislativ tră yinitoarea Politică Agricolă Comună. Tru calitate di preşedinte a Consiliului, România ş-l’ia borgea acutotalui cu activitatea tru ufelia comunitară. Simfun cu ministrulu ali agricultură şi dizvltari rurală dit România, Petre Daea, născăntili dosari suntu tru domeniul ali agricultură, născănti tru domeniul a pisciculturăl’eii, născănti nu au ligătură cu noi, ama lipseaşti s-li acătăm tu isapi şi s-li lucrăm. Lucrăm tru intereslu a Uniunil’ei Europene, ti furn’ia ca năuntrul a aiştei easti şi sinferlu ali Românie”, bitiismu alidzearea.
Tră perioada cătu va uaibă prezidenţil’ia a Consiliului Uniunil’ei Europene, România pripune, tru domeniul agriculturăl’ei şi pisciculturăl’ei,d ati evenimente la nivelu ali Uniuni şi dzaţi evenimente interne. Doauă di eali precedară priloarea a prezidenţilei a Consiliului. Pi 19 di brumar s-tănu, Bruxelles, ună acţiune di promovare a produsilor româneşti tru cadrul a unei conferinţe mutrindalui Politica Agricolă Comună post 2020, iara pi 4 di andreu s-tănu ună andamusi pi idyea temă cu gruplu a comisarlor europeni. Fermeili di familie, combaterea a pestăl’ei porcine, ama şi cercetarea tru apicultură suntu subiectili di prota thesi a evenimentelor cari va s-tănă tru România până tru meslu cirişar a aiştui an.
Lansată tru 1962, Politica Agricolă Comună a Uniunil’ei Europene reprezintă un parteneriat anamisa di domeniul ali agricultură şi societate. Prinţipalii obiective ali aistei politit li reprezintă agitorlu ţi s-da a fermierilor, tră hăirlătica a productivitatil’ei, chivernisearea a problemelor di fisişi managementul a resursilor naturali, ama şi adrarea nai locuri di lucru tru domeniile di activitate conexi cu agricultura.
Autor: Monica Chiorpec
Armânipsearea: Taşcu Lala
