România la summitlu european
Prezentu, gioi şi viniri, la Consiliul European di Bruxelles, prezidentul ali Românie, Klaus Iohannis, cundil’e că Bucureştiul va s-cilastaseasca multu di multu tu pazarapserli ti Uniunea Europeană va li aiba cu Londra tru atea ti mutreasti Brexitul, scupolu hiindalui atel tra s-aiba un statut hairlaticu tra români. Aşi cum dimanda tora ayon’ia şi cum napoi cundil’e tru arada a moeabetloru ti li avu tu aestu kiro tru Belgia cu şeflu a statlui român, premierlu britanic Theresa May va s-faca notificarea pi articolu 50 tru prota parti a anlui yinitor, după cari va s-ahurheasca pazarapserli — lugursiti s-tana aproapea doi ani.
Corina Cristea, 21.10.2016, 12:17
Prezentu, gioi şi viniri, la Consiliul European di Bruxelles, prezidentul ali Românie, Klaus Iohannis, cundil’e că Bucureştiul va s-cilastaseasca multu di multu tu pazarapserli ti Uniunea Europeană va li aiba cu Londra tru atea ti mutreasti Brexitul, scupolu hiindalui atel tra s-aiba un statut hairlaticu tra români. Aşi cum dimanda tora ayon’ia şi cum napoi cundil’e tru arada a moeabetloru ti li avu tu aestu kiro tru Belgia cu şeflu a statlui român, premierlu britanic Theresa May va s-faca notificarea pi articolu 50 tru prota parti a anlui yinitor, după cari va s-ahurheasca pazarapserli — lugursiti s-tana aproapea doi ani.
Vrem pazarapseri limbidz, cari s-hiba tanuti cu tin’ie, spuni Klaus Iohannis, si aduti aminti ca mira a românilor dit Marea Britanie, em nainti, em după Brexit, easti tra România una temă di mari simasie: Nu vrem incidenti, nu vrem ca a român’ilor dit Marea Britanie s-lă si baga zori fara thimel’iu. Vidzum mari akicaseari, doamna prim-ministru an’i asiguripsi că va s-minteasca personal tra s-nu aiba ahtari incidente, niti până la Brexit, niti după Brexit, a deapoa, cadealihea va s-hiba acatati tru moeabeti si alti minutisuri tru chirolu a pazarapserloru cari va sa s-tana anamisa di Marea Britanie şi UE 27.”
Criza a migranţalor, ligaturli ali Uniuni Europene cu Rusia şi mintearea a aistei tru conflictul dit Siria, catacum şi parteneriatlu comercial cu Canada suntu temele di amprotusa a Consiliului European. Prezidentul Klaus Iohannis cundil’e că ndrupasti importanţa a unitatil’ei tru Uniunea Europena pi thimel’ilu a printipiilor comune aprukeati. Aesti yilipsescu bagarea tru lucru pan di mardzina a akicaserloru di Minsk, ananghea ti una angajari selectiva cu Rusia, nu masi pi aspecte di politică externă, şi volea tra s-ndrupasca ma multu societatea tivilă dit aestă vasilie.
Tru atea ti mutreasti ligatura cu Fedearaţia Rusă dit videala a catastisil’ei dit Siria, şeflu a statlui român lugurseasti că bombardamentili dit Alep lipseasti s-hiba curmati ntraoara şi s-hiba ndreapti condiţii tra adutearea a agiutoarilor umanitare. Easti ananghi, tutunaoara, tra s-ahurheasca diznau proteslu politic di pazarapseari, cari nu lipseasti s-hiba alaxitu prit una cearei militară. Tru atea ti mutreasti tratatlu di libira alaxeari UE-Canada, România easti rezervată tru ti mutreasti simnarea a documentului tru contextul tru cari aestă vasilie ari nica tru practico vizili tra cetăţen’il’i români. Tratatlu di libira-alaxeari cu Canada lipseasti s-hiba simnat stamana ti yini, a deapoa prezidentul a Consiliului European, Donald Tusk, feati timbihi ma s-agiunga la un eşec, Uniunea numata va s-poata s-vuluseasca ahtari akicaseri tru yinitoru.
Autor: Corina Cristea
Rmanipsearea: Tascu Lala
