România şi catandisea dit Egipt
Egiptul, vâsâlii ţi easti tu prota linii a aşi-dzâsâl’ei Primvearâ arabâ”, treaţi un chiro multu greu, agudit di nai ma sândzâroslu conflictu di cându fudzi di la puteari aţel di ma ninti lider di Cairo, Hosni Mubarak. Raportul aliştei stâmânâ lai easti di suti di morţâ, nai ma mulţâl’ii civili, ca rezultat a alumtâl’ei dintrâ aţei ţi-l andrupăscu pi prezidentul islamistu scos di pi ipotisi, Mohamed Morsi – pi di unâ parti – şi adversarl’ii a lui, ama şi forţili di ordini. Proţl’ii, adunaţ dit arândurli suţatâl’ei Fraţl’ii Musulmani”, îl vor nâpoi la puteari pi prezidentul aleptu democratic, ama scos di pi ipotisi di armatâ şi s-ţân ghini s-ducâ ninti cu protestul a lor pânâ tu soni. Replica a autorităţlor easti unâ multu ghini bâgatâ pi cicioari, icâ exageratâ niscântiori, uidisit cu îndauâ boţ tut mai limpid avdzâti dit spaţiul occidental. Armata, cari acâţă tora putearea dzâsi că va s-tragâ câtâ iţi cari va s-atacâ instituţii ali vâsâlii.
România Internațional, 16.08.2013, 11:48
Egiptul, vâsâlii ţi easti tu prota linii a aşi-dzâsâl’ei Primvearâ arabâ”, treaţi un chiro multu greu, agudit di nai ma sândzâroslu conflictu di cându fudzi di la puteari aţel di ma ninti lider di Cairo, Hosni Mubarak. Raportul aliştei stâmânâ lai easti di suti di morţâ, nai ma mulţâl’ii civili, ca rezultat a alumtâl’ei dintrâ aţei ţi-l andrupăscu pi prezidentul islamistu scos di pi ipotisi, Mohamed Morsi – pi di unâ parti – şi adversarl’ii a lui, ama şi forţili di ordini. Proţl’ii, adunaţ dit arândurli suţatâl’ei Fraţl’ii Musulmani”, îl vor nâpoi la puteari pi prezidentul aleptu democratic, ama scos di pi ipotisi di armatâ şi s-ţân ghini s-ducâ ninti cu protestul a lor pânâ tu soni. Replica a autorităţlor easti unâ multu ghini bâgatâ pi cicioari, icâ exageratâ niscântiori, uidisit cu îndauâ boţ tut mai limpid avdzâti dit spaţiul occidental. Armata, cari acâţă tora putearea dzâsi că va s-tragâ câtâ iţi cari va s-atacâ instituţii ali vâsâlii.
Aspâreatâ di catandisea dit Egipt, suţata, comunitatea internaţionalâ adarâ iara, dipriunâ, apeluri la dânâsearea a virsărlilor di sândzâ. Consililu di Securitati câftă a părţâlor s-bitiseascâ iţi gesturi cari pot s-ducâ la încăceri cari s-adarâ criza ş-ma ahândoasâ. Şi tu Statili Uniti, prezidentul Barack Obama nu apruchie ici zurbâlâchea şi dimândă s-hibâ dânâsitâ diunâoarâ. Caplu di la Casa Albâ câftă a autorităţlor s-tin’iseascâ îndrepturli a omului şi hâbârisi dânâsearea a manevrilor militari americano-egipteani, ţi avea s-ahurheascâ meslu alantu. Uniunea Europeanâ, ama şi stati musulmani amendarâ reacţia a autorităilor la manifestaţiili pro-Morsi, reacţii ţi poati s-hibâ bâgatâ tu cadrul a niscântor coordonati mutrinda unâ reprimari multu vârtoasâ. Idyea cu poziţia ali Uniuni Europeană, diplomaţia românâ dzâsi că mutreaşti cu interesu catandisea dit Egipt şi că îi plândzi pi tuţ aţei ţi chirurâ aclo. Ministerlu di Externi di Bucureşti andrupaşti apelu a Înaltului Reprezentantu ali UE, Catherine Ashton, tu ţi mutreaşti lucurlu că lipseaşti ca tuti părţili ţi suntu implicati s-aratâ că vor s-dânâseascâ alumtărli sândzâroasi şi că vor dealihea arâhati.
Şi Bucureştiul pistipseaşti că easti di mari simasii tin’isearea a îndrepturilor di timel’iu a omlui şi a libirtatâl’ei cetăţeneascâ şi da curagiu ti moaubetea ţi lipseaşti tu ahurhearea disnău a procesului politic di tranziţii democraticâ. Pi di altâ parti, cu tuti că ştii tuti piriculili mutrinda criza, agiunsâ şi ea di zurbâlâchi, ţi poati s-hibâ ti cetăţen’ii român’i aflaţ tu Egipt, Ministerlu di Externi lâ caftâ aluştor s-afireascâ di zonili iu şi-au sediul protili instituţii guvernamentali şi partidi iu suntu protesti. Cetăţen’ii român’i ţi sunt tu aestâ vâsâlii suntu pâlcârsiţ s-adreseadzâ a Ambasadâl’ei ali Românii tu Egipt şi s-aspunâ candu yin tu reghiuni şi coordonatili a lor ta s-poatâ s-hibâ aflaţ tu catandisi di urgenţâ.
