România şi fondurli europeni
România ari una oportunitate istorică tra s-hiba mintita cu lucarlu tru tru proceslu di relansari ali Uniuni Europeana, zn’iipsită di Brexit şi di ascensiunea a minărlor naţionalisti — declara, la Radio România, comisarlu tra politică regională Corina Creţu. Ea candaseaşte autorităţli s-cilastaseasca atea turlie ca România s-hibă implicată semnificativ tru proceslu di reformă lansat tora ayon’ia di preşedittele ali Comisie Europene, Jean-Claudi Junker, unaoara cu prezentarea a atilor tinti scenarii tra yinitorlu ali Uniunii. Di altă parte, Corina Creţu feati timbihi diznau tra simasia ti u ari amintarea şi ufilisearea a fondurlor europene. Ia ti spusi Corina Creţu: Voi să spun că, ngeneral, România, după adeararea la UE, avu la dispoziţie miliardi di euro şi sigura că noi vrem s-li fatem cama cu hairi lucarli şi di multi ori minduim să zburam masi ti niagiundzeri, ama cu tuti aesti, s-adrara cama di 8.000 di locuri di lucru, avum tru exerciţiul financiar di ma nainti sute di şcoli, unităţ spitaliceşti zn’iipsiti, spitale. Nai cama slablu capitol easti atel a transporturlor, tra atea că suntu masi 124 di kilometri di autostradă adraţ cu fonduri europene, ama ari si 900 di cal’iuri naţionale. Tru aestu exerciţiu financiar avem cama di 23 di miliun’i di euro dit Fondul European di Dizvoltari Regională, fonduri di coeziune, tra sa-l’i ufilisim tru domenii strategice, tra modernizarea a societatil’ei: tru transporturi, IMM, competitivitate, cercetari, infrastructura di gestionari a cupriilor.
Daniela Budu, 07.03.2017, 18:29
România ari una oportunitate istorică tra s-hiba mintita cu lucarlu tru tru proceslu di relansari ali Uniuni Europeana, zn’iipsită di Brexit şi di ascensiunea a minărlor naţionalisti — declara, la Radio România, comisarlu tra politică regională Corina Creţu. Ea candaseaşte autorităţli s-cilastaseasca atea turlie ca România s-hibă implicată semnificativ tru proceslu di reformă lansat tora ayon’ia di preşedittele ali Comisie Europene, Jean-Claudi Junker, unaoara cu prezentarea a atilor tinti scenarii tra yinitorlu ali Uniunii. Di altă parte, Corina Creţu feati timbihi diznau tra simasia ti u ari amintarea şi ufilisearea a fondurlor europene. Ia ti spusi Corina Creţu: Voi să spun că, ngeneral, România, după adeararea la UE, avu la dispoziţie miliardi di euro şi sigura că noi vrem s-li fatem cama cu hairi lucarli şi di multi ori minduim să zburam masi ti niagiundzeri, ama cu tuti aesti, s-adrara cama di 8.000 di locuri di lucru, avum tru exerciţiul financiar di ma nainti sute di şcoli, unităţ spitaliceşti zn’iipsiti, spitale. Nai cama slablu capitol easti atel a transporturlor, tra atea că suntu masi 124 di kilometri di autostradă adraţ cu fonduri europene, ama ari si 900 di cal’iuri naţionale. Tru aestu exerciţiu financiar avem cama di 23 di miliun’i di euro dit Fondul European di Dizvoltari Regională, fonduri di coeziune, tra sa-l’i ufilisim tru domenii strategice, tra modernizarea a societatil’ei: tru transporturi, IMM, competitivitate, cercetari, infrastructura di gestionari a cupriilor.
Oficialu adusi aminti şi di ateali trei spitale regionale cari va s-hiba adrati dit fonduri europene Cluj (nord-vest), Iaşi (nord-est) şi Craiova (sud). Fura apufusiti pan tu aestu kiro si amplasamentele, iara Banca Europeană di Investiţii va s-ndreaga tru perioada yinitoari studiile di fezabilitate. Corina Creţu: nadia a mea easti ca nai cama amanat tru ahurhita a anlui 2018 la ateali trei spitale regionale s-ahurheasca construcţia efectivă atea turlie tra s-poata s-hiba hargiuiţ paradzl’I până tru anlu 2020. Ahtari proiecti di infrastructură nu pot s-hiba adrati pisti noapti. Dimec avem ananghi di nai puţan ndoi an’i tra s-adram aesti spitale.
Uidistu cu spusa ali Corina Creţu, pi ninga paradzl’I tra adrarea a atilor trei spitale regionale, ari fonduri europene nica si tra modernizarea a nica 280 di unităţ spitaliceşti dit România. Ea feati un nau apel cătra autorităţli române s-aminta fonduri comunitari, maxus tora cându statele cu economii vartoasi pledează tra una n’icsurari a agiutorlui oferit tra vasiliili ma puţan dizvoltate. România chiru, tru perioda 2007 – 2013, dauă miliardi di euro di la UE, aca exerciţiul bugetar fu prilundzitu cu ma multu di trei an’i şi va sa s-bitiseasca meslu aestu. Comisarlu european spusi ama că s-apraftasi ascaparea cama di un miliardu di euro prit proiecte retrospective, iara multi proiecte cu amanari mari fura ascapati prit procedura di fazari, hiindalui tru plan tra s-hiba bitisiti cu fondurli alocati tra perioada 2013 – 2020.
Autor: Daniela Budu
Armanipsearea: Tascu Lala
