România şi NATO
Membră a Alianţal’ei Nord-Atlantica dit 2004, România l’ia apofasi ti au scupolu tra sa-l’i si anvartuseadza aest statut, una di aesta hiindalui dimandat tamam tru andamusea a Consiliului Suprem di Apărare a vasiliil’ei tanuta marţa. Easti zborlu ti alaxearea a Brigadal’ei a 2-a Infanterie Rovine, cu scamnul Craiova, tru sudlu al României, tru Brigadă Multinaţională NATO. Apofasea fati parte dit planlu di meatri cari lipseasti s-hiba bagati tru lucru dupu summitlu a Alianţal’ei disvartitu veara aesta Varşovia. Pi ninga România, la thimil’iusearea a Brigadăl’ei Multinaţionala ş-dimandara, până tora, participarea, Vargaria şi Polonia, alti posibile participante pot s-hiba apufusiti dupu discuţiili pi cari ministrul român ali Apărari, Mihnea Motoc, va li aiba cu vasiliili aliate, dimanda prezidentul Klaus Iohannis : “Va s-fatem aesta habari atumtea cându va sa ştim sigura cari şi cu ti efective l’ia parti, cum va s-hibă aestă Brigadă Multinaţională, ti furn’ia ca aesta tani şi di cum u mindueasti NATO aestă Brigadă Multinaţională. Noi minduim ca tu kirolu a anlui 2017 va s-him tru catastisea tru cari sa spunem axizearea iniţială a aistei brigadă, dimec să ştim cari l’ia parti, cu ti efective l’ia parti şi deapoa s-nkiseasca organizarea. Tru varianta nai cama mplina di nadii, tru 2018 aestă brigadă va s-hiba tru lucru.”
Corina Cristea, 28.09.2016, 13:33
Membră a Alianţal’ei Nord-Atlantica dit 2004, România l’ia apofasi ti au scupolu tra sa-l’i si anvartuseadza aest statut, una di aesta hiindalui dimandat tamam tru andamusea a Consiliului Suprem di Apărare a vasiliil’ei tanuta marţa. Easti zborlu ti alaxearea a Brigadal’ei a 2-a Infanterie Rovine, cu scamnul Craiova, tru sudlu al României, tru Brigadă Multinaţională NATO. Apofasea fati parte dit planlu di meatri cari lipseasti s-hiba bagati tru lucru dupu summitlu a Alianţal’ei disvartitu veara aesta Varşovia. Pi ninga România, la thimil’iusearea a Brigadăl’ei Multinaţionala ş-dimandara, până tora, participarea, Vargaria şi Polonia, alti posibile participante pot s-hiba apufusiti dupu discuţiili pi cari ministrul român ali Apărari, Mihnea Motoc, va li aiba cu vasiliili aliate, dimanda prezidentul Klaus Iohannis : “Va s-fatem aesta habari atumtea cându va sa ştim sigura cari şi cu ti efective l’ia parti, cum va s-hibă aestă Brigadă Multinaţională, ti furn’ia ca aesta tani şi di cum u mindueasti NATO aestă Brigadă Multinaţională. Noi minduim ca tu kirolu a anlui 2017 va s-him tru catastisea tru cari sa spunem axizearea iniţială a aistei brigadă, dimec să ştim cari l’ia parti, cu ti efective l’ia parti şi deapoa s-nkiseasca organizarea. Tru varianta nai cama mplina di nadii, tru 2018 aestă brigadă va s-hiba tru lucru.”
Caplu a statlui zbura si tra catastisea ali industrie di apărare şi lugursi că easti ananghi di reorganizarea a companiil’ei Romarm şi di una simfunizari anamisa di producţia a aistei şi ananghea di armatuseari ali armata româna. Tu aestu kiro, protili şase aparate F16 dit dotarea a Forţelor Aeriene Române va s-hiba aradapsiti la baza aerienă di Feteşti (sud), a curi infrastructură fu acutotalui modernizată tru aeesta noima. Bucureştiul apufusi aoa si trei ani s-ancupăra dit Portugalia 12 ahtari aparate di azboiur, scupolu di bitisita hiindalui atel tra s-ancupara, tut cu tut, 36 di aparate F16.
Aesti tricura prit un proces di modernizare, numasit tru termeni tehnit Mid-Life Upgradi, şi va s-poata s-lucreadza tru idyili condiţii cu tuti alanti avioane multirol ti li au statele membre NATO. Chiro di doi ani, specialiştil’i portughezi antrenara nauă piloţ şi 80 di tehnicieni români cari va s-lucreadza tra exploatarea a aistor aparate. Escadrila di avioani F16 va s-hiba completată tru dauă faze – trei avioani va s-hiba vinduti până tru bitisita a anlui şi nica trei tru 2017. România apufusi nica dit 2008 că lipseasti sa u znueasca flota aeriană, tra s-andrupasca avioanele MiG 21 Lancer, a curi resursă di azboiur ahurhi sa s-bitiseasca tru 2013. Ministrul di resortu dimanda că ndreadzi tru aestu an protedurli tra s-ancupara nica 12 di avioane di alumtă F-16, ancupararea hiindalui tra sa s-faca tru 2017.
Autor: Corina Cristea
Armanipsearea: Tascu Lala
