Român’il’i şi vizili tra Canada
România şi Vargaria suntuu goalili stati membri ali Uniuni Europene a curi cetăţeni au ananghi di vizi tra s-urdina tru Canada. Numirlu a vasiliilor a curi SUA la cafta, tru arada a lor, tin’isearea a unal’ei ahtari caftari – relativ ndilicata – easti şi ma mari: tinti. Anamisa di eali, easti, diznau, şi România. Cara american’il’i spun că, naima putan ninti di alidzerli prezidenţiale, iti moeabeti mutrindalui una eventuală liberalizari a regimlui di vize tra români easti practic imposibilă, al’iumtrea cu canadien’il’i pazarapserli suntu tu arada tra dizvarteari.
Roxana Vasile, 08.07.2016, 13:07
România şi Vargaria suntuu goalili stati membri ali Uniuni Europene a curi cetăţeni au ananghi di vizi tra s-urdina tru Canada. Numirlu a vasiliilor a curi SUA la cafta, tru arada a lor, tin’isearea a unal’ei ahtari caftari – relativ ndilicata – easti şi ma mari: tinti. Anamisa di eali, easti, diznau, şi România. Cara american’il’i spun că, naima putan ninti di alidzerli prezidenţiale, iti moeabeti mutrindalui una eventuală liberalizari a regimlui di vize tra români easti practic imposibilă, al’iumtrea cu canadien’il’i pazarapserli suntu tu arada tra dizvarteari.
Boatea easti cabaia serta ! U‚ muta boatea’ premierlu Dacian Cioloş cari, di alta parti, tru zboara cabaia diplomatiti, deadi asiguripseri că ari progresi tru aestu dosar. Di alta parti, cundil’e că, maca Ottawa nu ari una apofasi la nivel politic, România, ca membră a Uniunil’ei Europene, poati, idyealui cum Vargaria, s-nu ratifica acordul comercial Uniunea Europeană-Canada a curi simnari, pruvidzuta tru sumedru, tani di ratificaria prealabilă a Parlamentilor naţionale. După una vizită, tu meslu cirisar, tru Canada, Dacian Cioloş cundil’e:
Moeabetea ti u avui cu primul ministru Trudeau fu una, lugursescu, multu bună. Cara nainti tra s-nchisescu aclo, nasu lugursea că Acordul di Libira Alaxeari (CETA) cu Canada nu ari niti una ligătură cu vizili, după aestă moeabeti, akicasiiu că lipseasti s-acata tru isapi aestu subiect la nivel politic şi că lipseasti s-ndreaga una apofasi. Escu candasitu că va s-videm limbidzari ligati di minduita ali Canada cât cama ayon’ia, căte alta turlie, cadealihea, şi noi avem nascanti halat ca stat membru ali Uniunii Europene, pi cari s-hiba limbida va li ufilisim. Eu nu pot s-minduescu ca România va s-vuluseasca un tratat cu Canada, fără ca cetăţean’il’i români s-poată sa s-harseasca pe ciicior isa cu alanţa cetăţeni europeni di aestu acord.
Tu ahurhita a stămânal’ei yinitoari, şeflu Cancelarie primlui ministru, Dragoş Tudorache, va s-aiba discuţii, Bruxelles, pi tema a vizilor:
Easti una a daua andamusi ufitiala Bruxelles, luni, pi 11, tru cari him calisiţ România, Vargaria, di cătra Comisie, şi va sa s-duca şi ministurlu ali migraţie John McCallum, di partea ali Canada. Va s-l’iau parti la aestă andamusi, va s-am una andamusi bilatearală cu ministurlu McCallum şi deapoa una andamusi tripartită, tru cari va s-l’ia parti şi Comisia şi Vargaria, şi va s-videm catastisea a moeabetlor şi a angajamentului pi cari premierlu Trudeau u acata tru isapi tru moeabetea cu premierlu Cioloş.
Comisia Europeană u asigurispi Vargaria şi România că fati gaeret tra s-aminta eliminarea a vizilor, spunandalui, ama, că ateali dauă nu lipseasti s-leaga aesta niakicaseari di acordul comercial cu Canada, pi cari Bruxelles-ul îlu lugurseati ti buna şi va sa-lu veada vulusitu tru sumedru. Partea română easti cu nadii, ama nu va să-si spuna minduita tra una posibila soluţii, până nu va s-hiba bitisiti moeabetli.
Armanipsearea: Tascu Lala
