Şcolliurli, anamisa di online şi prezenţă fizică
Comitetlu Naţional tră Catandisi di Urgenţă ditu România alăxi criteriile epidimiologhiţi după cari va s’lucreadză nvățământul preuniversitar. Pi thimellilu a unui ordinu comun a Ministerului Educaţiei şi Ministerului Sănătatillei va s’acaţă tu isapi di aoa şi nclo rata di ocupare la nivel giudeţean a apaturlor di spital destinate ti mutrearea a pacienţilor cu COVID-19. Ase, cursurile va s’disvărtească cu prezenţă fizică la nivelu tutulor unităţilor di nvăţământu preuniversitar ică conexe situate tru giudeţele tru cari aestu indicator easti di nai multu 75%. Pisti aist nivel, cursurli va s’tănă tru regim online. Riloarea aluştoru tru clase s’faţi maş după ţi rata di ocupare a apaturilor tră pacienții Covid scadi sumu 70% la nivel giudeţean. Tru aestu scăpo, s’apufuseaşti că direcţiili giudeţeane di sănătate publică şi a Municipiului Bucureşti au obligația di publicari pi site-ul a loru işiş a ratăllei di ocupare a apaturilor tru cafi stămână, avânda ca dzuă di referinţă dzuua di gioi, pi thimellilu a datilor existente tru platforma Alerte MS.
Eugen Coroianu, 14.01.2022, 19:59
Comitetlu Naţional tră Catandisi di Urgenţă ditu România alăxi criteriile epidimiologhiţi după cari va s’lucreadză nvățământul preuniversitar. Pi thimellilu a unui ordinu comun a Ministerului Educaţiei şi Ministerului Sănătatillei va s’acaţă tu isapi di aoa şi nclo rata di ocupare la nivel giudeţean a apaturlor di spital destinate ti mutrearea a pacienţilor cu COVID-19. Ase, cursurile va s’disvărtească cu prezenţă fizică la nivelu tutulor unităţilor di nvăţământu preuniversitar ică conexe situate tru giudeţele tru cari aestu indicator easti di nai multu 75%. Pisti aist nivel, cursurli va s’tănă tru regim online. Riloarea aluştoru tru clase s’faţi maş după ţi rata di ocupare a apaturilor tră pacienții Covid scadi sumu 70% la nivel giudeţean. Tru aestu scăpo, s’apufuseaşti că direcţiili giudeţeane di sănătate publică şi a Municipiului Bucureşti au obligația di publicari pi site-ul a loru işiş a ratăllei di ocupare a apaturilor tru cafi stămână, avânda ca dzuă di referinţă dzuua di gioi, pi thimellilu a datilor existente tru platforma Alerte MS.
La nivelu a capitalăllei şi a giudeţlui Ilfov va s’publica rată cumulată di ocupare a apaturlor tră dauli unităţ administrativ-teritoriale. Pe di altă parte, cursurli cu prezenţă fizică va s’hibă dănăsiti ti unu kiro di 10 dzăli la apariţia a 3 cazuri confirmate di lăndzidzări cu virusul SARS-CoV-2 tru ună parei di nviţământu antepreşcolar ică preşcolar, ică clasă di nviţământu primar, gimnazial, liceal, profesional şi postliceal. Anlu aestu preșcolarii și elevllii nu au pauză anamisa di semestrul unu și doi, aţelu ditu soni ahurhinda luni 17 di yinaru. Yinitoarea vacanţă — atea di primveară – va s’hibă di viniri 15 di apriiur până dumănică 1 mai. Di altă parte, gioi, București s’feaţiră protesti a sindicaliştilor ditu educaţie, cari cutugursescu că guvernul nu criscu veniturli ditu sistem uidisitu cu nomlu a tiñiilei di cafi mesu ditu 2017. Elli spun că majorarea di maş 4% aplicată ditu ahurhita a anlui adusi ună catandisi di niifharistuseari generală tru arada a alucrătorloru ditu nviţământ și fuvirescu cu greve. Profesorllii s’plângu şi di aţea că suntu singurllii lucrători bugetari cari nu au sporuri tră condiţiile di lucru. Niifharistusiţ suntu şi elevllii și părinț4llii aluştoru, după ţi săptămâna tricută Ministerul Educației alină praglu a mediillei tră dari bursili di merit, di la 8,50 la 9,50. Organizații a elevilor spunu că suti ñilli ditu arada aluştoru cheru aestu stimulent financiar și nkisiră lenu turlii di acțiuni di protest. Ministrul di resort, Sorin Câmpeanu, cundille că tutu cu tut 660.000 di elevi va s’hărsească anlu aestu di ma multe turlii di bursi.
Autor: Eugen Coroianu
Armânipsearia: Taşcu Lala
