Sesiuni parlamentară extraordinară tra Codlu fiscal
Parlamentul ali Românie va s-hiba convocat tru sesiune extraordinară tru perioada 24 – 26 august, tra sa zburasca caftarea di reexaminare a noului Cod Fiscal, formulată di prezidentul Klaus Iohannis. Pi 17 alunar, şeflu a statlui nu apruke noulu cod şi lu pitricu diznau a Legislativlui ti furn’ia că bagarea tu lucru a aistui poati s-aduca greali dezechilibre economiti. Prezidentul interimar a PSD, Liviu Dragnea, declara că, aca până tora nu ari furn’ii tra alaxearea a Codlui Fiscal, îlu gailipseasti spusili fapti tora ayon’ia di guvernatorlu a BNR, Mugur Isărescu.
România Internațional, 28.07.2015, 14:11
Parlamentul ali Românie va s-hiba convocat tru sesiune extraordinară tru perioada 24 – 26 august, tra sa zburasca caftarea di reexaminare a noului Cod Fiscal, formulată di prezidentul Klaus Iohannis. Pi 17 alunar, şeflu a statlui nu apruke noulu cod şi lu pitricu diznau a Legislativlui ti furn’ia că bagarea tu lucru a aistui poati s-aduca greali dezechilibre economiti. Prezidentul interimar a PSD, Liviu Dragnea, declara că, aca până tora nu ari furn’ii tra alaxearea a Codlui Fiscal, îlu gailipseasti spusili fapti tora ayon’ia di guvernatorlu a BNR, Mugur Isărescu.
Di aesta furn’ie, spusi Dragnea, până la sesiunea extraordinară a Legislativlui, Ministerlu a Finanţelor va s-faca una nauă analiză ti impactul bugetar a n’icsurarlor di taxe, cari lipseasti s-candaseasca em Preşedentil’ea, em Banca Centrală că misurli deirelaxare fiscală suntu sustenabile.
Ia ti spusi Liviu Dragnea: Ministerlu di Finanţe va s-dara diznau unaanaliză, cata cum şi una prognoză ti yinitorl’ii doi-trei ani, dit cari s-iasă ti videala vahi multu ma ghini sustenabilitatea şi thimil’iusearea a meatrilor acatati tru isapea a Codlui Fiscal, cari ari una andrupri multu largurie, em tru arada a bantorlor, em şi tru arada a mediului di afaceri”.
Opoziţia liberală u spuni vrearea, ama ti una dezbateri tehnică tra Cod ninti di dezbaterea dit Parlamentu. Coprezidentul a partidlui, Alina Gorghiu, spusi că libearalii va s-voteadza un Cod tru una formă cari s-ndrupasca misurli di relaxare fiscală.
Ia ti spusi Alina Gorghiu:” Nu s-baga problema s-votăm contra a aistui Cod Fiscal, niti barim una secundă. Aestă pripuniri di dezbatere, includi nica si dezbaterea tehnică pi Codlu Fiscal. Şi ma s-apraftasim s-agiundzem pi nascanti concluzii până tru insita a meslui augustu şi tifrili va s-liba cu limbidzami şi va s-andrupasca pacheta di relaxare fiscală, indiferentu di forma tru cari va s-iasa dit dezbatere, cadealihea că va lu ndrupam”.
Una dit misurile nai cama disputate easti reducerea una s-una a TVA, di la 24% la 19 la sută, ahurhindalui dit 2016. Mugur Isărescu feati timbihi că principalile misuri di relaxare fiscală – reducerli de TVA şi di contribuţii sociali vizati tra 2016, eliminarea ica diminuarea a nascantor taxe cari aduc paradz cabaia la buget – suntu dit videala economica şi financiara, ti nibagari tru lucru, di furn’ia a impactuluiti poati s-li aiba ti Produslu Internu Brut.
Isărescu spuni că aestu va s-hiba di 2,3% dit PIB cara naulu Cod Fiscal va s-hiba aprobat tru forma actuală. Tru minduita a şeflui a Băncal’ei Centrala, misurli di relaxare fiscală lipseasti s-hiba bagati tu lucru cu preayalea, tra s-nu baga tru piricl’iu evoluţia economică şi financiară ali Românie.
Textul: Andreea Bojoi
Armanipserea: Tascu Lala
