Spitalu Giudețeanu Suceava, militarizatu
Spitalul Giudețeanu Suceava (nordu) agiumsi divenit unu di locârli pi greauâ catandisi a Româniillei, dupâ ți criscurâ lâhtârosu cazurli di infectari cu Covid-19, em tu arada-a paciențâloru, em tu a cadriloru medicali. Ti furñia câ fu slab kivirnisitu, spitalu, tru cari s’bâgarâ pâradz tu lucru dimi dzăț di miliuñi di evradz, fu un di protili ditu vâsilie ți fu aguditu pandemia di coronavirus, a deapoa ispea spuni că dzăț di oamiñi ș’kirurâ aclo, dupu infectarea cu n`ulu coronavirus. Di altâ parti, managerlu interimar ți fu bâgatu pi ipotisi aoa și unâ stâmânâ ș’deadi demisia, a deapoa autoritățli apufusirâ câ unitatea medicală s’hibâ militarizată, tra ș-ahurheascâ huzmetea câtu cama ntrâoarâ.
Leyla Cheamil, 04.04.2020, 09:58
Spitalul Giudețeanu Suceava (nordu) agiumsi divenit unu di locârli pi greauâ catandisi a Româniillei, dupâ ți criscurâ lâhtârosu cazurli di infectari cu Covid-19, em tu arada-a paciențâloru, em tu a cadriloru medicali. Ti furñia câ fu slab kivirnisitu, spitalu, tru cari s’bâgarâ pâradz tu lucru dimi dzăț di miliuñi di evradz, fu un di protili ditu vâsilie ți fu aguditu pandemia di coronavirus, a deapoa ispea spuni că dzăț di oamiñi ș’kirurâ aclo, dupu infectarea cu n`ulu coronavirus. Di altâ parti, managerlu interimar ți fu bâgatu pi ipotisi aoa și unâ stâmânâ ș’deadi demisia, a deapoa autoritățli apufusirâ câ unitatea medicală s’hibâ militarizată, tra ș-ahurheascâ huzmetea câtu cama ntrâoarâ.
Yeaturlu militar colonelu Daniel Ionuţ Dirioiu cari prilo, ufițialu, cumândusearea-a spitalui spusi:
“Va s’facâ diznâu unâ aradâ di lucru ti tuț oamiñilli ți lucreadză tru Spitalul Giudețeanu Suceava, tra s’veadâ pi ți halâ easti. Tru aestâ oarâ, niți unâ sectie nu ştie câţ suntu lândzidz, câţ suntu tru izolare la domiciliu i câţ nu suntu prezenţâ. Akicâsimu, ari unâ frică, ari unâ catastisi di niisihie/ unâ fobie, ama lipseaști să ştim cu cari lucrăm. Va s’yinâ, tru unâ protâ parti di kiro, personalu di Iaşi, trâ patru-ținți dzâli va s’yinâ şefa-a Clinicâllei di ATI(anestezie terpaie intensivâ), cari va s’bagâ thimeallili ti lucârlu cu aneastizia şi tearapia intensivâ tru spitalul giudețeanu, va s’yinâ un nâu yeatru epidemiolog”.
Ari condiţii câ personalu medical s’lucreadzâ tru sigurlâki şi nâpoi s’aibâ hâști și pistusini tu nâși, deadi asiguripseri caplu a cratlui, Klaus Iohannis, după ți la ma multi spitali, kiola și la ațel ditu Suceava, furâ pitricuti hâlăț/ echipamente di protecție și yitrii spețifiți. El feați cllimari a yeațârloru cari avea hâbârisitâ că vor ta ș-da demisia, s’toarnâ la lucru:
“Yitrii ari, material di protecţie ari, proțeduri ari. Maxus grescu un zboru ti yeațârlli personal medical dit Spitalul Suceava. Turnaț-vâ, vă plâcârsescu, la lucru, priloaț lândzidzlli, tiñisiț proțedurli. Pi voi bâgâm besâ”. Tra cadrili medicale cari suntu tu ligâturâ/ contactu cu pacienţâlli COVID-19 ari unâcatastisi di stress babageanu, cundille Klaus Iohannis, cari câftă a Executivlui s’aflâ ntrâoarâ fonduri europene, ahtari turlie câ aeșțâ s-hibâ pâltiț cathi mesu cu un bonus di 500 di evradz. Di furñia a numirlui mari di morțâ și infectări cu Covid-19, câsâbălu Suceava și optu hori di anvârliga ingrarâ tu carantină, ditu ahurhita-a stămânâllei, prit ordonanță militară. Suceava ari nai ma marea fucurinâ, a deapoa kirolu ta s’tindâ aestâ pandemii nu s’bitisi, feați tmbihi ministurlu a sănătatillei, Nelu Tătaru, cari cundille, că acâ s’loarâ serti apofasi, vidzu mulţâ oamiñi pi geadei, cu tuti restricţiili bâgati. Tia ațea, după ți loarâ meatri ti militarizarea-a cumândusearillei tu spitalu tra sâ-lu-bagâ diznâu pi lucru, autorităţlli nâpoi grirâ ali Askeri trâ dezinfecție tu municipiu și anvârliga di elu, a deapoa unâ parei di specialişti militari fu numâsitâ tra s’ahurhescâ, di vineri, unâ huizmeti di dizinfecţie tru zonă.
Angrâpsearea: Leyla Cheamil
Armânipsearea: Tașcu Lala
