Tru Ripublica Elenă – Ciuflicarlli mutã caplu

Ministerul Afacerloru Externi (MAE) da hãbari ti cetățeañilli români cari suntu, trecu, şi cã au naeti s’urdinã tru Republica Elenă, tru aestã vahti, ari cãbilea s’llia silã minãrli cu mutarea capu a Ciuflicarloru eleñi.

Tașcu Lala, 10.01.2026, 08:07

Ministerul Afacerilor Externe (MAE) da hãbari ti cetățeañilli români cari suntu, trecu, şi cã au naeti s’urdinã tru Republica Elenă, tru aestã vahti, ari cãbilea s’llia silã minãrli cu mutarea capu a Ciuflicarloru eleñi.

Ari cãbilea cãva s’minteascã dipu multu urdinarea pi cãlliuri (rutierã), şi cu ambudyiusearea şi ncllidearea a niscãntoru cãlliuri naționale, autostrădz, tuneluri și cãlliuri secundar, ama și cãlliuri anvãrligati (rutile) cari asiguripsescu urdinarea cãtã locãrli ti triţearea-a sinurloru.

Tutunãoarã, ari cãbilea cã urdinarea pi autostrada Atena-Sãrunã s’hibã ambudyiusitã pi duţeari şi turnari, dimi pi dauli sensuri, trã unã vahti di kiro variabilã, ahurhinda cu 8 di Yinaru 2026.

Tutnãoarã, s’luyurseaşti şi s’aşteaptã, cã va s’hibã dãnãsitu lucãrlu tu locãrli di triţeari a sinurloru, nai cama multu, tu amprotusa cãtã Promachonas, Exochi, Niki și Evzoni.

MAE cãndãseaşri cetățeañilli români s’tiñiseascã urminiili a autoritățloru locali și s’ufiliseascã cãlliurli alternativi spusi di aestea, ama şi s’nu treacã pritu locãrli iu eara dimãndati ascumbuserlir a ciuflikearloru.

Cetățeañilli români potu s’caftã asistență consulară la numirli di tilefunu di la Ambasada ali României tu Atena: +302106728875; +302106728879 și Consulatului General al României di la Salonic: +302310340088, cãftãrli/ apelurli hiinda pitricuti cãtã Tsentrulu di Ligãturã şi Suportu a Cetățeañiloru ali Românie ditu Xinãtati (CCSCRS) și priloati di operatorlli Call Tsenteru tru reghim di permanență.

Tutunãoarã, cetățeañilli români cari suntu tu vãrã catastisi greauã, cu haractiru di ananghi, potu s’ufiliseascã tilifoanili di ananghi di la Ambasada ali Românie tru Atena: +306978996222 și a Consulatlui Gheneralu ali Românie di Sãrunã: +306946049076.

MAE urminipseaşti s’hibã mutriti frãndzãli di Internetu https://www.mae.ro, https://atena.mae.ro, https://salonic.mae.ro, https://www.astynomia.gr şi nãpoi aduţi aminti că cetăţeañilli români cari urdinã tru xeani potu s’ufiliseascã aplicaţia „Urdiñi hãbãrisitu” (https://play.google.com/store/apps/ditails?id=com.mae.alerte&hl=ro, https://apps.apple.com/ro/app/c%C4%83l%C4%83tore%C8%99te-informat/id6452016795), cari da hãbãri şi urminii di urdinari.
atentionare, urdinari tu Gãrţie, mutarea caplu a ciuflicarloru, romãñi

Autoru: Eugen Cojocariu
Armãnipsearea: Taşcu Lala