Un nau ministru di Interne (08.09.2016)
Di n’iercuri, ministurlu di Interne tru Guvernul tehnocrat di Bucureşti easti Dragoş Tudorache. El yini pi ipotisi tru loclu al Petre Tobă, cari s-deadi demisia, suspectat hiindalui di favorizarea a nascantor funcţionari dit subordinea a lui, stipsit tra deturnari de fonduri. Aca, iniţial, s-avea minduita la un interimat la Interni, premierlu Dacian Cioloş s-turna la ideii, di alu numasi pi ipotisi pi şeflu a Cancelariil’ei a lui. Tut el exighisi şi furn’iili: “Easti un minister importantu, cari ari borgi importanti tru perioada yinitoari, nica si tra organizarea a alidzerlor şi asiguripsearea ali arada si isihie publica, şi minduescu că un interimat va s-prilundzeasca una catastisi di incertitudite cari nu easti ici hairlatica şi ti bună.”
Roxana Vasile, 08.09.2016, 13:32
Di n’iercuri, ministurlu di Interne tru Guvernul tehnocrat di Bucureşti easti Dragoş Tudorache. El yini pi ipotisi tru loclu al Petre Tobă, cari s-deadi demisia, suspectat hiindalui di favorizarea a nascantor funcţionari dit subordinea a lui, stipsit tra deturnari de fonduri. Aca, iniţial, s-avea minduita la un interimat la Interni, premierlu Dacian Cioloş s-turna la ideii, di alu numasi pi ipotisi pi şeflu a Cancelariil’ei a lui. Tut el exighisi şi furn’iili: “Easti un minister importantu, cari ari borgi importanti tru perioada yinitoari, nica si tra organizarea a alidzerlor şi asiguripsearea ali arada si isihie publica, şi minduescu că un interimat va s-prilundzeasca una catastisi di incertitudite cari nu easti ici hairlatica şi ti bună.”
Tru ti mutreasti infracţionalitatea, naulu ministru di Interne pari că poate s-hiba isihu: tru România ari nai cama scădzută rată dit an’l’I dit soni. Tru ligatura cu fenomenlu ali migraţie, Dragoş Tudorache cundil’eadză că Bucureştiul qri naeti sa zburasca cu Belgradlu tra s-ndreaga patruli comune la sinurlu româno-sârbu. Ia ti spusi Dragoş Tudorache: “Tru staman’il’I dit soni, s-featira ndaua incidente tru cari parei di imigranţa paranom testara sinurlu ali Românie dit Ascapitata. Apandisea a ministerlui vini una s-una şi ma largu va s-hiba idyea. Avem naeti să zburam cu partea sârbă şi să ndridzem patrule comune tra s-asiguripsim integritatea totală a sinurlui dit ascapitata. Nu putem s-nu acatam tru isapi ca va s-aiba si alti nai cal’iuri, andicra di evoluţia a catastisil’ei dit Turchie ica dit Gartie, şi ti atea pregătirea ti lipseasti sa u fatem pi nivelu a Poliţiil’ei di Sinur lipseasti s-hiba maximă.”
Ti naulu ministru di Interne, prioritatea a lucarloru di amprotusa easti, ama, buna organizare a alidzerlor parlamentari — una alithea cheatra di ascumbuseari tra cafi scrutin tru aesta 20 dit soni. Easti şi furn’ia tra cari, tru perspectiva a scrutinlui dit 11 di andreu, prezidentul Klaus Iohannis cundil’e: “Easti di mari simasie tra România, easti di mari simasie tra anvartusearea ali democraţiei tru România şi easti cabaia importantu tra s-da credibilitate ti proceslu electoral dit România ca aesti alidzeri să s-dizvarteasca tru perfectă arada, tru una havaie de siguranţă şi s-avem asiguripsearea că rezultatlu nu easti ambudyiusit ici iuva.”
Ministurlu di Interne dimanda, că va s-discl’ida una structură di cumandu la nivelu a ministerlui, cari va s-lucreadza ti buna dizvarteari a procesului electoral, ama va s-arman s-ma largu neutra şi echidistanta. Ia ti spusi Dragoş Tudorache: “Tru yinitorl’I trei mesi easti di masi simasie s-asiguripsim una pregătire a procesului electoral fără sincopi. Ministerlu di Interne lipseasti s-agiuta, s-ndrupasca tuti acţiunile, tuti activităţile ti va s-hiba dizvartiti di aoa si nclo şi până tru andreu.” Tru un zbor, aca mandatlu al Dragoş Tudorache va s-hiba relativ scurtu, aestu nu va s-hiba aplo s-hiba si masi ti atea ca di la naulu ministru s-aşteaptă organizarea a nascantor alidzeri ca la carti.
Autor: Roxana Vasile
Armanipsearea: Tascu Lala
