Simnarea a protilor contracti pritu PNRR
Guvernul dimandă că fură simnati primili contracti finanţate pritu Planul Naţional di Redresare şi Rezilienţă
Mihai Pelin, 08.06.2022, 13:59
București fură simnate protili şapte contracte finanţate pritu Planul Naţional di Redresare şi Rezilienţă vulusiti anamisa di autorităţi locale şi Ministerul Dizvoltării. Aestea mutrescu reabilitarea şi modirnizarea a născăntoru sculii şi primării şi creaştirea eficienţăllei termică a născăntor sedii administrative. Prezentu la evenimentu, premierlu Nicolae Ciucă spusi suntu aştiptati nica 1.430 di proiecte, tru valoare totală di pisti 2,4 miliardi di euro. El diadi asiguripseri că tuti comunităţli locale, cari ţi s’hibă regiunea ică di apartenenţa politică a primarlui, au şanse isa di finanţare pritu PNRR.
Nicolae Ciucă “Tutu procesul di dipuneri a proiectelor şi di eligibilitate s-feaţi pritu ună turlie cât s’poate di transparentă şi di modirnă, ufilisinda-si ună platformă digitală. Pritu aestă procedură asigurăm mecanisme modirne pritu cari s’licşurămu emu accesul autorităţilor locale, emu s’dimonstrăm a cetăţenilor români că pot s’aibă pistipsearea tru angajamentele pe cari nă li lomu.” Premierul nica spusi că executivul lucreadză la a daua căftari di finanţare cari s’hibă pitricută a Comisiillei Europeane tră atea ca România să s’hărsească acutotalui di suma di 10 miliardi di euro ahărdzită ti aestu an. Cu finanţare di la Bruxelles easti şi ună bună parte ditu autostrada Moldovăllei (A7), cari leagă sudlu cu nordul a Româniillei și cari ari tutu cu tut 440 km, până la sinurlu cu Ucraina. Tronsonul di la Ploiești până la Pașcani, aproapea 320 di km, easti finanțat pritu PNRR. Compania Naţională di Drumuri simnă contractul tră prima secţiune Ploieşti-Buzău (60 km), di aproape 4 miliardi di lei (cca.800 milioane euro), cum şi tră execuţia a sectorului di mesi a aliştei, Mizil-Pietroasele (28 km). Tute lucrărli lipseaşti s’hibă bitisiti până tru agustu 2026, tra s’hibă dicontate pritu PNRR, planlu pi şcurtu kiro minduitu di UE tră relansarea a economiilor post-pandimie.
Ministrul a transporturlor, Sorin Grindianu, căftă a Companiillei di Călliuri s’li simneadză contractele tră tuti aţeali 13 loturi până la bitisita a anlui, ună călindari multu zorlea tră tiñiseari, cunuscut hiinda că nica nu fură lansati licitațiile, cari pot s’hibă contestate. Autostrada Moldovăllei va s’prillea mari parti ditu traficlu di pi actualul E85, ună cali națională cu câti ună bandă pi sens și un acostament niheamă ma largu, ufilisitu di multi ori niregulamentar di cătră șoferi cu noima că easti ună bandă di urdinari. Ditu vidiala a accidintelor, aestă easti, tru aestu kiro nai ma di piriclliu ditu tută văsilia. Autostrada Moldovăllei easti prima ditu România cari va s’adapteadză cât ma multu cu normili europene di fisi. Astfel, ea va s’aibă ndreapti pi traseu 24 di spaţii distinate ti ancărcarea a autoturismilor electriţi, va s’hibă siminati 65 loturi di pirdiadz forestieri anti-tufani cu neaua pi ună lundzimi totală di pisti 63 di km şi pi ună suprafaţă di 160 di ictări, iara călliurli tehnologhiti va s’poată s’hibă ufilisiti şi ca piste tră biţiclete.
Autoru: Mihai Pelin
Armânipsearea: Taşcu Lala
