Blocaju politicu tru România
Criza politică di București, nu-ari dãnãseari
Tașcu Lala, 29.06.2026, 21:34
Unã catastisi ahoryea tru aesti aproapea patru dekenii di democrație românească post-comunistă: parlamentarllii s’ndregu s’intrã tru vacanță, tu 1 di alunaru, iarapoi cratlu easti tu piricljiu s’armãnã cu un guvernu ţi nu ari tuti axiili di apofasi, pi cari maş plenlu andãmusitu a aţiloru dauă camere potu s’lu bagã tu ipotisea di ma ninti. Criza easti ditu 5-ţinţili di maiu, cându pareia executivă minoritară PNL-USR-UDMR, cumãndusitã di liberalu Ilie Bolojan, fu scoasã di pi ipotisi di parlamentu pritu unã moțiuni di cenzură.
Dauă ori arada vrurã s’adarã diznãu un nãu guvernu ama nu s’putu. Prota oarã s’bitisi fără votlu ti bãgari tu ipotisi, după trapsi mãnã candidatlu numãsitu, Eugen Tomac, liderlu a unãllei formațiuni extraparlamentarã, iarapoi doilu cabinetu, pripusu di libearalu dizidentu Adrian Veștea, nu avu numirlu di voturi ţi eara ananghi tru tru Leghislativ. Easti blocaj politicu – pricãnãscu prezidentulu Nicuşor Dan, după nãili muabeţ cu liderllii a formațiunilor ţi sã spunu pro-occidentali, PSD, PNL, USR și UDMR, şi cu deputațlli a minorităţloru naţionali, alti andicra di aţea maghiarã.
Pi measa caplui-prezidentu di cratu suntu dauă pripuniri di premieru: unã di la PSD, tru persoana șeflui suţial-dimocratu Sorin Grindeanu, şi una comună a PNL, USR şi UDMR, eurodeputatlu liberalu Siegfried Mureșan. Grindeanu fu premieru tru kirolu yinaru și cirişaru 2017, cându fu demis, tut pritu moţiuni di cenzură, bãgatã – caz unicu tru parlamentul di București – di partia a lui, după ţi numata eara tu vrearea a liderlui suţialu-democratu ditu atelu kiro, Liviu Dragnea, agiumtu cama deapoa tu hãpsani, stipsitu ti aruşfeti. Până la ampãrţearea di Dragnea, guvernulu al Grindeanu promovã proiecti leghislativi ti cari experţãllii spunu că mutrea s’acaţã tu mãnã justiţia şi s’curmã alumta anticorupţie.
Multu cilãstisitoru Bruxelles andicra di București și pțãnu cunuscutu di publiclu larg, Mureșan – spuni cãpia a lui di partie, Bolojan – easti miracli ti valorli europeani și ari experienţă ti kivernisearea fondurloru europeani, a bugetilor mãri di investiţii. Multu nvirinatu, prezidentulu Dan sã spusi niifharistusitu di itia cã libearalii trapsirã mãnã tra s’ndrupascã un executivu minoritaru PSD, aşi cum ş’avea loatã borgi ma ninti. PNL cundille, cu ma multi boţ griti, că nu-lu-ndrupãscu nicondiţionat pi Grindeanu, a deapoa PSD nu yini cu altã pripuniri di premieru şi aduţi tu muabeti alidzeri ninti di kiro/ anticipate, cara tru parlamentu nu va si s’ndreagã unã majoritate cari s’acaţã lucãrlu cu guvernarea. PNL şi USR spunu, tu arada a lor, cã ari cãbili si s’agiungã la alidzeri anticipate/ ninti di kiro. Aestea suntu mutriti ti goala cearei și di AUR (opoziția naționalistă), nica ditu ahurhita a crizãllei politicã.
Tru aestu kiro, tru capitală, București, iu easti cama di dzaţi proţenti di tutu electoratlu românescu, 73% ditu participanțãllii la un sondaju di opinie/ cãftarea minduitãllei tu lao adratu di CURS lugursescu că România acãţã unã cali alãtusitã și maş 16 di proţenti lugursescu cã easti bunã calea ţi u acãţã.
Autoru: Bogdan Matei
Armãnipsearia: Taşcu Lala
