Kazahstanlu ahurheaşti diznău exporturli di naftă pritu Shulinarlu Caspicu
Aprovizionarea cu naftă ditu Kazahstan easti di mari simasie și tră România, văsilia noastră hiinda dependentă, tru nai cama marea parti, di nafta kazahă.
Tașcu Lala, 28.07.2026, 02:00
Kazahstanlu ahurhi diznău exporturli di naftă pritu Consorțiulu a Shulinarlui Caspicu, după ţi CPC ahurhi diznău apruchearea a naftăl’ei di la transportatori și operațiuñili di ancărcari la terminal a l’ei maritimu ditu portul Novorossiisk di la Amarea Lae, hăbărisi, luni, Ministerlu ali Energhie ditu Kazahstan.
Cama di 60% ditu importurli di naftă ali Românie s-adară pritu shulinarlu CPC, pi cari Kazahstanlu lu dănăsi, stămăna ţi tricu, după ţi ma multi petrolieri ancărcati cu naftă fură atacati cu droni tru Amarea Lae.
Operaţiuñili di la terminalu va s’ducă ninti simfunu cu căftărli di sigurlăchi ţi suntu ananghi, nica cundil’e izvurlu di hăbări aleptu.
Ministerlu ali Energhie adăvgă că armâni tru ligătură niacumtinat cu cumăndusearea CPC, proţl’i transportatori di naftă și alti părță sinfirisiti și va s-lucreadză tră simfunizari gaereţli pritu cari s-asiguripseaşti transportulu fără dănăseari a naftăl’ei kazahă.
Shulinarlu Caspicu, ţi ari cama di 1500 di km lundzimi, asiguripseaşti aproapea 80% ditu exporturli di naftă a Kazahstanlui, ditu cari ună parti agiundzi şi tru România.
Autoru: Mariana Chiriţă
Armãnipsearea: Taşcu Lala
