Prezidentulu si primlu-ministru la Andamasea di lucru cu tema „Suţiitatea informațională și democrația constituțională”
Prezidentulu si primlu-ministru l’ia parti la Andamasea di lucru cu tema „Suţiitatea informațională și democrația constituțională”, tru cadrul a programlui trienalu a prezidenţiil’ei Asociația Curților Constituționale Francofone.
Tașcu Lala, 07.11.2026, 19:59
Prezidentulu ali Românie, Nicușor Dan, și prim-ministrul, Luca Niculescu, loară parti viniri, 6 di brumaru 2026, la Andamasea di lucru cu tema „Suţiiietatea informațională și democrația constituțională”, organizată tru cadrul a programului trienalu a prezidenţiil’ei Asociația Curților Constituționale Francofone (ACCF).
Legitimitatea electorală și garanții constituționali tru suţiitatea informațională – „easti ună temă di mari simasie și actuală, tră aţea că alidzerli suntu thimel’ilu ali democrație și di itia că numata himu tru catandisea tru cari legitimitatea a niscăntoru alidzeri s-hibă maş cu misurarea corectă a voturlor”, spusi caplu a statlui.
Alidzerli suntu thimel’ilu ali democrație și numata himu tru catandisea tru cari legitimitatea a niscăntoru alidzeri s-hibă maş cu misurarea corectă a voturlor. „Lipseaşti s-mutrimu cum s-dizvărteaşti campania și maxusu turlia tru cari cetățen’il’i pot să-și spună opiniili. Și lucărli aestea s-alăxiră multu tu an’il’I ditu soni, maxusu pritu prezența tutu ma mari a informațiilor tru un spațiu digitalu. Și aoa avemu niscănti vulnerabilităț tru tuti suţiietățli democratiţi: manipularea algoritmică, publiţitatea politică direcționată, campanii inautentiţi di influență politică și, tru chirolu ditu soni, ufilisearea ali inteligență artifiţială tră adrarea hăbărloru arădocichi”, spusi Dan.
Uidisitu cu spusa prezidentului, andreptul fundamental ta s’aleagă și andreptul fundamental ta s’hibă informatu suntu distorsionati.
„Și vidzumu multi exempli di aestă turlie și cadealihea că andreptul fundamentalu ta s’aleagă… și andreptul fundamentalu ta s-hibă informat easti distorsionat. Și, atumţea, problema easti… și nica easti şi altuţiva, câtu ayon’ea, s’dzătemu că achicăsimu tuti aesti fenomeni și că instituțiili știu s-apăndăsească, cunoscu tut inventarlu ti ahtări fenomeni și știu s-apăndăsească, antribarea di thimel’iu easti câtu ayon’ea potu eali s-apăndăsească, di itia că, maca ună informație s-arăspândi, s-dzăţemu, la 20% ditu populație tru ună turlie cari easti falsă ică nialithea, easti multu greu deapoa ca oamin’il’i la cari aestă informație agiumsi s-hibă căndăsiţ di contrariulu al’ei. Și, aoa, prota antribari easti cum aprăftăsimu s- adaptăm cadrulu instituționalu, aesta nsimneadză legislație, di ună parti, a deapoa di alantă parti, funcționarea tru chiro realu a instituțiilor, aţea turlie că proţeslu di informari anamisa di cetățeni tru cadrul a unei democrații s-hibă echitabilu. Și, ma s-triţemu tru sfera juridică, va s-videmu că, idyealui,ari antribări cari alăncescu; prota ş-prota, cum modernizăm legislația, aţea turlie tra s-acaţă tu isapi aestă nauă turlie di fenomeni digitali di informari, cum făţemu ca instituțiili s-veagl’e, cum spuşu, tru timpu realu, integritatea alidzerlor, fără s-hibă zn’iipsitu andreptul la libiră exprimari.
Andamasea di adză fu disimasie, spuni caplu a statlui, „că easti un teritoriu nău, pi cari cathi unu di noi ălu videmu şi iţi expertiză relevantă, și pozitivă, și negativă, nă agiută s-construim cathi unu di noi bunlu echilibru anamisa di tuti andrepturlidithimel’iu pi cari lipseaşti s’li yiximu. Aesta easti partea di informare cadealihea că, și diznău aoa dificultățli tehniţi suntu idyea disimasie, finanțarea campaniilor politiţi, tru condițiile tru cari turlia tru cari resursili financiare urdină s-diversificară idyealui și avem ună dificultati tru ţi mutreaşti reglementarea ttră tutu cadurlu a fluxurloru finanţiari”.
Autor: Mariana Chiriţă
Armânipsearea: Taşcu Lala
