Reacţii româneşti la criza dit Ucraina
România andrupasti integritatea teritorială ali Ucraina, condamnă minduerli di distabilizare a aistei vasilii şi fati timbihhi tra piricl’iul tra adrari un tercl’iu di conflicti prilundziti anvarlga di Amarea Lae. Cu aestu mesaj dusi, luni, Luxemburg, la reuniunea a şefilor a diplomaţiilor dit Uniunea Europiană, ministrul di externe Titus Corlăţean. Cetăţen’il’i — nica spusi el — nu au tra ti s-aduna gaile ligat di securitatea-a lor naţională, maca România easte membră NATO, ama atea ti s-fati tru statlu cu cari s-nvitineadza la nord nu poati s-nu hiba gailipsit şi cu influenţe cabaia serioase. Tu ti mutreasti prezidentul Traian Băsescu, aestu spusi ca hiindalui orlea zorlea hireasca gaeretea a autorităţlor ucrainene tra s-ndreaga arada tru estul a vasiliil’ei, iu persoane şi grupări armatusiti pro-ruse aputrusira tru dzalili dit soni, casi administrative. Cum spuni seflu a statlui, existenţa cabaia mari a asckerilor dit Federaţia Rusa la sinurlu dit apirita şi di sud-est ali Ucraina da curayiu tra atea ti s-fati tru apirita a aistei vasilie.
Roxana Vasile, 14.04.2014, 11:36
România andrupasti integritatea teritorială ali Ucraina, condamnă minduerli di distabilizare a aistei vasilii şi fati timbihhi tra piricl’iul tra adrari un tercl’iu di conflicti prilundziti anvarlga di Amarea Lae. Cu aestu mesaj dusi, luni, Luxemburg, la reuniunea a şefilor a diplomaţiilor dit Uniunea Europiană, ministrul di externe Titus Corlăţean. Cetăţen’il’i — nica spusi el — nu au tra ti s-aduna gaile ligat di securitatea-a lor naţională, maca România easte membră NATO, ama atea ti s-fati tru statlu cu cari s-nvitineadza la nord nu poati s-nu hiba gailipsit şi cu influenţe cabaia serioase. Tu ti mutreasti prezidentul Traian Băsescu, aestu spusi ca hiindalui orlea zorlea hireasca gaeretea a autorităţlor ucrainene tra s-ndreaga arada tru estul a vasiliil’ei, iu persoane şi grupări armatusiti pro-ruse aputrusira tru dzalili dit soni, casi administrative. Cum spuni seflu a statlui, existenţa cabaia mari a asckerilor dit Federaţia Rusa la sinurlu dit apirita şi di sud-est ali Ucraina da curayiu tra atea ti s-fati tru apirita a aistei vasilie.
Ma multu andicra di ahat, apariţia, diznau, pi teritoriul ucrainean a askirlalui neidintificabil, ama multu ghini instruit — tute aeste baga un mari semnu di ntrebari tra mintearea rusa tru Ucraina. Tru aestu contextu, Traian Băsescu nu feati un secret dit atea tra sa spuna că, di la instalarea ali administraţie Obama la Casa Albă, cându akicasi că Statile Unite s-tragu dit Europa di Estu şi au tru amprotusa politica externă pi zona Asia-Pacific, el la feati timbihi că fac una lathusi strategică. Cate? Ti furn’ia că, tru opinia a lui, Uniunea Europeană nu easte duri solidară şi unitară tra sa u substituiasca ixikea dit regiune a SUA em dit videala a securitatil’ei, em a dezvoltaril’ei democratica, pârghiile di cari comunitatea europeană li ari tra s-li kiverniseasca arkisurarli cata cum atel dit Ucraina hiind alui multu slabi. Escu alargu tra s-mi spun un anti-rus — nica spusi Traian Băsescu — ama Moscova lipseasti s-akicasasca că rata una ocazie extraordinară tra s-aiba una ligatura multu buna bună cu România prit prezidentul a l’ei.
Tru ahurhita a meslui, Rusia, prit purtătorlu di zbor a ministerlui di externe, cutugursi nascanti declaraţii a liderilor român’i andicra di situaţia dit Ucraina, cundil’indalui că una aspardzeari a ligaturlor anamisa di Bucureşti şi Moscova nu easte ti intereslu a varnui. Tentaţia a diplomaţiil’ei rusa tra sa u treaca criza gravă pi cari Federaţia Rusă u traverseadză, tu aestu kiro, tru raportu cu comunitatea europeană şi euro-atlantică cata zona a ligaturlor bilatearale cu România este nitimil’iusita si alathusita — apandasira autorităţle di Bucureşti. România andrupa şi ma largu andrupasti, deadun cu partenerii dit UE şi NATO, ananghea tra s-tin’iseasca independenţa, suveranitatea şi integritatea teritoriala ali Ucraina.
Armanipsearea: Tascu Lala
