Ripublica Moldova – fara vizi tru Ununea Europeana
Liberalizarea a regimlui di vizi tru spaţiul UE tra cetăţean’il’i ali Ripublica Moldova, intrată, luni, tru practico, easti marcată, Chişinău, prit ma multi acţiuni. Nai cama spectaculoasă ari numa “Fără vize tru UE”. Una parei di cama di una sută di persoane ncap cu premierlu Iurie Leancă, s-duc, simbolic, tru capitala ali Gartie, vasilie ti u ari preşeditţia ali UE. Tra şeflu a Executivlui, scutearea a vizilor va s-da izini a familiilor di moldovean’i să s-aduna ma multi ori, iara cetăţean’il’i va s-aiba furn’ia s-veadă cum s-baneadza tru UE. “Una priimnari tru ascapitata ali Europa va s-faca ma multu andicra di tută propaganda pro-rusă dit Rep Moldova”, declara un cetăţean moldovean aleptu di corespondentul Radio România la Chişinău.
Valentin Țigău, 28.04.2014, 13:24
Liberalizarea a regimlui di vizi tru spaţiul UE tra cetăţean’il’i ali Ripublica Moldova, intrată, luni, tru practico, easti marcată, Chişinău, prit ma multi acţiuni. Nai cama spectaculoasă ari numa “Fără vize tru UE”. Una parei di cama di una sută di persoane ncap cu premierlu Iurie Leancă, s-duc, simbolic, tru capitala ali Gartie, vasilie ti u ari preşeditţia ali UE. Tra şeflu a Executivlui, scutearea a vizilor va s-da izini a familiilor di moldovean’i să s-aduna ma multi ori, iara cetăţean’il’i va s-aiba furn’ia s-veadă cum s-baneadza tru UE. “Una priimnari tru ascapitata ali Europa va s-faca ma multu andicra di tută propaganda pro-rusă dit Rep Moldova”, declara un cetăţean moldovean aleptu di corespondentul Radio România la Chişinău.
Scutearea a vizilor di pi lucru easti, orlea-zorlea, un amintatic a cumandusearil’ei di Chişinău ama şi a acţiunilor politico-diplomatiti ali Românie. Ea poati s-hiba vidzuta, tutunaoara, ca un semnu a pitipsearil’ei tru acţiunea proeuropeană şi una dari curayiu atea turlie ca aesta acţiune s-nu hiba abandonată, maxus tru condiţiile tru cari orientarea catra UE nu easti vruta di tuti forţele politice dit fosta republică sovietică, majoritar românofonă. Rep Moldova easti prota vasilie membră a Parteneriatului Estic cari aminta liberalizarea tra regimlu a vizilor.
Comisarul european tra afaceri interne, Cecilia Malmstrom, hiritisi bagarea tru lucru a aistei apofasi şi alavda gaeretli a autorităţlor di Chişinău, cari u featira di cabuli. Bucureşti, prezidentul ali Românie, Traian Băsescu spusi, tru un mesaj, că libearalizarea tra urdinarea tru UE şi aprukeata simnari a Acordului de asociere va s-anvartuseadza imnaticlu european ali Rip. Moldova. Tru arada a lui, ministurlu român di Externe, Titus Corlăţean, spuni că moldovean’il’i s-harsescu, tora, di un ndreptu di thimel’iu ali UE si cafta a Uniunil’ei ayun’iusarea a proceslui di simnare a Acordului de Asociere anamisa di Chişinău şi Bruxelles.
Ia ti spuni ministurlu ti xeani Titus Corlăţean:
Featim cl’imari cătra ambasadorl’ii ali UE s-pitreaca tru capitalele a lor simasia tra ayun’iusearea a protesului de asociere. Ase, ma s-aiba cabile, nica tru bitisita a meslui mai să s-faca vulusearea a acordului de asociere, a acordului de liber schimb tra Rep Moldova, cara nu nai cama amanat tru meslu cirisar, tra s-da adyea ti easti ananghi tra Parlamentul moldovean, posibil ninti di vacanţa de veară, s-poată s-lu vuluseasca aestu acord, cum ti s-hiba ninti tra s-ahurheasca campania electorala tra alidzerli legislative dit toamna a aistui an.
Aca scutearea a regimlui di vize nu discl’idi a moldovenilor şi pazarea a lucurlui, ea cundil’eadza tru una turlie limbida, una aprukeari a Chişinăului de UE, tru un kiro multu ndilicat tra zona geopolitică dit cari fati parte.
Armanipsearea: Tascu Lala
