Dzuua a Europal’ei

Tră români, 9 di mai are unţ triplâ simasie. Easti Dzuua tru cari, aoa si 137 di ani, România ş-amintă independenta andicra di Imperiul Otoman, easti Dzuua ali Victorie contra a fascismului, tru 1945 şi Dzuua a Europâl’ei. “Contribuţia ti poate sâ u aducâ tră civilizaţie unâ Europă organizată şi activă, spunea, tru 1950, tru unâ declaraţie istorică, ti easti la thimel’ilu tră thimil’iusearea a UE di azâ, ministrul francez di Externe, Robert Schuman, easti indispensabilă tră tânearea ma largu a nâscântor ligâturi irin’iatiti“. Cu 28 di stati membre şi unâ populaţie di cama di 500 di miliun’i di bânâtori, UE easti unâ construcţie sui generis, thimil’iusitâ pi unitatea economică şi politică a vâsiliilor participante. România agiumsi membră, la 1 di yinar 2007, aderari di mari simasie tră bânâtorliI a l’ei. Caplu a Reprezentanţâl’ei di la Comisia Europenâ tru România, Angela Filote arâdâpseasti ndaua dit avantajele ali aderari:

Valentin Țigău, 09.05.2014, 13:53

Tră români, 9 di mai are unţ triplâ simasie. Easti Dzuua tru cari, aoa si 137 di ani, România ş-amintă independenta andicra di Imperiul Otoman, easti Dzuua ali Victorie contra a fascismului, tru 1945 şi Dzuua a Europâl’ei. “Contribuţia ti poate sâ u aducâ tră civilizaţie unâ Europă organizată şi activă, spunea, tru 1950, tru unâ declaraţie istorică, ti easti la thimel’ilu tră thimil’iusearea a UE di azâ, ministrul francez di Externe, Robert Schuman, easti indispensabilă tră tânearea ma largu a nâscântor ligâturi irin’iatiti“. Cu 28 di stati membre şi unâ populaţie di cama di 500 di miliun’i di bânâtori, UE easti unâ construcţie sui generis, thimil’iusitâ pi unitatea economică şi politică a vâsiliilor participante. România agiumsi membră, la 1 di yinar 2007, aderari di mari simasie tră bânâtorliI a l’ei. Caplu a Reprezentanţâl’ei di la Comisia Europenâ tru România, Angela Filote arâdâpseasti ndaua dit avantajele ali aderari:

”Di alargu, tră mine, nai ma marli avantaj easti libira minari a cetăţenilor, libira urdinari, libirtatea tra s-alagâ, tra s-lucreadzâ, tra studiu, tra s-aibâ emburlachi icâ tra s-hibâ cu sidearea tru iti crat membru, tru ideea tra s-ti dukestâ acasă, iutido pe teritoriul a atilor 28 di stati membre. Nica ari şi alte avantaje. Tru România, agiumsirâ mulţâ pâradz europeni, tru aestu kiro, ama io minduescu că, anaparti di pâradz, angreacâ alâxerli tru bana a cathi unlui cetăţean.”

Tra cundil’eari easti şi cilastâsearea ali României tru arada a instituţiilor europene, tră cari zburasti comisarul tra Agricultură, românul Dacian Cioloş:

“România easti şaptilu stat membru ca populaţie, ca suprafaţă, easti prezentă tru Parlamentul European si tru Comisia Europeană, nu masi prit comisarlu european, ama şi prit aproapea 800 di lucrâtori români cari lucreadză tru Comisie; putem sâ spunem că inteligenţa românească, specificul românesc, sensibilitatea românescă suntu prezente tru tuti instituţiile cari apufusescu tră UE. Tutunâoarâ, România easti atea ti ari amintaticu di nâscânti politit comunitare cari u agiutâ ti reconstructia ali economie şi tru societate, nchisindalui di la valorile europene.”

Cu unâ minduitâ geostrategică importantă, la sinurlu dit apirita ali UE, România easti un stur ti tanearea ali stabilităţii tru Europa Centrală şi tru Balcani. Ndridzearea irin’eaticâ a niachicâsearilţei dit Ucraina şi imnaticlu proeuropean a vitinâl’ei a l’ei, majoritar românofoni, Rip. Moldova, suntu, ază, deadun cu intrarea tru spaţiul Schenghen şi tritearea la moneda unică europeană, ndoi dit scupazl’I a l’ei tu amprotusa.

Armanipsearea: Tascu Lala