FMI, diznău Bucureşti
Unâ misiuni a Fondului Monetar Internaţional, Comisiil’ei Europenâ şi a Băncâl’ei Mondiala faţi isapi Bucureşti, tru yinitoarili dauă stămân’i, ti aţea dit soni achicâseari stand-by simnatâ cu România. Boardul a FMI vulusi tru yismâciuni anlu ţi tricu, cartea di naeti pitricutâ di autorităţli române tră simnarea a aiştei ndridzeari di turlie preventivâ tru valoari di aproapea dauă miliardi di euro, tră un chiro di doi an’i, la cari s-adavgă alti dauă miliardi di euro di la Comisia Europeană. Easti dzaşea achicâseari simnatâ di România cu FMI tru aeşţâ 23 di an’i dit soni. El s-bitiseaţti cu vadelu tru giumitatea a anlui yinitor şi, spuni ministurlu delegat tră buget, Liviu Voinea, aestu contractu di stabilitati, cari asiguripseaşti un cinghel’iu, easti cadealihea aţel dit soni cu aesti instituţii di mpârmut.
Corina Cristea, 02.06.2014, 12:45
Unâ misiuni a Fondului Monetar Internaţional, Comisiil’ei Europenâ şi a Băncâl’ei Mondiala faţi isapi Bucureşti, tru yinitoarili dauă stămân’i, ti aţea dit soni achicâseari stand-by simnatâ cu România. Boardul a FMI vulusi tru yismâciuni anlu ţi tricu, cartea di naeti pitricutâ di autorităţli române tră simnarea a aiştei ndridzeari di turlie preventivâ tru valoari di aproapea dauă miliardi di euro, tră un chiro di doi an’i, la cari s-adavgă alti dauă miliardi di euro di la Comisia Europeană. Easti dzaşea achicâseari simnatâ di România cu FMI tru aeşţâ 23 di an’i dit soni. El s-bitiseaţti cu vadelu tru giumitatea a anlui yinitor şi, spuni ministurlu delegat tră buget, Liviu Voinea, aestu contractu di stabilitati, cari asiguripseaşti un cinghel’iu, easti cadealihea aţel dit soni cu aesti instituţii di mpârmut.
Evoluţia a indicatorlor macroeconomiţ şi maxus ziya bugetarâ suntu tru amprotusa a moeabeţlor, tru condiţiili tru cari adunarea a pâradzlor la buget nu agiumsi pi nivelu minduit, a deapoa guvernul ari naeti s-bagâ tru lucru un bair di apofasi cari va s-agudeascâ negativ tamam veniturli la buget. Anamisa di aesti s-arâdâpsescu şi naetea a ministurlui di finanţi Ioana Petrescu di n’icşurari a contribuţiilor di asiguripseri suţiali cu 5% şi, aşi cum mindueaşti analistul economic Aurelian Dochia, executivlu lipseaşti să-l’i cândâsească reprezentanţâlii a creditorlor internaţionali că ari izvuri tra s-l’ia aestâ apofasi di la 1 di alunar:
Acâ indicatorl’ii di performanţă macroeconomică furâ multu bun’i, maxus tru aţea ţi mutreaşti crişterea economică, easti vârâ turlie pi napandica că aesti nu s-yilipsirâ uidisit ş-tru veniturli a bugetlui şi vahi că aoa va s-hibâ un punctu importantu di moeabeti tră pareia di la FMI. Ligat di aestâ, vahi şi pripunirli a guvernului di alâxeari a fiscalitatil’ei şi di n’icşurari a CAS pot s-hibâ bâgati dininti, a deapoa argumentele, orlea zorlea, lipseaşti s-hibâa multu ghini angrâpsiti tra s-cândâseascâ FMI că unâ n’icşurari a CAS nu easti tru piricl’iu tră s-aspargâ ziya ali construcţie bugetară şi s-nu pingă cătră un deficit bugetar, tru bitisita a anlui, mult pisti scupadzl’i tră cari s-achicâsirâ.”
Aşi cum mindueaşti ministurlu Petrescu, n’icşurarea a CAS tra angajatori va lu facâ ma hâirlaticu mediul di emburlâchi, va u n’icşureadzâ fortuma fiscală tră angajatorl’ii tin’isiţ şi poati s-ducâ la ndridzearea di năi locuri di lucru, di furn’ia a câ va sâ scadă bâgarea tru lucru paranom. S-lugurseaşti că chirerli la buget prit bâgarea tru lucru a aiştor apofasi va s-agiungâ tru trimestrul II la cama di dauă miliardi şi giumitati di lei, ama executivlu s-aşteaptâ câ va s-aibâ şi lucri hâirlâtiţi la buget, di aproapea un miliardu, em dit criştearea economică suplimentară, em dit taxili aferenti cu locurli di lucru tricuti dit pâzarea lae tru comata fiscalizată.
Armanipsearea: Taşcu Lala
